MIKÉ 4:11 - Bible en langue Bulu

¹¹ Eyoñe ji jama meyoñ me bôt a sulaneya a wosane wo; a jô na: A ne e mvin été, mise mangan me lôô Sioñ!

Kalate Zambe Nnomo a Mfefe Mfefé Nkôñelan

¹¹ Eyoñe ji jama *meyoñ me bôt a sulaneya a wosane wo; a jô na: A ne e mvin été, mise mangan me lôô Sioñ!

MIKÉ 4:11 Iomraidhean Croise

EZAYI 10:7

Ve nye ki a nji wôʼô jame te nalé, nleme wé ô nji tyiʼi jame te avale te, amu ôsimesane wé ô ne na a mane jian, a na a mane abui meyoñ .

EZAYI 17:12

Bidim! Ezuʼu bôt ja bam, éfunan ane vôme mañ ma sôk, fulufulu ya meyoñ a too ane nyô ya mendim me nʼayok,

EZAYI 29:7

Jame te da ye bo ane biyeyem, ane jame môt a yen a alu, e be jama bôt a mbe a wosaʼan Ariél, e be ba bese be mbe be boʼo nye bita, be mbe be ndeñeleʼe nye a bametane nye.

YEREMIA 52:4

Mbu ébulu ya njôane wé, ngon awômô é too melu awôm, Nébukatnétzar, njô bôte ya Babilôn, a nga zu a nkane mewosane wé a wosane nye; be nga vule minkan ôsu vié, be nga lôñ alem e bômaʼane nye.

EZEKIEL 26:3

Ô lôô me ne Tire ngame yat! Ma ye bete ézuʼu meyoñ é wosane wo, avale mañ ma bete mendime mé.

EZEKIEL 38:17

Avale di Nti, nyô a ne Zambe a jô na: Ye ajô dôé nde me nga kobô melu mvus a anyu bebo bisaé bam, bekulu mejô yʼIsraél, mbe melu mete, mimbu mimbu, be nga kulu mejô na ma ye bo wo na ô zu wosane bôte bam, nalé Nti nyô a ne Zambe a jô. Ayaa da ye bete ma zoñe nlem .

ABDIAS 1:12

Te fombô môse monyoñ, môse bidime wé. Te vak ajô bone be Yuda, môse ba bube mo nduan, te kui anyu ne ndama e môse yʼôlun!

MIKÉ 7:10

Nsiñe minga wom a ye yene jame te, ôson wo ye jaé nye nyô. A mbe a siliʼi na: Nti, e Zambe wôé, a ne vé? Mise mam ma ye fombô ve nye; éyoñe ji ba tibi nye mebo si ane mbotoʼo ya zene yôp.

ZAKARI 12:3

Eyoñe te ma ye bo Yérusalém avise mekok , nde meyoñ ma ye kômbô bete si. Ba ba ye veʼele, ba ye balé meveñ. Eyoñe te meyoñ mese ya si nyô ma ye vute ngam a wosane Yérusalém.