MIKÉ 4:2 - Bible en langue Bulu

² Meyoñ ya si nyô ma ye ke wé abui abui a jô na: Zaʼane bi bet nkôle Nti, Nda Zambe Yakob, nalé ate a ye yeʼele bia mezene mé, a éyoñe te bia ye wulu mezen a liti bia. Amu nne metiñ ma so Sioñ, a nne ajô Nti da so Yérusalém.

Kalate Zambe Nnomo a Mfefe Mfefé Nkôñelan

² Meyoñ ya si nyô ma ye ke wé abui abui a jô na: Za'ane bi bet nkôle Nti, Nda Zambe Yakob, nalé ate a ye ye'ele bia mezene mé, a éyoñe te bia ye wulu mezen a liti bia. Amu nne metiñ ma so Sioñ, a nne ajô Nti da so Yérusalém.

MIKÉ 4:2 Iomraidhean Croise

EZAYI 2:3

Abui bôt da ye ke wé a jô na: zaka bi betan e nkôle Nti, e Nda Zambe Yakob, nalé ate a ye yeʼele bia mezene mé, a nalé ate bia ye wulu e mezene mé été. Amu nne nyeʼelan wo ye so Sioñ a nne mejô me Zambe ma ye so Yérusalém.

EZAYI 54:13

Bone bôé bese ba ye bo beyéʼé be Nti, afoʼo ya bone bôé da ye bo anen.

EZAYI 56:7

Ma ye kee be beta nkôle wom a nʼétyi a bo be na be vak e nda meyeʼelane jam été; mimveane miab ba diʼi ngumba a bityiʼa biap bia ye nyoñeban ataʼa metunaʼa dame yôp; amu nda jam ja ye lobane na, nda meyeʼelan asu bôte bese.

YEREMIA 31:6

Amu môs ô ne, ñwô bebaʼale ba yôtan e minkôle mi Efrayime yôp: kôlaʼane si, mbetane Siôñ e be Nti, e Zambe wongan!

YEREMIA 42:3

Nti, e Zambe wôé, a litiʼi bia zene bia yiane tôñ, a jam bia yiane bo!

Oz 6:3

Ajô te ñyemane nye na a ne Zambe, a bi jeñe na bi yeme Nti. Nzuane wé ô ne bebela ane melenda me tyé; a ye zu asu dangan ane mendim, ane mveñ ésep ja ve si mendim.

ZAKARI 14:16

Eyoñe te bôte ya meyoñ me nga wosane Yérusalém ba ye nyiñ, ba ye bet e tison éte mbu ôse, asu ya kañe Nti, njôô yʼémo, a asu ya jem abôʼô bibem.

ZAKARI 2:11

A bôte ya Yérusalém mi too minkôme Babilôn, boʼon avôle ya tup.

ZAKARI 9:10

A ye vaa bevagoñe bita Efrayim, a bikabela e Yérusalém; a ye buʼu bilaé bita, a ye telé mvoʼé e meyoñ; a ye bo njôô ataté mañe ma a kui ma mevok, ataté Efrat a kui akuʼu si.

MARKUS 16:20

Beyéʼé kik, akôlô ya valé, be nga ke ba kañete Mbamba Foé vôm ase, Nti a kelee be nsamba e ésaé été, a yemeteʼe nkañetane wob ya ajô Zambe ngu amu bitua bi mam bi mbe bi bobaʼan.

LUKAS 24:47

a na nkôñelane minlem asu njamane mam abé ô nga yiane kateban e be meyoñe mese amu jôé dé ataté Yérusalém.

YOANES 6:45

Amu Ntilan ô ne e bekalate bekulu mejô na: Bôte bese ba ye nyoñe ñyeʼelane Zambe. E môt ase a maneya wôʼô mame ma so be Tate a nyoñe ñyeʼelan été, môt ate nye a zu be ma.

YOANES 7:17

Nge môt éziñ a kômbô bo nkômbane wé, a ye yem a miñyeʼelan, nge mia so be Zambe, nge ke na ma kobô ajô dame mamien.

Mm 1:8

Ve mia ye nyoñe ngu éyoñe Mfufube Nsisim a ye zu be mia. Mvus éte, mia ye bo bengaa bam, ataté Yérusalém, Yudé ase a Samari, akekui mekuʼu mese ya si nyô.

Mm 13:42

Eyoñ be nga kui atan, be nga yeʼelane Paul baa Barnabas na be beta baʼalane nkobô wop sondô mbok.

BERÔMEÑ 15:19

a zene ya kobô, a mimboon, mendem a bitua bi mam, a ngule Mfufube Nsisim. Nde ataté Yérusalém, mefôla me nga bôman, a kui Iliri, me nga tuʼa kate Mbamba Foé Krist

DEUTERONOME 6:1

Mi lôô abendé, memvinda a minjôan, mmie Nti, e Zambe wônan, a nga bendé na be yeʼele mia na, mi bo me, e si mia ye ke a nyoñ.