MINYÔN 2:4 - Bible en langue Bulu

⁴ A koléya élaé jé ane nsiñ, mbo nnôme wé ki nkômesane ya limiti je ane nyô a ne ngame yat, a maneya wôé jôm ése mis me mbe me yene mvaé, ayaa dé e kalaneya e nda Zambe ya Yérusalém ane nduan.

Kalate Zambe Nnomo a Mfefe Mfefé Nkôñelan

⁴ A koléya *élaé jé ane nsiñ, mbo nnôme wé ki nkômesane ya limiti je ane nyô a ne ngame yat, a maneya wôé jôm ése mis me mbe me yene mvaé, ayaa dé e kalaneya e *nda Zambe ya Yérusalém ane nduan.

MINYÔN 2:4 Iomraidhean Croise

2 Minkte 34:21

Kela yemelane nkômbane Nti asu dam a asu mebukaʼa me Israél a Yuda ajô mejô ya kalate a te some nyô, amu ayaa Nti é maneya sôébane be bia di e ne anen, amu bʼésaa bangan be nji ke baʼale nkobô Nti a bo aval ése é ne ntilan e kalate nyô.

2 Minkte 34:25

Amu be liʼiya ma a diʼi bezambe befe beôlobinda; asu ya bo me na me wôʼôlun a mimboone mise ya mo map, nde ayaa dam é sôébaneya e vôme nyô, a da ye bo teke dim.

Yb 19:11

Ayaa dé é kalaneya me nyô, a nyoñeya ma ane wua ya besiñe bé.

Yb 6:4

Amu mekoñ mʼélaé ya Nyô a ne Ngul ése me tulaneya me nyô, a nsisime wom ô nga nyu nsule yʼété. Beangôndô be mame Zambe be ne me ngame yat.

BESAM 7:13

Nge a bo te bulane be nye, ékotekote môt ja jebe nkpwaté mekône wé, a kolé élaé jé a sôñe je nkôman.

EZAYI 42:25

Ajô te a nga sôé ayôñe yʼayaa dé njete ya mewosane mé e nyôl Israél. Bita bite bi nga sôé nye nduane nyô bifase bise; a a nji fe beta kômbô yeme jôm éziñ; a nga mane diʼi Israél vʼIsraél a nji nyoñe jame te anene mfaʼa wé.

EZAYI 63:10

Ve be nga bene njôan, be nga ve mfufube Nsisime wé ôlun; nde a nga kôñelane a bo nsiñe wop a nye a nga wosane be ngame yat.

EZAYI 63:6

Ayoʼo dam été, me nga tibi meyoñ me bôt a mebo; me nga bo na me sok ayaa dam été, a me nga mialan metyi mabe si.

YEREMIA 10:20

Nda éndelé jam é maneya tyamban, minkole miam mi maneya téé, bone bam be kôlôya be ma; be nji beta bo; me nji bi môt a ne beta limi nda éndelé jam, nyô a ne beta bete menda bindelé mam;

YEREMIA 21:12

A nda bôte David! Avale di Nti a kobô na: tyiʼane mejô zôsôô ataté mametyé, a vaa nyô ba diane nye e mo me ntibili bôt, ayaa dam e za tôtan ane nduan, a e za yôñé, môte ya dime de momo, amu évô ya mimboone mienan.

YEREMIA 21:5

A mamien ma ye wosane mia a akule wo e ne nsaman, a wo ô ne ngu, a ayoʼo ese a ayaa ese, a beta ôlun ase.

YEREMIA 30:14

ba bese be mbe be nyekeʼe wo ba ye vuane wo, te fe beta jeñe wo; amu me nga bibi wo avale nsiñ a bibi, me nga ve wo melep mveane njet, amu ézuʼu bikobe jôé, a anene ya abé dôé.

YEREMIA 36:7

Ndôʼôtô na, minjaʼane miab mia ye kui asu Nti a bo nguleya bulan, môt ase mbia zene wé; amu ayok a ayaa Nti a maneya tot mfaʼa bôte ba e nʼanen.

YEREMIA 4:4

Tyiʼibane metye asu Nti, tyiʼibane metyele ya minleme mienan, a bôte ya Yuda a ba be too Yérusalém, ayaa dam e za kalan ane nduan, e za yôñé ane nkabaʼa nduan, bôt be too te nguleya dime wô, amu nkpwala ya mimboone mienan.

YEREMIA 42:18

Amu avale di Nti ya minsamba mewosan, e Zambe Israél a jô na: Aval ayaa, a ayoʼo dam bi nga sôéban e be bôte ya Yérusalém, avale te ayaa dam da ye sôébane be mia, nge mia kʼEjipte; mia ye bo jôme biyoʼé, melunga, ébiasé a ôsame. A mia ye bo te beta yene vôme nyô.

YEREMIA 7:20

Ajô te Zambe, nyô a ne Nti, a kobô na: ô lôô ayaa dam a ayoʼo dam da sôéban e vôme nyô, e be bôt a betit, e bilé ya fé a bibuma ya si; da ye yôñ teke beta dim.

MINYÔN 1:13

A too yôb été, a lômeya nduan é diʼi ma bives, a dañe bie ngu; a yaaya avot e mebo mame si a sôʼôlô ma kayale; a boya ma me tabe étam a kone môs ôse.

MINYÔN 2:5

Nti a ntoo foʼo vʼane nsiñ; a mineya Israél; a mineya fe menda bejô bôte mé, a maneya tyame bitisone biʼaleme bié, du a miñyôn a jaléya bie e be ngone ya Yuda été.

MINYÔN 3:3

Môs ôse, a kôñelane me wo wé e ngame yat biyoñ biyoñ.

MINYÔN 4:1

Jia! or a ntoo teke fe faé! Nya or a maneya tyendé! Mekoʼo me nʼétyi me ntoo mmialan e mebôta ya minjoñe mise!

MINYÔN 4:11

Nti a keya kui akuʼu yʼayaa dé, a sôéya ayaa dé e nʼayôñ. E Siôn, a boʼéya nduan ja diʼi nje é maneya mine mimbôkaʼa mié.

EZEKIEL 13:13

Ajô te ñhe avale di Nti nyô a ne Zambe a jô na: Ayoʼo dam été ma ye bo na ôkôs ô vuñ; ayaa dam été meduulu mveñ a ye noñ a mekoʼo metaʼa ma ye ku a ngul ése asu ya jiane jôm ése.

EZEKIEL 20:34

Ma ye vaa mia ézezañe meyoñ me bôt a ma ye sulane mia a wo ô ne ngu a nsaman mi soʼo mesi mi nga mane mialane me sôʼé ayaa dam.

EZEKIEL 22:22

Avale argent a nyemé mbeʼe nduan été avale te mia ye nyemé Yérusalém été.

EZEKIEL 24:25

Mfaʼa wôé, a mona môt, e ne foʼo na môse ma ye vaa jôme ja bo ngule jap, avaʼa dap, mekom a bivongo biap, mefoʼo ya mise map, ntéane nleme wop bobefame bap a bobebinga bap,

EZEKIEL 36:18

Eyoñe te me nga jôʼé, ayaa dam e nyôle jab amu metyi be nga mialan e si jab a amu bengunemelan be nga ve si éte mvin.

EZEKIEL 5:13

Ayaa dam da ye tôéban, ma ye jeʼe ayoʼo dam e nyôle jap, a ma ye bo mamiene mvaé a ba ye yeme na ma Nti, me kobôya abane dam été a kui ayaa dam da tôébane be be.

EZEKIEL 6:12

Nyô a nʼôyap a ye ku bim, nyô a ne bebé a ye ku a nkpwaté mekôn, nyô a ye liʼi a dilibane bita a ye wu mfumbale zaé. Ma ye tôé ayaa dame be be,

EZEKIEL 7:14

Ba loñe toñ, jôm ése é ntoo nkôman, ve teke môt a wulu dulu mewosan amu ayôñe yʼayaa dam da tôtane nyôle jama bôte wob ase.

LEVITIK 26:17

Ma ye kôñelane mia asu dam e ngame yat a besiñe benan ba ye bôme mia ôsu vienan; ba ba siñe mia ba ye bebe mia minlô yôp, a mia ye mate teke môt a titane mia.

NAHUM 1:2

Nti a ne e Zambe a nʼaban, a kun émien; Nti a kun émien, a ne njalan a ayaa; Nti a kun émien e be besiñe bé, teke jamé be.

NAHUM 1:6

Za a ne jibi ayaa dé? A za a ne tebe ayôñ ayaa dé e ngame yat? ayaa dé da mialan ane nduan a bôé mekôk.

DEUTERONOME 32:22

Yaa, ayaa dam e kalaneya: da nyiin jaʼana e bidoʼo ya vôme miñwuan mi né; avalʼane nduan, da diʼi bibuma bise ya si, da diʼi a kui minkañe ya minkô.

SAMUEL ÔSU 28:16

Samuel na: Amu jé wo sili feʼe jam éyoñe Nti a keya wo ôyap a a ntoo wo ngame yat?