MINYÔN 4:10 - Bible en langue Bulu

¹⁰ Binga bete, mbe be nga bili nyeʼan e mo map, bebien be maneya yame bone bap be bo be bidi e beta njuʼu ngone yʼayoñe dam été.

Kalate Zambe Nnomo a Mfefe Mfefé Nkôñelan

¹⁰ Binga bete, mbe be nga bili nye'an e mo map, bebien be maneya yame bone bap be bo be bidi e beta nju'u ngone y'ayoñe dam été.

MINYÔN 4:10 Iomraidhean Croise

2 Bb. 25:3

Ngon é too melu ébu, zaé fe é too ngul abui e tison été, bôt tee bidi ya di,

EZAYI 22:2

A wo ô ne zôʼé abui, tisone bindundumba, tisone ya mevaʼa nga? Bebalé meveñe bôé be nji balebane meveñ a nkpwaté mekôn, a ba ye bo te wu bita

EZAYI 49:15

Ye minga a ne nguleya vuane nyañebé é wé? Ye a nji wôʼô mone yʼésôʼô jé mintaé? Jaʼane nyʼane vuane nye, ve ma me se nguleya vuane wo.

YEREMIA 19:9

Ma ye bo na be di minsône mi bobefame bap, a minsône mi bobebinga bap; a ba ye di, môt ase, minsône mi môt a too nye bebé e joʼojoʼo été a ôlune été ya besiñe bap, mbe ba jeñ ényiñe jap.

MINYÔN 2:11

Mise mam me jaéya a milik miñya mia boʼo mʼabum zôñ é tuiya ma amu mbia jam a kuiya be ngone yʼayoñe dam, amu bon a benyañebéé ba wu évé e mevôme ya tison me ne ndam

MINYÔN 2:20

A Nti fombôʼô a yen za nye wo bo avale mboone di. Ye binga be ne kui vôme ya di e bone be nga biaé a nyeñele? Ye be ne nguleya wôé betuni a bekulu mejô jaʼane vôme wôé a nʼétyi?

MINYÔN 3:48

Atôñe milik da lene me mis amu beta njuʼu a kuiya be bôte bam.

MINYÔN 4:3

Jaʼane minkemvaʼa fe mi beʼe minleme benyia a mia nyia bone mebé; ve ngone yʼayoñe dam é ntoo njet ane bʼéngutu ya fé.

EZEKIEL 5:10

Amu ajô te nde bʼésaa ba ye di bon e zañe jôé a bon ba ye di bʼésaa bap. Ma ye tôé mintyiʼane mejô miam me tele wo ngame yat a ma ye mialane jôm ése ja ye liʼi be wo mfep.

LEVITIK 26:29

Mia ye di minsône mi bobefame benan a minsône mi bobebinga benan.