MIKÉ 7:8 - Bible en langue Bulu

⁸ A nsiñe wom, te vak amu ajô dam! Amu nge ma ku, me beta fe tebe tetele. Nge me too e dibi été, Nti a nʼéfufube jam.

Kalate Zambe Nnomo a Mfefe Mfefé Nkôñelan

⁸ A nsiñe wom, te vak amu ajô dam! Amu nge ma ku, me beta fe tebe tetele. Nge me too e dibi été, Nti a n'éfufube jam.

MIKÉ 7:8 Iomraidhean Croise

Yb 31:29

Nge me nga vak amu bidime ya môt a mbe a siñe ma, nge me nga fôn amu mbia jam a nga kui be nye,

EZAYI 2:5

Zaʼan a nda bôte Yakob, Zaʼane bi wulu a éfufube Nti!

EZAYI 49:9

Asu ya jô minkôme na: Kuian atan! A jô ba be ne e dibi été na: boʼone na be yene mia! Ba ye bo nguleya di e mezene mezen, a ba ye yene bidi biap e bone minkô.

EZAYI 50:10

Za ya be mia a ko Nti woñ éyoñ a vôʼôlô tyiñe mbo ésaé wé? Nyô ase a wulu e dibi été, a jembaʼan éfufup, a vaʼa ndi nleme jé e be jôé Nti wé, a a yeʼebeʼe be Zambe wé.

EZAYI 9:2

Wo bo ayoñe bôte na e bo abui; wo ve de mevak. Da vak mevaʼa ya nkôane bidi asu dôé, aval ane bôt ba vak éyoñ ba kabane biôme ya nsa.

YEREMIA 48:27

Ye Israél a nji tame bo asu dôé ébi fianga? Ye be nga koone nye miñwuwub été ane ô ne kobô ajô dé ve a nsiʼisane nlô?

YEREMIA 50:11

Yaa, vaʼan, fônan, mia mi nga telé éliʼi jam soé, yaa, yelaʼan ane étoñe mone ngale nyak ja yôô abui; tatan ane bikabela bi ne ngu!

YEREMIA 8:4

Wo ye jô be na: Nti a jô avale di na: ye be wôʼô ku mbek te beta kôlô si, nge na, ye be wôʼô lume mvus te beta bulan?

EZEKIEL 25:6

amu avale di Nti nyô a ne Zambe a jô na: Amu ô nga kute fas a kut abo si, amu ô nga vak a ébiasé jôé ése a jame te é soʼo wo éseʼe si ajô sii Israél.

EZEKIEL 35:15

Amu mevaʼa ô nga vak, amu ngabe ayoñ Israél é mbe melunga été, avale te ma ye bo wo; wo ye bo melunga a nkôle Séyir, wo a Edom ase; a ba ye yeme na me ne Nti.

EZEKIEL 36:5

Yaa, avale di Nti, nyô a ne Zambe a jô na: Yaa: E nduane yʼabane dam été, ma kobô me wosaʼane meyoñe mevok a Edom ase, mbe be nga nyoñe si jam é bo énjap a mevaʼa mese ya nleme wop a ébiasé ya nsisime wop, ane be ne sa miñyanebe yʼété!

Am 9:11

Môs ôte, ma ye bete ébeme David ja ndeñetan, a mane kôme mevôm mese me ne ntuan été; mevôm mese me nga mane tyamban, ma ye bete me si, a beta lôñ ébeme te, ane é mbe melu mvus.

ABDIAS 1:12

Te fombô môse monyoñ, môse bidime wé. Te vak ajô bone be Yuda, môse ba bube mo nduan, te kui anyu ne ndama e môse yʼôlun!

MIKÉ 4:10

A ngone Sioñ wôʼô mintaé a tat ane minga a kôʼôlô mie: Amu wo ye kui e tison atan éyoñe ji, a wo ye bo étabaʼa jôé e mefup, wo ye ke a kui Babilôn, nne ñhe wo ye kôtébane wé, e mo be besiñe bôé.

MIKÉ 7:10

Nsiñe minga wom a ye yene jame te, ôson wo ye jaé nye nyô. A mbe a siliʼi na: Nti, e Zambe wôé, a ne vé? Mise mam ma ye fombô ve nye; éyoñe ji ba tibi nye mebo si ane mbotoʼo ya zene yôp.

ZAKARI 12:8

Eyoñe te Nti a ye kamane bôte ya Yérusalém: ba ba dañ ateʼe be be, ba ye bo ngu ane David, a e mvoñe bôte David ja ye bo mfaʼa wop ane Zambe, avalʼane éngele Nti, a wuluʼu ôsu viap.

METIAS 4:16

E mvoñe bôt é nga too dibi été, é yeneya beta éfufup. E bôte be nga too sii dibi awu éfufup é faéya asu dap.

YOANES 16:20

Ma bele foʼo ane ma jô mia na, mia ye yôn a tat, ve si ndône ki ja ye vak. Mia mia ye foʼo wôʼô ôlun, ve ôlune wônan wo ye kôñelan a veñesane mevak.

YOANES 8:12

E nde Yésus a nga beta kobô be a jô na: Ma me ne éfufub ya si nyô, e môt a tôñe ma, aa ye ke wulu e dibi été, ve a ye bi éfufub ya ényiñ.

Mm 26:18

ô ke kui be mis, a vaa be dibi été, be zu éfufup; be kôlô éjôé satan a nyiine éjôé Zambe, ane be ne nyoñe njamane ya mam abé map, a bo benyoñe ngap, baa be mintobane mi bôt, amu mbunane ya buni ma.

2 Ko 4:6

Amu e Zambe a nga jô na: éfufup é faék ézezañe dibi. Emien ate nye a nga faé e minleme miangan été, asu ya bo na ñyemane ya étôtoʼo jé ja kuli minkôkô asu Krist ô faé.

2 Ko 4:9

ba titane bia mvus, ve teke koone bia; ba fite bia, ve teke jiane bia;

NLITAN 21:23

Tison été é nji yi jôp, nge ngone na, é bi éfufup, amu étôtoʼo Zambe ja faé je, a lambe ya été a ne Mone Ntômba.

NLITAN 22:5

Alu daa ye fe bo, teke môt a ye yi éfufube lambe, nge ji jôp, amu Nti, Zambe, a ye lôm éfufube jé e be be. A ba ye jôô nnôm éto a nnôm éto.