MINYÔN 2:5 - Bible en langue Bulu

⁵ Nti a ntoo foʼo vʼane nsiñ; a mineya Israél; a mineya fe menda bejô bôte mé, a maneya tyame bitisone biʼaleme bié, du a miñyôn a jaléya bie e be ngone ya Yuda été.

Kalate Zambe Nnomo a Mfefe Mfefé Nkôñelan

⁵ Nti a ntoo fo'o v'ane nsiñ; a mineya Israél; a mineya fe menda bejô bôte mé, a maneya tyame bitisone bi'aleme bié, du a miñyôn a jaléya bie e be ngone ya Yuda été.

MINYÔN 2:5 Iomraidhean Croise

2 Bb. 25:9

A nga diʼi nda Nti, e nyô njô bôt a ma mese ya Yérusalém; a nga diʼi avale nda ése, a avale éwôlô ese nda éte é mbe nguleya bo.

Yb 13:24

Amu jé wo solé asu dôé? A nyoñe ma ane nsiñe wôé?

Yb 19:11

Ayaa dé é kalaneya me nyô, a nyoñeya ma ane wua ya besiñe bé.

EZAYI 29:2

Eyoñe te ma ye miate Ariél, a ye bo foʼo ve du a ntat, a ye bo mfaʼa wom vʼane mbeʼe nduan ba diʼi biyem ba tyik.

EZAYI 63:10

Ve be nga bene njôan, be nga ve mfufube Nsisime wé ôlun; nde a nga kôñelane a bo nsiñe wop a nye a nga wosane be ngame yat.

YEREMIA 15:1

Nti a nga jô me na: toʼo Môze a Samuel ba tebʼasu dam, nleme wom wo ye bo te fulan a bôte ba. Titaʼane be, be ke ôyap asu dam, be kelek!

YEREMIA 21:4

avale di Nti, e Zambe Israél a jô na: Tama yenan, ma zu vôône biôme mewosan mi bili mo menan a mbie mia wosane bie njô bôte ya Babilôn, a Bekaldééñ ba yandane mia e mimfin atan, a ma ye sôñe bie mfaʼa ya tisone nyôna été.

YEREMIA 30:14

ba bese be mbe be nyekeʼe wo ba ye vuane wo, te fe beta jeñe wo; amu me nga bibi wo avale nsiñ a bibi, me nga ve wo melep mveane njet, amu ézuʼu bikobe jôé, a anene ya abé dôé.

YEREMIA 52:13

A nga diʼi Nda Nti, nda njô bôt a menda mese ya Yérusalém; jaʼane beta nda ase, a nga diʼi je nduan.

MINYÔN 2:2

Nti a maneya mine bitabaʼa bi Yakob bise te kʼéngôngo; ayaa dé été, a maneya tyam bitison biʼalem ya Yuda, a maneya wua bie si; a sameleya si a bejôô yʼété.

MINYÔN 2:4

A koléya élaé jé ane nsiñ, mbo nnôme wé ki nkômesane ya limiti je ane nyô a ne ngame yat, a maneya wôé jôm ése mis me mbe me yene mvaé, ayaa dé e kalaneya e nda Zambe ya Yérusalém ane nduan.

EZEKIEL 2:10

A nga kuli nye ôsu viam; a mbe ntilan été a atan. Ntilan ô mbe été na: Minyôn, du a mintat.

SAMUEL ÔSU 28:16

Samuel na: Amu jé wo sili feʼe jam éyoñe Nti a keya wo ôyap a a ntoo wo ngame yat?