MIKÉ 6:8 - Bible en langue Bulu

⁸ A môt, be litiya wo Jam e ne mvaé, jame Nti a sili wo e ne ve na: Nsemane nya ntyiʼane mejôô, nyeʼane ya bo mvaé, a ntôñane zene Zambe wôé a liti wo.

Kalate Zambe Nnomo a Mfefe Mfefé Nkôñelan

⁸ A môt, be litiya wo Jam e ne mvaé, jame Nti a sili wo e ne ve na: Nsemane nya ntyi'ane mejôô, nye'ane ya bo mvaé, a ntôñane zene Zambe wôé a liti wo.

MIKÉ 6:8 Iomraidhean Croise

KALATE METATAʼA 18:19

Amu me nga tobe nye ane a ye bendé bobefame bé a nda bôte jé e mvuse jé na be baʼale zene Nti, a mboone zôsôôô a nya ntyiʼane mejôô; nalé ate Nti a ye tôé asu Abraham, e jam a nga jô ajô dé.

KALATE METATAʼA 5:22

E mvus abialé Matusalem, Hénok a nga wulu baa Zambe mimbu 300, a a nga biaé bobefam a bobebinga.

2 Minkte 30:11

Ve da bôte bʼéziñe ya meyoñ Azér, Manasé a Zabuloñ be nga yeme bikobe biap a ke Yérusalém.

2 Minkte 32:26

Vʼakôsa bo mebune ya nleme wé, Ezékias a nga sili émiene si nalé fe e bôt be nga too Yérusalém, ajô te ayaa Nti é nji ke zu be be nté ôse a nga vee.

2 Minkte 33:19

Meyeʼelane mé a avale Zambe a nga yalane nye, abé dé a melo mé, mevôm a nga lôñe bito bikôndôʼô yôp a telé mekôn mʼAkéra a biveʼela bi ngunemelan , te na a sili émiene si, mam mete me ne ntilan e kalate Hôzayi.

2 Minkte 33:23

A nji suu émiene si ôsu Nti avale Manasé ésaa wé a nga bo, ve nye, Amon, a nga bo mame ya dañe ve émiene mekua.

2 Minkte 34:27

Amu mejô mete ma te bi wo nlem , amu wo te suu womiene si asu Zambe éyoñ wo te wôʼô mejô mé ma wosane vôme nyô a bôt be too été, amu wo te suu womiene si asu dam, amu wo te nyabe mengômesane môé a yôn asu dam, me fe me wôʼôya, nalé Nti a jô.

NEHEMIE 9:13

O nga sis e nkôle Sinayi yôp; ô nga ve be minjôan mi ne zôsôô , metiñe bebela, memvinda a mebendé bi ne étua mvaé.

MINKANA 21:3

Zambe a yene nya ntyiʼane mejôô a mboone zôsôô mvaé, a dañe mveane biôme metunaʼa.

EKLEZIASTE 12:13

Asuʼulane ya nkobô wuna ôse e ne na: Ko Zambe woñ a baʼale mebendé mé. Amu ngume jam môt a yiane bo ñwô le.

EZAYI 56:1

Avale di nde Nti a jô na: baʼalaʼane metiñ a boʼone zôsôô , amu nyiane wom ô mbeme so a ntyiʼane mejô wom ô mbeme litiban.

EZAYI 57:15

Amu avale di Nyô a dañ ôyabe yôp, Nyô étabaʼa jé é too nnôm éto, a nyô jôé dé é nʼétyi a jô na: me too mevôm me ne mbetan a étyi été, ve da me ne a môt ba tibili, a nyô be sameleya nsisime wé été, nalé ma beta wômôlô minsisim mi ntoo nsamelan, a minlem mi ntoo ntyaʼan.

EZAYI 66:2

Biôm bite bise wo wom ñwô ô nga bo bie, éyoñe te nje bise bi nga téban, nalé Nti a jô. Tame yene nyô ma ye fombô: éngôngole môt é bili nsisim ô ne ntyaʼan, nyô a fôʼôban amu nkobô wom.

YEREMIA 22:16

a mbe a kobôʼô ajô éngôngole môt a nzôzoé , ajô te mam mese me nga wulu nye mvoʼé; ye sa ñyemane ya yeme ma ñwô le? Nalé Nti a jô.

YEREMIA 22:3

Avale di Nti a kobô na: Boʼone zôsôô a tyiʼi mejô ane da yian; kôtaʼane nyô ba diane nye e mo me ntibili bôt; te kpweʼelane ntabe , monenyui a nkuse minga; te boon évô, a te kulane metyi me ne te bijô e vôme nyô.

YEREMIA 9:23

Ve môt a kômbô wumulu émien a wumuluʼu amu na a ne atyeñ a a yeme ma, amu a yeme na: Me ne Nti, nyô a liti mvam , zôsôô a nya ntyiʼane mejôô e si nyô. Amu jame te nde ma yene mvaé nalé Nti a jô.

MINYÔN 3:26

E ne mvaé ya yange nyiane Nti ô too évô.

EZEKIEL 16:63

ndemben wo ye simesan angôʼé a wôʼôson, ndemben wo ye bo te beta kui anyu amu ôsame wôé, éyoñe ma ye kôm étome ya mam mese ô nga bo asu dôé, nalé Nti, nyô a ne Zambe a jô.

EZEKIEL 33:14

Eyoñe ma jô mbo abé na: Yaa wo ye wu! Nge a lum abé dé mvus a bo ane metiñ a nya ntyiʼane mejô bia liti,

Oz 12:6

Zambe ya émo ése, nyô ba loone na Nti,

Oz 6:6

Amu nyeʼan ñwô ma yene mvaé, saake metunaʼa; a ñyemane Zambe ñwô ma top, a dañe mimvean ba diʼi ngumba.

LEVITIK 26:41

Ma fe ma ye bo be ntib a kee be si besiñe bap. Eyoñe te minleme miab mi ne melo mia ye sili mibiene si. A ba ye yaʼane mvôla ya bikobe biap.

Am 5:24

Jame ma kômbô é ne na: nya ntyiʼane mejô a lôt ane mendim, a zôsôô ane nlôtʼôsôé a se nguleya vele.

MIKÉ 6:9

Tyiñe Nti ja loone tison, a ye nyii ba ba ko jôé dé woñ. Vôʼôlaʼan, a ayoñ a ékôane bôte ya tison,

SOFONI 2:3

Jeñane Nti, mia bôte bese ya si minlem mi ne ne mieññ, a mia tôé abendé dé! Jeñane nya ntyiʼane mejôô, jeñane njeʼebane minlem! Ndôʼôtô na mia ye fam e môse ayaa Nti da ye bo.

ZAKARI 7:9

avale di nde Nti a ne ngul ése a mbe a kobôʼô na: tyiʼane mejô zôsôô a môt ase a litiʼi monyañe mvam a éngôngô.

METIAS 5:3

Mvom a bôt be ne azoé e minsisime biab été, amu éjôé ya yôp é ne énjap.

METIAS 5:7

Mvom a ba ba wôʼô bôte befe éngôngo amu be fe ba ye kooban éngôngo.

LUKAS 10:42

Ve jame da étam é ne mfi: Marie a tobeya e ngap é ne mvaé ba ye bo te vaa nye je.

LUKAS 11:42

Ve ngoʼé mia Befarizieñ! Amu mia yaʼane ngab awômô ya biôme mevale meva, ve mia biasé zôsôô a nyeʼane Zambe: e jam mi nga yiane taté bo e nde le, teke vaa ma ma liʼi.

LUKAS 12:14

A nga yalane môt ate na: Za a nga telé ma e be mia na me bo ntyiʼi mejô nge nkab akum?

LUKAS 6:36

Koone bôt éngôngo ane ésoo wônan a koo bôt éngôngo.

BERÔMEÑ 7:16

Nde, nge jame me nji kômbô nde ma bo, wôna ma kañese metiñe na me ne mvaé.

BERÔMEÑ 9:20

O ne za, wo môt, wo fetane Zambe? Ye Jôm é nga kômbane ja ye jô nyô a nga kôme je na, ô nga kôme ma ana amu jé?

1 Ko 7:16

Yaa a minga, ye wo yem, nge wo ye nyii nyô nnôm? Ye wo yem a nnôm nge wo ye nyii nyô ngal?

EFEZE 4:32

Boʼone mvaé bana a ba bevok. Jamaʼan mia mia, aval ane Zambe a nga jamé mia e be Krist.

DEUTERONOME 27:10

Ajô te wo ye ve tyiñe Nti, e Zambe wôé mewôk, a bo fe mebendé mé a minjôane mié ma ve wo e môse wu.

DEUTERONOME 30:15

Tame yen, me teléya wo ôsu viôé den ényiñ a mvaé, awu a abé .

KÔLÔS 3:12

Amu mi ne mintobane mi Zambe a nga nyeʼe a telé étyi, jaane ñhe minleme mia wôʼô bôt éngôngo, mvam , nsuubane si, njeʼeban a njiban.

2 Tes 2:16

Nde Nti wongan, Yésus Krist émien, a Zambe Esaa wongan, nyô a nga nyeʼe bia, a ve bia amu mvame jé, mvolane minlem ô ne nnôm éto, a mbamba ndi nlem ,

YAKOB 2:20

A éngôngole môt, ye wo kômbô foʼo yeme na, mbunan ô ne teke mimboon ô ne momo?

YASUA 24:14

Ajô te, éyoñe ji, koone Nti woñ, a saane nye te meduʼan, ve a ndi nlem ése. Mia yiane vaa bezambe bʼésoo be nga saane be Efrate yat a Ejipte, ve boʼone Nti bisaé.

1 Pi 3:8

Ma suʼulane jô mia na fulaʼane minlem a wulu a feʼe jia. Mi nyeʼesan ane bobenyañ, a bi minleme ya éngôngo a anyep.

SAMUEL ÔSU 12:23

Mboone ya bo Nti abé fe ô kele ma ôyap, nge jôʼé yeʼelan asu denan! Ma ye yeʼele mia zen é ne mvaé a zôsôô .

SAMUEL ÔSU 15:22

Ane Samuel a nga jô na: Ye Nti a vak a mimvean ba diʼi ngumba a biôm ba tyik, a dañe mewôʼô ya tyiñe Nti? O lôô mewôk ma dañe biôm ba tyiʼi mvaé a nsuubane si fe wo dañ avoñe beyôm mintômba.