MINYÔN 2:7 - Bible en langue Bulu

⁷ Nti a beneya ataʼa metunaʼa dé a yene vôme wé a nʼétyi nyé. A kalaneya mimfine menda bejô bôte ya Siôn e mo besiñ, zôʼé é bobaneya e nda Nti avalʼane môs abôk.

Kalate Zambe Nnomo a Mfefe Mfefé Nkôñelan

⁷ Nti a beneya ata'a metuna'a dé a yene vôme wé a n'étyi nyé. A kalaneya mimfine menda bejô bôte ya Siôn e mo besiñ, zô'é é bobaneya e *nda Nti aval'ane *môs abôk.

MINYÔN 2:7 Iomraidhean Croise

2 Bb. 25:9

A nga diʼi nda Nti, e nyô njô bôt a ma mese ya Yérusalém; a nga diʼi avale nda ése, a avale éwôlô ese nda éte é mbe nguleya bo.

2 Minkte 36:19

Be nga diʼi Nda Zambe, be nga sôʼôlô akaʼa ya Yérusalém si; be nga diʼi menda me njô bôt mese yʼété e nduan a tyame bidima bi biôm bise.

EZAYI 64:9

Bitisone biôé bi nʼétyi bi ntoo bilik; Siôn a ntoo bilik, Yérusaleme ki melunga.

YEREMIA 21:4

avale di Nti, e Zambe Israél a jô na: Tama yenan, ma zu vôône biôme mewosan mi bili mo menan a mbie mia wosane bie njô bôte ya Babilôn, a Bekaldééñ ba yandane mia e mimfin atan, a ma ye sôñe bie mfaʼa ya tisone nyôna été.

YEREMIA 26:18

Miké ya Morését a nga kulu mejô melu Ezékias njô bôte ya Yuda, a mbe a jôʼô bôte bese ya Yuda na: avale di Nti ya minsamba mewosan a jô na: Siôn a ye faʼaban anʼafup, Yérusalém a ye bo avise mekok , a nkôle ya Nda Zambe wo ye bo vôm a ne mbetane yôp njalan a afan.

YEREMIA 26:6

éyoñe te ma ye bo Nda nyô ane Silô, a ma ye bo tisone nyô jôme biyoʼé asu meyoñ mese ya si nyô.

YEREMIA 32:29

Bekaldééñ ba wosane tisone nyô ba ye nyiin, ba ye futi nduane tisone nyô a diʼi je, a menda, mme be nga ve Baal ôlobinda e mendile yʼété, a sôé bezambe befe binyunyui na me wôʼôlun.

YEREMIA 39:8

Bekaldééñ be nga diʼi nda njô bôt a nduan a menda me bôte yʼayoñ, wôna be nga kpwé fe mimfine ya Yérusalém.

YEREMIA 4:26

Me fombôya: si é mbe afube bilé bia wume bibuma é ntoo nkôté si a bitisone bié bise bi maneya diʼiban a mboone awu ayôñe ya ayaa dé.

YEREMIA 4:27

Amu avale di nde Nti a jô na: si jenan ése ja ye bo ndaman; ve ma ye bo te mane jiane je ése,

YEREMIA 50:28

Minyône mi bôt ba tup a mi befam awu ya Babilôn mia kate foé akunaʼa Nti, e Zambe wongan, e Sioñ, nalé fʼakunaʼa ya nda Zambe jé!

YEREMIA 52:13

A nga diʼi Nda Nti, nda njô bôt a menda mese ya Yérusalém; jaʼane beta nda ase, a nga diʼi je nduan.

MINYÔN 1:4

Mezene ma ke Siôn me ne ôlun été amu bezuu abôk be liʼiya me ébooé. Mevôme mé ya bôte ba sulan me ntoo ne ngongongo, a betuni bé ba sôôé abuk. Bengo be binga bé ba wôʼô ôlun; jame te e nʼayô mfaʼa wé.

MINYÔN 2:1

Jia! Nti, ayaa dé été, a futiya Yérusalém e minkute si étôtoʼo yʼIsraél, a sôʼôlôya je é soʼo yôb a kui si! E môse yʼayaa dé a nji ke fe simesan ételé mebo jé.

MINYÔN 2:5

Nti a ntoo foʼo vʼane nsiñ; a mineya Israél; a mineya fe menda bejô bôte mé, a maneya tyame bitisone biʼaleme bié, du a miñyôn a jaléya bie e be ngone ya Yuda été.

EZEKIEL 24:21

Jôʼô ayoñ Israél na: Avale di Nti nyô a ne Zambe, a jô na: Mi lôô ma zu ndaman étyi ya vôme wom a nʼétyi mebune me ngule jenan, afoʼo ya mise menan, nyanane jôme ya minleme mienan. Bobefame benan a bobebinga benan mi nga lik ba ye wu a nkpwaté mekôn.

EZEKIEL 7:24

Ma ye soo meyoñ ma dañ abé , na be nyoñe menda map; ma ye mane mebune mingungule mi bôt, a mevôme map me nʼétyi ma ye bo ndaman.

LEVITIK 26:31

Bitisone bienan bia ye bo ne sangaññ a mevôme menan ya nkañan ma ye bo ve si si, a ma ye bo te beta vebe mbamba ényume ya mimboone mienan.

LEVITIK 26:44

Vʼéyoñ ba ye tabe si besiñe bap, ma ye bo teke bene be a ma ye bo teke vini be a kui vôme ya jiane be, vôme ya tyam élate bia be be, amu me ne Nti e Zambe wop.

Am 2:5

Ajô te ma ye lôme nduan e Yuda a ja ye bo biwôlô menda ya Yérusalém asup.

MIKÉ 3:12

Ajô te nde ba ye tyee Sioñ, ane afube bidi a nde Yérusalém a ye bo avise mekok , a nde nkôle ya Nda Zambe wo ye bo nkôl ô yianeya a afan.

METIAS 24:2

Nye ve yalan a jô be na: Ye mi nji yene jôme jina ése? Ma jô mia bebela na: Te ke akoʼo da da ye liʼi é bete di avoʼo yôp; jôme jina ése ja ye sôʼôlôbane si.