MIKÉ 5:4 - Bible en langue Bulu

⁴ Nye a soo mvoʼé ! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye bebaʼale mintômba zamgbwa, a bivete yʼayoñ muam e ngame yat.

Kalate Zambe Nnomo a Mfefe Mfefé Nkôñelan

⁴ Nye a soo *mvo'é! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye beba'ale mintômba zamgbwa, a bivete y'ayoñ muam e ngame yat.

MIKÉ 5:4 Iomraidhean Croise

NKÔLAN 23:21

Tabeʼe ntyel asu dé, wôʼô nye; te bo nye na a wôʼô ôlun, amu a ye bo te jamé abé denan: Amu jôé dam e ne be nye.

EZAYI 45:22

Kôñelaʼane be ma mi nyiiban, mia, mekuʼu mese ya si ma dañ ôyap! Amu me ne Zambe, a mfe a nji bo.

EZAYI 49:5

Eyoñe ji Nti a kobô. Nyô a nga kôme ma aso abume nyia wome na, me bo mbo ésaé wé, na me bulane Yakobe be nye, na Israél a sulan e fefele jé; me nyoñeya duma e mise me Nti, amu Zambe wom nye a ne ngule jam.

EZAYI 52:10

Nti a liti soé ya étyi jé e mise meyoñ me bôte mese; a mekuʼu mese ya si nyô ma ye yene nyiane Zambe wongan.

EZAYI 52:13

Mbo ésaé wom nye nyô, mame mé ma ye ke ôsu; a ye bet, a ye ke ôyabe yôp, a ye bebe étua ôyabe yôp.

EZAYI 8:7

Ajô te, amu nalé, ô lôô Nti a zuu ndône beta mendim yʼôsôé me ne ngu e be be: nalé a ne na, njô bôte yʼAsiri a duma dé ese. Osôé te wo ye kui ndôn A yandane mekindiʼi mé mese;

MIKÉ 7:14

Vaʼa bôte bôé bidi a ntume wôé, mbame biyem ô ne ngabe jôé ñwô ô too étam afan été ézezañe Karmel! Be jaʼak e Basañ a e Galad avalʼane melu mvus.

ZAKARI 13:7

A nkpwaté mekôn wosaʼane mbaʼale mintômba me nga bo élat a nye. Wôék mbaʼale mintômba, éyoñe te mintômba mia ye mialane vôm ase, a ma ye jimbi bone ya mbam.

ZAKARI 9:10

A ye vaa bevagoñe bita Efrayim, a bikabela e Yérusalém; a ye buʼu bilaé bita, a ye telé mvoʼé e meyoñ; a ye bo njôô ataté mañe ma a kui ma mevok, ataté Efrat a kui akuʼu si.

MALAKI 1:5

Mise menan ma ye yene de, a mia ye jô na: Anene Nti da lôte minné yʼIsraél!

METIAS 16:18

A ma ma jô wo na: Ô ne Pierre, a akoʼo te yôp, ma ye lôñe keké jam, a mimbé yʼétôtôlan mia ye bo te dañe je ngu.

METIAS 2:6

Amu wo a Bétléhém, si ya Yudé ô nji dañe dañe tyôtyoé ézezañe minlô minlame ya Yuda, Amu na Njôô a ye so be wo, A ye baʼale mbame wom Israél.

METIAS 25:31

Eyoñe mona môt a ye so étôtoʼo jé ba be beéngele bé bese, a ye tabe étôtoʼo éto njôane jé.

LUKAS 1:32

A ye bo beta môt a ba ye loone nye na e Mone Nyô a dañ ôyabe yôp. Nti, nyô a ne Zambe, a ye ve nye éto njôane David ésaa wé;

YOANES 10:38

Ve nge ma bo me, jaʼane mi ne te buni ma, bunaʼane mimboon mite, nde mia ye yem a buni na Tate a ne be ma, a me ki me ne be Tate.

YOANES 20:17

E nde Yésus a nga jô nye na: Te nambe ma! Amu me ngenan te bet be Tate. Kele ñhe yene bobenyoñ ô kate be na ma bet a ke be Esaa wom a Esaa wônan, e be Zambe wom a Zambe wônan.

EFEZE 1:3

Zambe a boʼo ébotan, Esaa Nti wongan Yésus Krist. A nga botane bia a ébotane ya Nsisim ése é ne e yôb été a e be Krist.

1 Pi 1:5

Mia bete ngule Zambe ja baʼale amu mbunan mfaʼa nyian ô ne bebé ya yené éyoñ ja suʼulan.

YUDE 1:1

Ma, Yude, mbo ésaé Yésus Krist, monyañe Yakob, ma tili ba be ne nloon, nyeʼan e be Zambe Esaa, a mbaʼalan mfaʼa Yésus Krist.

NLITAN 11:15

Engele zamgbwale a nga loñe toñe jé. Beta metyiñ me nga so yôp me jôʼô na: Ejôé ya si nyô é nto ji e Nti wongan a Krist wé éyoñe ji. A ye jôʼô nnôm éto a nnôm éto!