MINYÔN 1:9 - Bible en langue Bulu

⁹ Ezingi jé é beʼe mebate ya mvine jé, a nji boʼo a yemek e jam da ye kui be nye; ajô te nkuane wé ô kuiya be nye atemetem, ve teke môt a volô nye nlem . A Nti! Ô lôô ôsame wom! Amu nsiñe wom a dañeya!

Kalate Zambe Nnomo a Mfefe Mfefé Nkôñelan

⁹ Ezingi jé é be'e mebate ya mvine jé, a nji bo'o a yemek e jam da ye kui be nye; ajô te nkuane wé ô kuiya be nye atemetem, ve teke môt a volô nye *nlem. A Nti! Ô lôô ôsame wom! Amu nsiñe wom a dañeya!

MINYÔN 1:9 Iomraidhean Croise

SAMUEL BAA EJÔÉ DAVID 16:12

Eko éziñe na Nti a ye fombô njuʼu wom a suʼulane bo ma mvaé éjiane biyoʼé ya den.

2 Bb. 14:26

Amu Nti a nga yen mbia ôsame a nga kui e be Israél. Olo ô nji fe bo, nge môte a ne fili, nge môt a volô Israél.

NEHEMIE 9:32

Eyoñe jina, a Zambe wongan, Zambe a ne anen, ngul a éko woñ, wo wo baʼale élat a mvam , te yene njuʼu wo kui be bia ane mone jam: biabebien, bejô bôte bangan bebo bisaé bangan, betuni bangan, bekulu mejô bangan, a bôte bôé bese, ataté éyoñe bejô bôte yʼAsiri, a kui môse wu.

NKÔLAN 3:17

A me jôya na: Ma ye bo mia mi kôlô Ejipte e vôm mi too e minjuʼu été, a kee mia e si Bekananééñ, Behétieñ, Beamorééñ, Beférézieñ a Beyébuzieñ, e si menyañ a wôé bia len.

NKÔLAN 3:7

Ane Nti a nga jô na: Me yeneya foʼo e beta njuk ayoñ dam da tôbane de Ejipte me wôʼôya fe ñyône wob amu ba ba tibili be a amu ma yem njuʼu wop.

NKÔLAN 4:31

Nde ayoñ ese e nga buni. Ane be nga nyoñ foé na Nti a zuya jome bôte ya Israél a naa a yeneya fe éngôngole jap: ane be nga kumbu si a kañe nye.

EKLEZIASTE 4:1

Me nga yene fe bitibelaʼa bise bia boban e jôbe si: miliʼi ya bôt ba wu ékpweʼele mme ma: ve teke môt a volô be nlem ! Bôt ba tibili be mbe be bili ngu, ve teke môt a volô be nlem !

EZAYI 3:8

Yaa Yérusalém a koléya ôbak, a Yuda a kuya mbek , amu nkobô wob a mimboone miap bi ne Nti e ngame yat. A ba wosan asu dé e nʼétôtok.

EZAYI 37:17

A Nti, keʼe alo a vôʼôlô! A Nti, kuʼi mis a fombô! Wôʼô mejô mese Senakérib a maneya lôm asu ya taa vevea Zambe!

EZAYI 37:23

O maneya ta a biasé za? O maneya bete tyiñe yôbe ngame yate za? O maneya bete mise môé yôp e be Nyô yʼIsraél a nʼétyi.

EZAYI 37:29

A amu wo wôʼô ma ôlun, a amu ébiasé jôé é beteya a kui melo mam, ma ye futi ôdôʼô wom e mimbile mi môé miôé, a e kandé jam e biyaé biôé, a bo wo na ô bulan e zen ô nga so.

EZAYI 37:4

Eko éziñe na Nti, e Zambe wôé, a ye wôʼô minkobô mi Rabsaké, mmie njô bôte yʼAsiri, e masa wé, a maneya lôm asu ya ta e Zambe a vee a éko éziñe na a ye ve melebe mé amu minkobô Nti e Zambe wôé a maneya wôk. Boʼo ñhe na meyeʼelan me bet asu mebukaʼa me ngenan.

EZAYI 40:2

bôʼane Yérusalém nleme si, a jô nye na: bisaé bi étibelaʼa bié bi maneya a na a kuiya akuʼu ya minjuʼu mié, amu a nyoñeya e wo Nti été maʼane ya bikobe bié tañe biyoñ bibaé.

EZAYI 47:7

Ô mbe ô jôʼô na: ma ye bo njôô nnôm éto! Ajô te ô nga bo te semé mam mete, ô nga bo te simesane na: Mam mete ma ye man.

EZAYI 51:19

mame mana mebaé me kuiya be wo: za a ye wôʼô ajô dôé ôlun? Nsa, a bilik, zaé a nkpwaté mekôn, me ne za na me volô wo nlem ?

EZAYI 54:11

A wo ô nʼéngôngo, ntyaʼan ébôm a ôkôs a teke môt a volô wo nlem ! Ô lôô ma ye bé mekoʼo môé abeñe meyañ été a bôôé mimbôkaʼa miôé e mekoʼo me Safir été;

YEREMIA 13:27

Me yeneya mejiane môé, a mintabe bisôʼô mienan, ébamba ôsame jôé, e beta minkôle yôp a mefan. Me yeneya beangôndô mimboone bôé, ngoʼo wo a Yérusalém, e wo ô nji kômbô tune womien! Wo ye beta yange a kui éyoñ évé?

YEREMIA 16:7

Ba ye bo te beʼe belet, asu ya volô nyô a beʼe meyebe nlem amu ajô mbim; a élaé ya mvolebane nlem ja ye bo te veban asu dap, amu awu ésaa nge di nyia.

YEREMIA 2:34

Metyi ya bingôngole bi bôt bi ne te bijô, mbie ô nji dilan bi boʼo jam éziñ, me ne a kui minwôndé ya ngômesane jôé.

YEREMIA 48:26

Boʼone nye na a soʼo bilam, amu a nga tebe na a wosane Nti! Môab a tame vuñ e biyôlôk bié été, nye fe a tame bo ébi fianga!

YEREMIA 5:31

bekulu mejô ba kulu minsos. Betuni be bili be éjôé jab été, a bôte bam ba nyeʼe na nalé nye a boban! Ve mia ye bo aya melu ma zu ajô si jenan?

YEREMIA 50:29

Loʼone bewua élaé be wosane Babilôn, nalé fe ba bese ba yeme belan élaé ! Vulane nye minkan mbômaʼan, môt éziñ a boʼo te tup, yakaʼane nye ane mimboone mié mi né, boʼone nye avale a nga bo! Amu a liti émiene bimeñ mfaʼa Nti, mfaʼa Nyô yʼIsraél a nʼétyi.

MINYÔN 1:17

Siôn a same mo môte ya volô nye nlem a ne momo; Nti a maneya ve besiñ ba bômane Yakob na be tebe nye ngame yat, Yérusalém a ntoo jôm é ne mvin ézezañe jap.

MINYÔN 1:21

Be nga wôk ane ma tat ve teke môt a volô me nlem; besiñe bam bese be nga wôʼôtane njuʼu wom, be nga vak amu wo ô nga bo me de; boʼo na e môs ô nga telé ô zu, éyoñe te be fe ba ye tôban ane me bili.

MINYÔN 2:13

Ma ye beta jô wo aya? Asu dam za a ne veʼane wo, a me ne volô wo nlem aya a Yérusalém? Amu njuʼu wôé ô nʼanen foʼo vʼane mañ: Za a ne nguleya bo wo mvoʼé ?

MINYÔN 4:1

Jia! or a ntoo teke fe faé! Nya or a maneya tyendé! Mekoʼo me nʼétyi me ntoo mmialan e mebôta ya minjoñe mise!

MINYÔN 5:1

A Nti ô simesaʼane jam e kuiya be bia fombôʼô a yen ane ba taa bia.

Oz 2:14

Ma ndamane ndiʼi woone wé, a e figié wé, mbie a mbe a jôʼô na: tame yene maʼane bibone biam bi veya ma. Ma ye bo ndiʼi woone te a befigié bete afan, a bia ye bo bidi betite ya fé.

SOFONI 2:10

Mam mete ma ye kui be be amu mebune map, amu be nga wu a ôsame a wosane ayoñe bôte Nti ya minsamba mewosan.

YOANES 11:19

Beyude abui be nga ke fe tabe Martha baa Marie ébeñese na be volô be minlem ajô awu ndôme jap.

DEUTERONOME 26:7

Ane bi nga yôn e be Nti, e Zamba bʼésaa bangan. Ane Nti a nga wôʼô tyiñe jangan a yen étibelaʼa jangan, njuʼu wongan a éngôngole jangan.

DEUTERONOME 32:27

Ve me nga ko avoñe na, besiñe bap be za kpweʼele ma, a buni na, bebien mbe be nga dañ Israél bita, a buni fe na, me nji bo jôm été.

DEUTERONOME 32:29

Nge be too bi ôbe fek, be nga ye yem e vôme mam mese ma ma kee be.

1 Pi 4:17

Eyoñ é kuiya foʼo e ji ntyiʼane mejô wo taté e nda Zambe; ve nge wo taté be bia, wôna asuʼulane ya ba ba bene buni Mbamba Foé Zambe da ye bo aya?

SAMUEL ÔSU 1:11

Nalé a nga tiñeti atiñ a jô na: A Nti ya minsamba mewosan! Nge wo fombô éngôngole ya mbo ésaé wôé a ne minga a né, a simesane ma, a bo te vuan e mbo ésaé wôé a ne minga, a nge wo ve mbo ésaé wôé a ne minga monafam, ma ye ve nye Nti melu mese yʼényiñe jé, a étyeñe minlô ja ye bo te lôt e nlô wé.