MINYÔN 2:2 - Bible en langue Bulu

² Nti a maneya mine bitabaʼa bi Yakob bise te kʼéngôngo; ayaa dé été, a maneya tyam bitison biʼalem ya Yuda, a maneya wua bie si; a sameleya si a bejôô yʼété.

Kalate Zambe Nnomo a Mfefe Mfefé Nkôñelan

² Nti a maneya mine bitaba'a bi Yakob bise te k'éngôngo; ayaa dé été, a maneya tyam bitison bi'alem ya Yuda, a maneya wua bie si; a sameleya si a bejôô y'été.

MINYÔN 2:2 Iomraidhean Croise

Yb 2:3

Nde Zambe a sili satane na: Ye ô yeneya foʼo mbo ésaé wom Yob? E si nyô môt éziñ a nji bo ane nye; étua mvoʼé môt a zôsôô , a ko Zambe woñ a saʼaleʼe fe abé . A yeme ngu e ntabane mvoʼé wé été, a wo tindi me na me dimili nye te étom.

EZAYI 22:5

Amu den a ne môse ya feʼe njañan, môse mbiban a feʼe ne vema, ñwô Nti, Zambe ya minsamba mewosan a lômeya; e mbiʼili ya ñyenane mam été, beta mfin a kuya, a miñyôn mia bet e mfaʼa ya beta minkô.

EZAYI 23:9

Nti ya minsamba mewosan nye a nga nyoñe ntyiʼane te, asu ya balé mebune ya jôm ése ja faé aveñ, asu ya sili e ba bese be beʼe duma e si nyô si.

EZAYI 25:12

Mfaʼa ya mekaʼa môé a Môab, mfaʼa ya aleme dôé e nʼôyabe yôp, Nti a sôʼôlôya bie si, a kpwéya a wua bie si, e mbuluʼu été.

EZAYI 26:5

a sôʼôlôya ba be nga too mevôm me nʼôyabe yôbe si, a siliya tison é nga zalé si a siliya je a kui tyia, a boya je na é nnambe mbuluk.

EZAYI 27:11

Eyoñe mintyaé mia kôt, ba buʼu mie; binga ba zu futi nduan été. Be mbe bôt be ne te kʼatyeñ, ajô te nyô a nga té be a nji ko be éngôngo; nyô a nga mé be a nji ke mvamane be.

EZAYI 43:28

ajô te me nga bo bivete ya vôm a nʼétyi ane zesé bôt, me nga kee Yakob e njañ a Israél e metaa été.

EZAYI 47:6

Me nga wôʼô ayoñe bôte dam abé , me nga ndaman éliʼi jam a kalane be e mo môé; ô nji ke ko be éngôngo, ô nga titi adit ébôñeté jôé e bitule bi nnôme môt.

YEREMIA 13:14

Ma ye bo be bifus, bana be wosaʼane ba bevok, bʼésaa a bone nsamba wua, nalé Nti a jô; ma ye bo teke señele jam, éngôngole momo, mvañe momo, teke jôm ja ye kamane me na me mane jiane be.

YEREMIA 19:15

avale di nde Nti ya minsamba mewosan, e Zambe Israél a jô na: Mi lôô ma zuu bidim bise me nga jô bie e tisone nyô a e bitisone bise bi nʼéjôé jé si, amu be nga bo metyiñe mabe ñyemelane na be bo te wôʼô mejô mam.

YEREMIA 21:7

Mvus éte, nalé Nti a jô, ma ye ve Sédékias, njô bôte ya Yuda, bebo bisaé bé, ayoñ a ba bese be too e tisone nyô mbe ba ye fame bim, bita a mfumbale zaé a nkpwaté mekôn, ma ye ve be e mo me Nébukatnétzar, njô bôte ya Babilôn, e mo besiñe bap, a e mo me ba ba jeñ ényiñe jap; a ye wôé be a meyo me nkpwaté mekôn, a ye bo te éngôngole mfaʼa wop, teke yeʼele jôm a mvame momo.

YEREMIA 5:10

Betan e mekaʼa ya Yérusalém yôp, a tyame me. Ve te mane jian ase! Vaʼane mintyaé mié, amu mi nji bo mi me Nti!

MINYÔN 2:17

Nti a tôéya jam a nga tyik, a boya mejô a nga nyoñe ntyiʼan mimbu ya mvus. A tyameya te kʼéngôngo; a boya wo avaʼa besiñ, a beteya ngule ya besiñe bôé yôp.

MINYÔN 2:21

Bisoé a minnôm ba bôbôane si; bengo be binga bam a bendômane bam ba ku mimbim a nkpwaté mekôn; wo jian e môse yʼayaa dôé, wo tyiʼi tyiñ te kʼéngôngo.

MINYÔN 2:5

Nti a ntoo foʼo vʼane nsiñ; a mineya Israél; a mineya fe menda bejô bôte mé, a maneya tyame bitisone biʼaleme bié, du a miñyôn a jaléya bie e be ngone ya Yuda été.

MINYÔN 3:43

Ô nga feteban ayaa dôé été a tôñe bia, a wôé bia éngôngole momo;

EZEKIEL 5:11

Amu ajô te nde ane me vee! Nalé Zambe nyô a ne Nti a jô: amu ô nga ve vôme wom a nʼétyi mvin a beangôndô mimboone bôé, mbia mimboone miôé, ma fe ma zu kôlô a dise dam da ye bo te kʼéngôngo; ma fe ma ye bo teke yeʼe jôm.

EZEKIEL 7:4

Dise dam da ye bo be wo te kʼéngôngo, a ma ye bo te yeʼe jôm amu ma ye beté wo mbeʼe ya mezene môé. Beangôndô mimboone bôé ba ye tabe zañe jôé; a mia ye yeme na me ne Nti.

EZEKIEL 7:9

Dise dam da ye bo te kʼéngôngo a ma ye bo te yeʼe jôm; ma ye kaʼa wo mbeʼe avale mezene môé me né, beangôndô mimboone bôé ba ye tabe zañe jôé. A mia ye yeme na me ne Nti nyô a bibi wo.

EZEKIEL 8:18

Ma fe ma ye bo a ayoʼo ese; dise dam da ye bo te kʼéngôngo a ma ye bo te yeʼe jôm; éyoñe ba ye yône tyiñe yôbe melo mam, ma ye bo te wôʼô be.

EZEKIEL 9:10

Ma fe ma ye bo tʼéngôngo a ma ye bo te yeʼe jôm; ma ye bo na mimboone mi mame miap mi ku be minlô

MIKÉ 5:14

Ma ye liti akunaʼa dam, ayoʼo été a ayaa été, e be meyoñ me nga bo te wôʼô ma.

MALAKI 1:4

Nge bon bʼEdom ba ye jô na: Be maneya bôé bia; ve bia ye beta lôñe mevôm me ne ntyaman. Nti ya minsamba mewosan a jô na: Be tame lôñ, ve me ma ye tyam, a ba ye loone be na: Si ya mbia be mam, e bôte Nti a yaa be nnôm éto.

METIAS 18:33

ngaa wo fe ô nga yiane ko ébe mbo ésaé wôé éngôngo ane ma fe me nga ko wo éngôngo?

2 Ko 10:4

Momo, biôme mewosane biangan bi nji so e be bôt, ve ngule jap ja so e be Zambe, mfaʼa ya tyam alem. Bia tyam asimesane befeʼe,

DEUTERONOME 28:52

Da ye dili wo bita e vôm ase wo ye tabe akekui e beta mimfine mekok mi ne ngu ô too mie ndi e si jôé ése mi maneya ku; ayoñe te da ye bômane wo bita e vôm ase wo ye tabe, e si ése Nti, e Zambe wôé, a ve wo.

DEUTERONOME 32:22

Yaa, ayaa dam e kalaneya: da nyiin jaʼana e bidoʼo ya vôme miñwuan mi né; avalʼane nduan, da diʼi bibuma bise ya si, da diʼi a kui minkañe ya minkô.