MIKÉ 4:4 - Bible en langue Bulu

⁴ Môt ase a ye tabe afube mindiʼi dé si, a e figié wé si, a teke môt a ye ndeñele be; amu anyu Nti ya minsamba mewosan e kobeya.

Kalate Zambe Nnomo a Mfefe Mfefé Nkôñelan

⁴ Môt ase a ye tabe afube mindi'i dé si, a e figié wé si, a teke môt a ye ndeñele be; amu anyu Nti ya minsamba mewosan e kobeya.

MIKÉ 4:4 Iomraidhean Croise

1 Bb. 5:5

Yuda a Israél be nji bi jam da tyelé be minleme yôp, môt ase e ndiʼi woone wé a e figié wé si, ataté Dañ a kui Birséba, nté ôse Solômon a nga vee.

Yb 11:19

wo ye same nyôle si, teke môt a ndeñele wo; abui bôt da wone wo,

MINKANA 3:25

Te ko woñ toʼo na jame ya ko woñ da so atemetem, toʼo mewosane bebo abé éyoñe ma so.

EZAYI 1:20

Ve nge mia ben a bo melo, nkpwaté mekôn wo ye mine mia: amu anyu Nti e kobôya.

EZAYI 17:2

Bitisone yʼAroér bi nto bilik, mimbame betit mmie mi ntoo bie: bi ntoo étabaʼa jap, teke jôm ja ndeñele mie.

EZAYI 22:25

Môs ôte, nalé Nti a ne ngul ése a jô, éyoñe te e sen é ne ñyemetan e vôm a ne afip, ja ye téé, é buʼi a ku, a mbeʼe é nga beʼe wo ye tyamban, amu Nti a kobôya.

EZAYI 26:16

A Nti, be nga jeñe wo éyoñe be nga too ôlun été; be nga yeʼelane wo, éyoñe melebe môé me nga jimbi be.

EZAYI 32:17

esaé nya ntyiʼane mejôô a bo ja ye bo mvoʼé , a ji ya zôsôô ki na: ntaban nlem te tyebe yôp a ndi nleme nnôm éto.

EZAYI 36:16

Te vôʼôlan Ezékias; amu avale di njô bôte yʼAsiri a jô na: Boʼon élate ya mvoʼé a ma, kelan éjôé jame si, éyoñe te nje môt ase ya be mia a ye di ndiʼi wé a e figié wé, a môt ase a ye nyu mendime yʼanjeñe dé,

EZAYI 40:5

Eyoñe te étôtoʼo Nti ja ye kulan a bôte bese mfulaʼan ba ye yene je amu anyu Nti e kobôya,

EZAYI 54:14

Zôsôô a ye yemete wo wo ye tebe étibelaʼa ôyap amu ô nji ke bi jôm wo ko woñ; wo ye fe tebe ébubua jam ôyap amu ja ye bo te kui wo bebé.

EZAYI 58:14

éyoñe te Nti a ye bo avaʼa dôé a ma ye beʼe wo e mevôme ya si nyô me nʼôyabe yôp, éliʼi Yakob ésoo, ja ye bo bidi ma ye ve wo amu anyu Nti e kobôya.

YEREMIA 23:4

Ma ye telé bebaʼale mintômba e be mie, ba ba ye ve be bidi; mia ye bo te beta ko woñ, nge fôʼôban, a teke wua wo ye jemban, nalé Nti a jô.

YEREMIA 30:10

Mfaʼa wôé, Yakob, mbo ésaé wom, te ko woñ, nalé Nti a jô, te nyeñemban, a Israél! Amu ô lôô: ma nyii wo e si é nʼôyap, a nyii mvoñe bôte jôé e si ô ne minkôm; Yakob a ye beta so, a ye bi awoʼon a évôvoé, teke môt a ye ndeñele nye.

EZEKIEL 34:25

Ma ye bo élate mvoʼé a be, a ma ye vaa betite ya fé e si ése; ma ye tabe nkôte si teke tyele nleme yôp a ke ôyo ézezañe mefan.

EZEKIEL 34:28

Ba ye bo te beta saaban e meyoñ été; betite ya si ba ye bo te beta mine be, ba ye tabe te tyelé minleme yôp a teke môt a ye ndeñele be.

EZEKIEL 38:11

Wo ye jô na: Ma ye bet a wosane si é yoo, ma ye té bôte be too évôvoé ntañete mbe be too menda map te tyelé minleme yôp, a mbe bese be too e bitison bi ne teke minkaʼalé, mi too teke mengôñ nge mimbé, a na:

EZEKIEL 39:26

Eyoñe te ba ye vuan ôsone viap a bijabô bise be nga bo mfaʼa wom. Ba ye tabe si jap teke tyelé nleme yôp teke môt a ndeñele be.

LEVITIK 26:6

Ma ye futi mvoʼé e si jenan, mia ye ke ôyo teke môt a ndeñele mia; ma ye jaa betit be nʼayok e si jenan, a bita bia ye bo momo e si jenan.

MIKÉ 5:3

A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étabaʼa ya buni éyoñ ése. Amu ataté éyoñe ji, a wum a kui mekuʼu ya si nyô.

SOFONI 3:13

Mebukaʼa me Israél ma ye jôʼé mboone mvô. Ma ye bo te laa minsos ôyeme mvô wo ye bo te bo e menyu mab été, éyoñe ba ye bi bidi a vôme ya bômbô teke môt a ndeñele be.

ZAKARI 3:10

Môs ôte, nalé Nti a ne ngul ése a jô, mia ye bañetan, wua a nyô mbok, e afube mindiʼi si a e figié si.