MIKÉ 6:16 - Bible en langue Bulu

¹⁶ Wo baʼale memvinda me Omri, a mimboon mise nda Akab é nga bo. Mia wulu e mefeʼe mab été, ajô te ma ye bo wo ne sangaññ. Mia bôt mi too Yérusalém, mia ye bo éwovioé, a ôson wo ye bi bôte bam bese, wo ye fe bi Yérusalém.

Kalate Zambe Nnomo a Mfefe Mfefé Nkôñelan

¹⁶ Wo ba'ale memvinda me Omri, a mimboon mise *nda Akab é nga bo. Mia wulu e mefe'e mab été, ajô te ma ye bo wo ne sangaññ. Mia bôt mi too Yérusalém, mia ye bo éwovioé, a ôson wo ye bi bôte bam bese, wo ye fe bi Yérusalém.

MIKÉ 6:16 Iomraidhean Croise

1 Bb. 18:4

Eyoñe Yézabél a nga mane wôé bekulu mejô be Nti, Obadiahu a nga nyoñe ntete yʼété, a solé be e mimbase mekoʼo mibaé été, mbas ôse bekulu mejô mewôm metan, a vaʼa be bidi a mendim.

1 Bb. 9:8

Nda nyô é kôsa bo ôyabe yôp ane é né, môt ase a ye lôte je bebé a ye semé a kut ôdak. Ba ye sili na: Amu jé Nti a nga bo si a nda nyô avale di?

2 Bb. 16:3

A nga wulu e zene bejô bôte ya Israél, a kui vôme ya diʼi mone wé e nduan, avalʼane bʼangôndô mimboone ya meyoñe Nti a nga wôlé biôm ôsu bone bʼIsraél be mbe.

2 Bb. 21:3

A nga beta lôñe bito ya bikôndôʼô yôp mbie ésaa wé Ezékias a nga mane vaa, a nga lôñe baal metaʼa metunaʼa, a nga bo akône akéra aval Akab, njô bôte ya Israél a nga bo, a nga kut ateté ya yôbe meboñe si a kañe de.

2 Minkte 22:4

A nga bo mam me ne abé e mise me Nti, avalʼane nda Akab, vôm ate a nga nyoñe bevee melep , asu njañane wé, éyoñ ésaa a wuya.

2 Minkte 34:25

Amu be liʼiya ma a diʼi bezambe befe beôlobinda; asu ya bo me na me wôʼôlun a mimboone mise ya mo map, nde ayaa dam é sôébaneya e vôme nyô, a da ye bo teke dim.

BESAM 1:1

Ebotan a môt a bo te tôñe melebe bikotekote bi bôt nge tebe zene bebo abé , nge tabe éto bekpweʼele bôt.

EZAYI 25:8

A bo awu momo jam nnôm éto; Nti a ne Zambe a fimi miliʼi ya mesu mese, a bo na ôsame ya bôte bé a jañ e si nyôna ése été: amu Nti a kobôya.

EZAYI 9:16

ajô te Nti a ye bo te yene bendôman yʼayoñe dina mvaé, nge wôʼô bobenyui a minkuse mié éngôngo; amu bese be ne bebo abé a bebo mbia be mam. A menyu mese ma baʼalane mejô ya te fek. Vʼamu mam mana mese, ayaa dé e nji kôlô, a wo wé ô ngenane nsaman.

YEREMIA 19:8

Ma ye bo tison éte jôme ya bi ébuʼanyu a mo, a jôm éwovioé; ba bese ba ye lôte je bebé, ba ye bo feʼe ne vema, a ba ye woé je, amu bibubua bié bise.

YEREMIA 25:18

E Yérusalém a bitisone ya Yuda, e be bejô bôte bé a biwôlô bebo bisaé bié, asu ya bo bie bilik, jôme feʼe ne vema, éwovioé a jôme biyoʼé, avalʼane môse wuna ôbien;

YEREMIA 25:9

ma ye lôme na be jeñe meyoñ bikule mese yʼakôé, nalé Nti a jô, a Nébukatnétzar, njô bôte ya Babilôn, mbo ésaé wom, ma ye zuu be na be wosane si jenan a bôte be too été a meyoñ mese ma bôman, nalé ma ye jiane me a bo me jôme ya feʼe ne vema, éwovioé a bilik nnôm éto.

YEREMIA 29:18

Ma ye tôñe be a nkpwaté mekôn, mfumbale zaé a bim, ma ye bo be jôme ba ko woñ asu bijôé bise ya si nyô, jôme biyoʼé, jôme feʼe ne vema, jôm éwovioé, jôm ôson e meyoñ ma ye jiane be été.

YEREMIA 51:51

Bi nga too ôson été, éyoñe bi nga wôʼô meta; ôson ô nga yalé mesu mangan éyoñe bikuu bi nga so e vôme yʼété a ne Nda Nti.

YEREMIA 7:24

Be nji ke wôk, be nji ke kee alo; be nga tôñe mefek a melo ya mbia nleme wop. Be nga tebe mvus, te ke ôsu.

MINYÔN 5:1

A Nti ô simesaʼane jam e kuiya be bia fombôʼô a yen ane ba taa bia.

EZEKIEL 39:26

Eyoñe te ba ye vuan ôsone viap a bijabô bise be nga bo mfaʼa wom. Ba ye tabe si jap teke tyelé nleme yôp teke môt a ndeñele be.

DANIEL 9:16

A Nti, betaʼa vumelan mbamba mimboone miôé, tame vaa ngul ayaa jôé e be Yérusalém tisone jôé nkôle wôé ô nʼétyi! Amu na abé dangan a bikobe bʼésaa bangan mbie Yérusalém be ntoo jôme meta e be bôt ba bômane bia.

Oz 12:14

Ve Nti a nga belane nkulu mejô asu ya vaa Israél a kôlô Ejipte, nde fe a nga ve nkulu mejô ésaé ya baʼale ayoñe bôte dé.

Oz 5:11

Ba tibili Efrayim, ba buʼu nye e ntyiʼane mejô été, amu a nga bo melo ya tôñe momo.

MIKÉ 2:6

Bôt bʼéziñ ba jô me na: Jôkéʼé kobô avale mame te, e ne asuʼu ya yemete na: Ôson ô ne teke asaʼale!

MIKÉ 6:13

Ajô te me nga bo wo na ô kon, amu mbane ya bôme wo, amu mbane ya sa biôme biôé, nalé a too vʼamu abé dôé.

NLITAN 2:20

Ve ma wôʼô wo abé na, wo ve Zézabél fan, minga ate a jô na a ne nkulu mejô, a yale bebo bisaé bam e nkobane zen été, a yeʼele fe be na be bo ébamba a di fe betit be nga veban e bengunemelan.