MINYÔN 2:16 - Bible en langue Bulu

¹⁶ Besiñe bôé bese ba dii wo menyu nyô, ba loñe vioñ a latane mesôñ, ba jô na: Bi maneya mine nye! E môs bi mbe bi yangeʼe ñwô wu, bi kuiya wô, bi lôô wô!

Kalate Zambe Nnomo a Mfefe Mfefé Nkôñelan

¹⁶ Besiñe bôé bese ba dii wo menyu nyô, ba loñe vioñ a latane mesôñ, ba jô na: Bi maneya mine nye! E *môs bi mbe bi yange'e ñwô wu, bi kuiya wô, bi lôô wô!

MINYÔN 2:16 Iomraidhean Croise

EZAYI 49:19

Yaa e sisi jôé, biliʼi biôé, e si é ntoo mbuane le, e bôte bôé ba ye yeme yem été ataté éyoñe ji, a ba be mbe be mini wo ba ye kʼôyap.

YEREMIA 26:6

éyoñe te ma ye bo Nda nyô ane Silô, a ma ye bo tisone nyô jôme biyoʼé asu meyoñ mese ya si nyô.

YEREMIA 29:18

Ma ye tôñe be a nkpwaté mekôn, mfumbale zaé a bim, ma ye bo be jôme ba ko woñ asu bijôé bise ya si nyô, jôme biyoʼé, jôme feʼe ne vema, jôm éwovioé, jôm ôson e meyoñ ma ye jiane be été.

YEREMIA 50:17

Israél a ne ntômba ô dimiya fé, e wu bengbwengbwen be nga titan; njô bôte yʼAsiri nyʼa nga taté mine nyʼôsusua; a nyô a nga suʼulane buʼu nye bives a ne Nébukatnétzar njô bôte ya Babilôn.

YEREMIA 50:7

Ba bese be nga koone mie be nga mine mie. A besiñe bap be mbe be jôʼô na: bi nji bo mekua, amu be nga bo Nti abé e vôme zôsôô a né, be nga bo Nti abé , ndi nleme bʼésaa bap.

YEREMIA 51:34

Nébukatnétzar, njô bôte ya Babilôn a maneya mine ma, a maneya kandé ma; a veñesaneya ma me bo viek ô nʼékôkoé; a maneya mine ma ane beta tit, a jaléya abume dé a jôme me nga bili é too édima; a vaaya ma.

MINYÔN 1:21

Be nga wôk ane ma tat ve teke môt a volô me nlem; besiñe bam bese be nga wôʼôtane njuʼu wom, be nga vak amu wo ô nga bo me de; boʼo na e môs ô nga telé ô zu, éyoñe te be fe ba ye tôban ane me bili.

MINYÔN 3:46

Besiñe bangane bese ba diine bia anyu nyô.

EZEKIEL 23:32

Avale di Nti nyô a ne Zambe a jô na: Wo ye nyu élaé monyoñe wôé, wo ye nyu je é too ndam a édok. Ja ye bo tin ékpweʼele a vioé; é bili abui biôm.

EZEKIEL 25:15

Avale di Nti nyô a ne Zambe a jô na: Amu Befilisteñ be nga kune bebien, amu be nga kune bebien a ébiasé ése nalé a soʼo fe be éseʼe si, asu ya tyam, e nsisime mewosane wob be bili éyoñ ése. Amu nalé nde Nti, nyô a ne Zambe a jô na:

EZEKIEL 25:3

Wo ye jô bone bʼAmone na: vôʼôlaʼan ajô Nti nyô a ne Zambe! Avale di Nti nyô a ne Zambe a jô na: Amu ô nga jô na: Jia! Jia! E vôme wom a nʼétyi yôp éyoñ be nga ndaman étyi yʼété, e si Israél yôp éyoñe be nga sa je, a ayoñe Yuda yôp éyoñe be nga ke minkôm.

EZEKIEL 25:6

amu avale di Nti nyô a ne Zambe a jô na: Amu ô nga kute fas a kut abo si, amu ô nga vak a ébiasé jôé ése a jame te é soʼo wo éseʼe si ajô sii Israél.

EZEKIEL 36:3

Ajô te ñhe kuluʼu mejô! A wo ye jô na: Avale di nde Nti, nyô a ne Zambe a jô na: Yaa, amu be nga kômbô e mevôme mese na be mine mia a wua mia melunga été, na mi bo jôme meyoñe mefe, amu mi nga bobane jôme mekpweʼelaʼa a minkobô e bôte bôt été,

EZEKIEL 5:15

Wo ye bo vôm ôsame a bitom, éveʼelaʼa a jôme ba ko woñ asu meyoñ ma bômane wo éyoñe ma ye tôé mintyiʼane mejô miam me tele wo ngame yat a ayoʼo ese a ayaa ese a melep ma liti ayaa. Ma Nti ma kobô,

Oz 8:8

Israél a minebaneya e meyoñ mevoʼo été ane jôme môt éziñ a nji kômbô!

MIKÉ 4:11

Eyoñe ji jama meyoñ me bôt a sulaneya a wosane wo; a jô na: A ne e mvin été, mise mangan me lôô Sioñ!

Mm 7:54

Mejô mete me nga tyaʼa be minlem, a be nga late mesôñ a wôʼô Etienne abé .