MINYÔN 2:6 - Bible en langue Bulu

⁶ A maneya buʼu akaʼa dé avalʼane di yʼafup. A maneya tyame vôm a mbe a tôbaʼane bia Nti a boya na bôt be vuan beta ésulan a Sabat e Siôn; e ngul yʼayaa dé été, a sameleya njô bôt a betuni.

Kalate Zambe Nnomo a Mfefe Mfefé Nkôñelan

⁶ A maneya bu'u aka'a dé aval'ane di y'afup. A maneya tyame vôm a mbe a tôba'ane bia Nti a boya na bôt be vuan beta ésulan a Sabat e Siôn; e ngul y'ayaa dé été, a sameleya njô bôt a betuni.

MINYÔN 2:6 Iomraidhean Croise

EZAYI 1:13

Jôkaʼane fulu ya zuu mimvean mi ne teke mfi: ôtu ô ne ma mbia jôm. Mfaʼa meté me ngon, besabat a beta mebôk , me se nguleya kañese yene abé da dañ mbundaʼan a mebôk .

EZAYI 1:8

Ngone ya Sioñ ki é liʼiya ane ébem afube mindiʼi été, ane tison be diliya a bita.

EZAYI 43:28

ajô te me nga bo bivete ya vôm a nʼétyi ane zesé bôt, me nga kee Yakob e njañ a Israél e metaa été.

EZAYI 5:5

Eyoñe ji ma zu kate mia e jam ma ye bo afube mindiʼi dam: ma ye té nkaʼalé wo bômane de, A mimbame betit mia ye di de. Ma ye buʼu afôla éziñ ya mfin wo bômane de Nalé ba ye tibi de a mebo.

EZAYI 5:6

Ma ye bo de ne sangaññ, ba ye bo te sebe de nge bale de biyo a ndôé bia ye faa été, a ma ye kamane minkut mi bo te noo mveñ été.

EZAYI 63:18

Ayoñe bôte dôé e nʼétyi be nga bi si ô nga ve be ve mone nté; besiñe bangan be nga tibi vôme wôé a nʼétyi a mebo.

EZAYI 64:11

A Nti, ôsu ya mam mana mese, ye wo ye ke ôsu a jibi? Ye wo ye tabʼévô a samele bia a dañe nné?

YEREMIA 17:27

Ve nge mia bo te wôʼô ma, asu ya telé môse Sabat étyi, a mboone te beʼe mbeʼe éziñ, a mboone te nyiine mimbé ya Yérusalém, e môse Sabat, éyoñe te ma ye futi nduan e mimbé ya tison, ja ye diʼi biwôlô menda ya Yérusalém a ja ye bo te beta dim.

YEREMIA 42:18

Amu avale di Nti ya minsamba mewosan, e Zambe Israél a jô na: Aval ayaa, a ayoʼo dam bi nga sôéban e be bôte ya Yérusalém, avale te ayaa dam da ye sôébane be mia, nge mia kʼEjipte; mia ye bo jôme biyoʼé, melunga, ébiasé a ôsame. A mia ye bo te beta yene vôme nyô.

YEREMIA 45:4

Avale di nde wo ye kobô nye na: Ô lôô ma ye tyame jôm me maneya lôñ, a té jôm me maneya bé, nalé a ne na si nyôna ése.

YEREMIA 50:28

Minyône mi bôt ba tup a mi befam awu ya Babilôn mia kate foé akunaʼa Nti, e Zambe wongan, e Sioñ, nalé fʼakunaʼa ya nda Zambe jé!

MINYÔN 1:4

Mezene ma ke Siôn me ne ôlun été amu bezuu abôk be liʼiya me ébooé. Mevôme mé ya bôte ba sulan me ntoo ne ngongongo, a betuni bé ba sôôé abuk. Bengo be binga bé ba wôʼô ôlun; jame te e nʼayô mfaʼa wé.

MINYÔN 4:16

Nti Emien a maneya tyamelane be a nji fe beta fombô be; be nji semé betuni nge mvamane minnôm.

MINYÔN 4:20

Nyô a mbe ényiñe jangan, nyôô Nti a ne ñwoʼone mbon a biliya e bibé biap. Bi mbe bi jôʼôk ajô dé na: Bia ye nyiñe meyoñ été bi too éjijine jé si.

MINYÔN 5:12

Mo mab me nga tyelé bivete yôp. Be nji semé bemvendé.

EZEKIEL 17:18

A nga biasé ngana éyoñ a nga tyam élat; a nga ve wo wé a nga bo mam mete mese; a ye bo te fam!

LEVITIK 26:31

Bitisone bienan bia ye bo ne sangaññ a mevôme menan ya nkañan ma ye bo ve si si, a ma ye bo te beta vebe mbamba ényume ya mimboone mienan.

SOFONI 3:18

Ma ye kôane ba ba wôʼôlun ôyap a beta mebôk , ba be nga too wo ôyap mbe ôsame a nga titi bituu ane mbeʼe.

MALAKI 2:9

Ajô te ma fe ma ve mia mi bo jôm ébiasé a jôm ôsame e mise mʼayoñ ese, amu mi nji baʼale mezene mam, a amu mia nyiñili fulu ôbangam e metiñ me Zambe été.