MIKÉ 7:9 - Bible en langue Bulu

⁹ Ma ye jibi ayaa Nti amu me nga bo nye abé , akekui a ye suñ ajô dam a tyiʼi ma ajô zôsôô . A ye zuu ma vôm éfufub é né, a ma ye nyeʼe me yenek zôsôô wé.

Kalate Zambe Nnomo a Mfefe Mfefé Nkôñelan

⁹ Ma ye jibi ayaa Nti amu me nga bo nye *abé, akekui a ye suñ ajô dam a tyi'i ma ajô *zôsôô. A ye zuu ma vôm éfufub é né, a ma ye nye'e me yenek *zôsôô wé.

MIKÉ 7:9 Iomraidhean Croise

SAMUEL BAA EJÔÉ DAVID 24:17

Ane David a nga kobô Nti éyoñ a nga yene éngele a wôé bôt a jô na: Tame yen: ma me nga bo abé ! Ma me nga kop; ve bôte ba be nga bo jé? Wo wôé wo yiane bibi ma a nda bôte jam!

Yb 23:10

Ve nye a yem e zene me tele. Eyoñ a ye veʼele ma, ma ye kôlô mfuban ane or.

Yb 35:14

akôsa bo wo jô na ô ngenane te yene Nye, ajô ô bili e nʼôsu vié: yangeʼe nye!

BESAM 7:6

nsiñe wom a ntoo ve tôñe ma a nambe nsisime wom, a woʼotôʼô ényiñe jame si, a bôôé duma dam e mbuluʼu été!

EZAYI 42:16

Ma ye bo mindindime na mi wulu e zene mi mbe te yem, ma ye ke ma yaʼale mie a so zene mi mbe mi dimiʼi; ôsu viap ma ye veñesane dibi é bo éfufup, mevôm me nʼékotekot, me bo njeʼese, jame te ebien nde ma ye bo.

EZAYI 42:7

Asu ya kui mindindime mis, asu ya bo na mimbôk mi kôlô menda mimbôk, a bo bôt be too dibi été na be kôlô afanefane mevôm.

EZAYI 46:13

Ma zuu zôsôô wom bebé; a nji bo ôyap. a nyiane wom wo ye bo te beta langan. Ma ye telé nyian e Siôn, asu Israél e nyanga jôme jam.

EZAYI 51:22

Avale di nde Nti, e Zambe wôé, e Zambe wôé a kaman ajô ya ayoñe bôte dé na: tame yen, ma nyoñ élaé ndumekan e wo wôé été, mebukaʼa mʼélaé yʼayaa dam wo ye bo te beta nyu me!

EZAYI 56:1

Avale di nde Nti a jô na: baʼalaʼane metiñ a boʼone zôsôô , amu nyiane wom ô mbeme so a ntyiʼane mejô wom ô mbeme litiban.

YEREMIA 10:19

Ngoʼo ma! Me buʼuya! Fôle jam é ne mintaé! Ngoʼo ma me mbe me jôʼô na: mintaé miame le, ma ye jibi mie.

YEREMIA 14:7

Nge bikobe biangan bia ve bia bijô, a Nti, boʼo jam éziñ, amu jôé dôé! Amu beyeñeyeñ bangan be nʼabui, bi boya wo abé .

YEREMIA 51:10

Nti a bo na zôsôô wongan a yené, zaʼane bi kañete ésaé Nti, e Zambe wongan Sioñ.

MINYÔN 1:18

Nti a ne zôsôô amu me nga bo abendé dé melo. Vôʼôlaʼan, mia meyoñ me bôte mese, yenane njuʼu wom. Bengone bam a bendômane bam be maneya ke minkôm.

LEVITIK 26:41

Ma fe ma ye bo be ntib a kee be si besiñe bap. Eyoñe te minleme miab mi ne melo mia ye sili mibiene si. A ba ye yaʼane mvôla ya bikobe biap.

MALAKI 3:18

Eyoñe te mia ye beta yen nkandan e zañe zôsôa môt a mbo abé , e zañe môt a saane Zambe a nyô a nji saane nye.

1 Ko 4:5

Amu ajô te, boʼone te tyiʼi ajô éyoñ éyoñ é ngenane te kpwaan, te naa Nti a so. Nye a ye liti e mame me ne nsolane dibi été éfufup, a kulane mefeʼe mese me nee minlem. Wôna, môt ase a ye nyoñ ékañaʼa ja yiane nye be Zambe.

2 Tim 4:8

Ataté éyoñe ji, ékate zôsôô é ne me mbaʼalan, nje Nti, zôsôô Ntyiʼi mejô a ye ve ma môs ôte. A saa ve ma étam, nalé fe ba bese ba ye nyeʼe e nsoone wé.

NLITAN 18:20

Vaʼak, a yôp amu nkuane wé! Mia mimfufup, minlôman a bekulu mejô fe vaʼan, amu Zambe a kobôya ajô denan éyoñ a maneya tyiʼi ajô Babilôn.

SAMUEL ÔSU 24:15

Ba ye yeme na njô bôte yʼIsraél a ke wosane za émien? Wo tôñesane za? Mbime mvu, zesé nyényé.

SAMUEL ÔSU 25:39

Eyoñe David a nga wôʼô na Nabal a wuya, a nga jô na: Nti a boʼo ébotan, Nyô a maneya kaman ajô dam ôsone jame ya Nabal a nga bo ma, nye fe a maneya kamane mbo ésaé wé na a bo te Kulu metyi! Nti a boya na abé Nabal é ku émien e nlô yôp. Eyoñe te David a nga lôm Abigayil tyiñe na a kômbô na a bo minga wé.

SAMUEL ÔSU 26:10

David a nga jô na: Ane Nti a vee! Nti étam nye a ye bibi nye: nge na môs awu wé wo kpwaan, nge na a wu e nseñe mewosan.

SAMUEL ÔSU 3:18

Nde Samuel a nga kate nye mejô mese teke solé nye jôm. Ane Eli a nga jô na: Nti le, a boʼok avalʼEmien a yene mvaé.