MIKÉ 6:5 - Bible en langue Bulu

⁵ A bôte bam mi simesaʼane ñhe e jame Balak, njô bôte ya Môab a nga bôndé, éyalane Balam e mone Béor a nga yalan.

Kalate Zambe Nnomo a Mfefe Mfefé Nkôñelan

⁵ A bôte bam mi simesa'ane ñhe e jame Balak, njô bôte ya Môab a nga bôndé, éyalane Balam e mone Béor a nga yalan.

MIKÉ 6:5 Iomraidhean Croise

EZAYI 1:27

Sioñ a ye kôtéban a nya ntyiʼane mejôô, a bôt be too Yérusalém ba ye kôñelane minlem a mboone mam me ne zôsôô .

NLAÑANE BÔT 22:41

Mametyé, Balak a nga nyoñe Balam a bete nye e Bamôt-Bal, vôm a mbe nguleya yen éfase bôte yʼIsraél.

NLAÑANE BÔT 23:27

Nde Balak a nga jô Balame na: Zaʼa me kee wo vôme mfe; ndôʼôtô Zambe a ye yene mvaé na bi too vôm ate ô yoʼé ma ayoñe bôte te.

NLAÑANE BÔT 25:1

Israél a nga too e Sitim; nde bôt be nga taté na ba bo bijabô a bengone ya Môab.

NLAÑANE BÔT 25:2

Bengone bete be nga dutu bôte ya Israél na be ve bezambe ya si jap mimvean metunaʼa. Bone bʼIsraél be nga nyoñe fe ngap e mindian mi nga boban asu bezambe bete, a kañe fe bezambe babe bete.

NLAÑANE BÔT 31:16

Mia tuʼa yeme na, binga ya Madian mbe be nga nyoñe melep e be Balam mfaʼa ya tindi bone bʼIsraél na, be bo abé e nʼangôndô e mise me Nti, éyoñ ajô Péor é nga boban; a mia yeme na mvus éte nje ébubua é nga kui e be bôte be Nti.

NLAÑANE BÔT 31:8

Be nga wôé fe bejô bôte betane ya Madian: Evi, Rékém, Sur, Ur, a Réba, nalé fe Balam e mone Béor.

NLAÑANE BÔT 33:49

Be nga vule minkan bebé a Yordan, ataté Bét-Oyésimôt a kui Abél-Sitim, e minjeʼese ya Môab.

EFEZE 2:11

Nde, mi simesaʼane ñhe na, e melu mvus, e mia mi nga beʼe ndeme ya bikañekañe e minsône mienan été, e mia mi nga lañeban ane minsôso e be ba ba simesane na be ne ntyiʼibane metye e mvuse ntyiʼan ébuʼa ya minsôn,

DEUTERONOME 16:3

Eyoñe ndiane ya abôk, mia ye di belet é ne te mvusan, belet éte ja ye bo mia mi simesan avôle nkôlan mi nga kôlô Ejipte. Eyoñe mia di belet ya ékpweʼele éte, mia ye simesan éyoñ ése, e môs mi nga kôlô Ejipte.

DEUTERONOME 23:6

Ve Nti, e Zambe wônan, a nji ke kômbô vôʼôlô Balam; asu denan, a nga kôñelane biyoʼé na bi bo bibotan, amu a nyeʼe mia.

DEUTERONOME 8:18

Wo ye simesane Nti, e Zambe wôé, amu nye a ve wo nguleya bi mefoʼo mete, nalé a ye yemete élate jé a nga kane bʼésoo ngana avale a bo e môse wu.

DEUTERONOME 8:2

Wo ye simesan e zene Nti, e Zambe wôé, a nga wulu wo tañe mimbu mewôm menyin mite e nkôte si, asu ya sili wo si a veʼele wo, a yemelane jam e mbe wo nlem , nge wo ye baʼale mebendé mé nge momo.

DEUTERONOME 9:7

Simesaʼan, te vuan, avale ô nga bo Nti, e Zambe wôé na a wôʼô ôlun e nkôte si. Ataté môs ô nga kôlô si yʼEjipte, a kui éyoñe mi nga suan e vôme nyô, mi nga biasé Nti.

YASUA 2:1

Melu me lôteya, ane Yasua mona Nun a nga lôme bôte bebaé asoé be kôlôʼô Sitim a jô be na: Kelan mia fombô si a dañe dañ tison Yérikô. Nde be nga ke a nyiine nda minga ébamba jôé na Rahab. Ane be nga bômbô valé.

YASUA 3:1

Yasua a nga kôlô si mametyé. Eyoñ be kôlôya Sitim, nde be nga kui Yordan, émien a bone bʼIsraél bese; ane be nga bômbô valé alu da abôñe Yordan, te na be dañe nye.

YASUA 4:19

Bôte bese be nga kôlô Yordan a bete kindik ngon ôsu ya mbu é too melu awôm, ane be nga tabe Gilgal, nné Yérikô mfaʼa jôp da tôô.

2 Pi 2:15

Eyoñe be liʼiya e zen é ne zôsôô be nga fuʼu fé a ntôñane zene Balam e mone Béor, nye a nga ku mebôbelaʼa été amu nkômbane ya nyoñ ékotekote maʼan.

1 Jn 1:9

Nge bia mem mam abé mangan, e nyô ya tabe nye ndi a zôsôô aval a ne a né, a ye foʼo jamé bia mam abé mangan a tune bikotekote biangan bise.

YUDE 1:11

Amu ajô tañ, nde be nga ku e meveʼele me Balam a be nga jañ nkangane Koré été.

NLITAN 2:14

Ve me bili mam ma wôʼô wo abé : bôte bʼéziñ be ne ézezañe jôé, ba vôʼôlô nyeʼelane Baalam, nye a nga lebe Balak na a lame bone bʼIsraél ôlam, a tindi be be di betit be nga vebane e be bengunemelan a bo ébamba.

BETYIʼI MEJÔ 11:25

Ye wo dañe Balak, e mona Tipor, njô bôte ya Môab? Ye a nga kui na a bo Israél mejô, nge bo nguleya wosane nye?

BETYIʼI MEJÔ 5:11

Ba ba kabe mendim bebé e mevôm ba nyu mendim, ba kañ mbamba mimboon mi Nti, e mbamba mimboone mié e be bivete yʼIsraél, éyoñe bôt be nga tebe e mimbé ya tison.

SAMUEL ÔSU 12:7

Eyoñe ji tebaʼan e mbôñ ajô asu Nti. Ma ye taté kate mia mbamba be mam a nga ve mia, miabebien a bimvame bienan.