MIKÉ 4:1 - Bible en langue Bulu

¹ A ye bo amané ya biyoñe na: Nkôle ya Nda Nti, wo ye tebe abôbône minkô, a wo ye betebane yôp a dañe minkôle mivok a meyoñ me bôt ma ye tinekane ke wé.

Kalate Zambe Nnomo a Mfefe Mfefé Nkôñelan

¹ A ye bo amané ya biyoñe na: Nkôle ya Nda Nti, wo ye tebe abôbône minkô, a wo ye betebane yôp a dañe minkôle mivok a *meyoñ me bôt ma ye tinekane ke wé.

MIKÉ 4:1 Iomraidhean Croise

KALATE METATAʼA 49:1

Yakob a nga loone bobefame bé a jô na: Sulaʼane vôme wua, a ma ye kate mia mam ma ye kui be mia melu ma zu.

KALATE METATAʼA 49:10

Ntum éjôé wo ye bo te kôlô Yuda. Nge ndeme môta metiñ e kôlô mebo mé zañ. Akekui Mesi a soya a meyoñ me bôte ke me veya nye mewôk.

EZAYI 27:13

Môs ôte beta toñ a ye loñ éyoñe te ba be nga jañ e si Asir; be nga tyamelan e si Ejipte, ba ye kañ asu Nti, e nkôl ô nʼétyi, e Yérusalém.

EZAYI 43:6

Ma ye jô akôé na: Keʼe ma! A nké na: Te bi! Boʼo bobefame bame na be so ôyap a bobebinga bame na be so akuʼu si,

EZAYI 49:6

A jô na: E ne ôyôme jame na ô bo mbo ésaé wom, asu ya bete meyoñ me Yakob si, a asu ya bulane mebukaʼa yʼIsraél; ma telé wo na ô bo éfufube ya meyoñ , asu ya na nyiane wom ô yené a kui mekuʼu ya si nyô.

EZAYI 54:2

Neneʼe afôla ya nda éndelé jôé; be ndaméʼé bindelé ya étabaʼa jôé; te wo kamane bie! Limitiʼi minkole miôé a yemete mekône môé!

EZAYI 56:7

Ma ye kee be beta nkôle wom a nʼétyi a bo be na be vak e nda meyeʼelane jam été; mimveane miab ba diʼi ngumba a bityiʼa biap bia ye nyoñeban ataʼa metunaʼa dame yôp; amu nda jam ja ye lobane na, nda meyeʼelan asu bôte bese.

YEREMIA 16:19

A Nti, e ngule jam, ôleme viam, e vôme ma sobô môse ya njuk! Meyoñ me bôt ma ye zu be wo me soʼo mekuʼu ya si nyô, a ma ye jô na: bʼésaa bangan be nga nyoñ vʼéliʼi minsos, e momo a ne te volô jôm.

YEREMIA 26:18

Miké ya Morését a nga kulu mejô melu Ezékias njô bôte ya Yuda, a mbe a jôʼô bôte bese ya Yuda na: avale di Nti ya minsamba mewosan a jô na: Siôn a ye faʼaban anʼafup, Yérusalém a ye bo avise mekok , a nkôle ya Nda Zambe wo ye bo vôm a ne mbetane yôp njalan a afan.

YEREMIA 3:17

Melu mete, ba ye loone Yérusalém na: éto njôane Nti; meyoñ me bôte mese ma ye ke wé, ma ye ke Yérusalém a jôé Nti, a ma ye bo te beta tôñe mbane ya mbia minleme miap.

YEREMIA 31:12

Ba ye zu a dañ e mevôme ya Sioñ me ne mbetane yôp; ba ye lumbu abui mfaʼakume Nti e né, fôn, mfefé woon, mbon, bon a beta mimbame biyem; nleme wob wo ye bo anʼafube ba te sôôé mendim, a ba ye bo te beta ko woñ.

YEREMIA 48:47

Ve ma ye bulane minkôme ya Môab amané biyoñ, nalé Nti a jô. Aval ajô Môab e kobaneya nde le.

EZEKIEL 38:16

Wo ye bet a wosan ayoñ Israél dam aval ane nkut wo zu yiane si éziñ. Jame te da ye bo asuʼulane ya biyoñ a ma ye bo wo na ô zu wosane si jam, nalé ate meyoñ bikuu ma ye yeme ma, éyoñe wo ye telé ma étyi mise map me lôô, a Gôg!

EZEKIEL 40:2

a a nga kee ma wé. E miñyenane mi Zambe été, a nga kee ma e sii Israél a telé ma e nkôl ô nga dañ ôyabe yôp, e vôme biôme bi nga funane menda ya tison bi nga too mfaʼa ya nké.

EZEKIEL 43:12

Atiñe ya Nda Zambe nde di: abôbône nkô, éfuse si jé ése, mbômaʼan é ne angôndô yʼétyi. Atiñe ya Nda Zambe nde le.

DANIEL 10:14

Eyoñe ji ma zu bo wo na ô yeme jam da ye kui bôte bôé melu ma zu, amu ñyenan ôfe wu ô; fombôʼô éyoñe te.

DANIEL 2:28

Ve Zambe a ne yôp, Nye a kulane minsolane mi mam, nye a bo na ô yeme jam da ye bobane melu ma zu. Biyeyem ô nga yem ô too ôyo mbie bi:

DANIEL 2:35

Nde éyoñe jijia étyé, ndiʼane tyia mvot argent a or bi nga veñesane mbuluk, ñwô évuñulu é nga mialan ane bivio bia yele vôme ba tyaʼa bidi. Nde éveʼela ése é nga mane jañ jôm te liʼi. Vʼakoʼo e nga jimbi éveʼela, e nga veñesane beta nkô a yiane si ése.

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé yʼayoñ afe si, ja ye fit a bo bijôé bite momo; a ébien ja ye tabe nnôm éto:

DANIEL 7:14

Nde be nga ve nye ndañan, duma, éjôé. Asu ya na bôte ya mesi mese, meyoñ mese a minkobô mise mi saane nye. Ndañane wé wo ye tabe nnôm éto, teke man, a njôane wé wo ye bo te tyamban.

DANIEL 7:18

Mvuse jap nje ayoñe Zambe da dañ ôyabe yôp e nʼétyi da ye nyoñ éjôé a baʼale je nnôm éto.

DANIEL 7:22

Ve nnôme môt ô nga zu a tyiʼi ayoñe Zambe da dañ ôyabe yôp e nʼétyi ajô. Eyoñ éyoñ é nga kui, nde ayoñ e nʼétyi e nga nyoñ éjôé.

DANIEL 7:27

Ejôé, ndañan a anene ya bijôé ya si nyô bia ye veban e be ayoñe Zambe da dañ ôyabe yôp e nʼétyi. Ejôé ya ayoñe te ja ye tabe nnôm éto, a mingungule minjôane mise ya émo ji mia ye wôʼô nye a saane nye.

Oz 3:5

Eyoñe mam mete me maneya, bone bʼIsraél ba ye beta jeñe Nti, e Zambe wop, a David njô bôte wop. Ba ye kôñelane be Nti a akume dé melu ma zu.

MIKÉ 3:12

Ajô te nde ba ye tyee Sioñ, ane afube bidi a nde Yérusalém a ye bo avise mekok , a nde nkôle ya Nda Zambe wo ye bo nkôl ô yianeya a afan.

ZAKARI 14:10

Efuse si ése ja bômane Yérusalém ja ye veñesane njeʼese, ataté Géba mfaʼa yʼakôé a kui Rimon mfaʼa ya nké. Yérusalém a ye dañe mefôla ma bômane nye, a tison ja ye bo ataté mbé Bényamin a kui mbé ya jua, e vôme nnôme mbé ô né, nalé fe ataté nkum Ananél a kui bibé bi njô bôt ba miate woon.

ZAKARI 2:11

A bôte ya Yérusalém mi too minkôme Babilôn, boʼon avôle ya tup.

ZAKARI 8:3

ajô te ma jô na: me bulaneya Yérusalém, ma beta kôm éto e Siôn. Ba ye loone Yérusalém na: tison ja baʼale élat. A nkôle Siôn wom wo ye bo jôé na: nkôl ô nʼétyi.

MALAKI 1:11

Amu na ataté e jôbe da tôô a kui e jôbe da dim, e jôé dam e nʼanene meyoñ me bôt été. Ba diʼi ôtu vôm ase amu duma ya jôé dam. Nalé Nti ya minsamba mewosan a jô. Nalé fe na ba zu ve mvean ô ne mfuban , amu jôé dam e nʼanene meyoñ été, nalé Nti ya minsamba mewosan a jô.

Mm 2:17

éyoñ a nga kobô na: Melu ma suʼulan, Zambe a nga jô na, ma ye sôé Nsisime wom e be minsône mise. Bobefam benan a bobebinga benan ba ye kulu mejô, bisoé bienan bia ye yene mam e nsisim été, a minnôme mi bôte mienan mia ye yeme biyeyem.

HÉBRE 1:2

a nga kobô bia e melu ma suʼulane ma e be mone wé. A nga telé nye miene élik ya mame mese, a a nye fe, a nga té bimo.

2 Pi 3:3

Yeman ôsusua na, e melu ma suʼulan, e bôt ba ye nyiñ ane minkômbane miabe mibien mi né ba ye yené. Ba ye woé mia

NLITAN 11:15

Engele zamgbwale a nga loñe toñe jé. Beta metyiñ me nga so yôp me jôʼô na: Ejôé ya si nyô é nto ji e Nti wongan a Krist wé éyoñe ji. A ye jôʼô nnôm éto a nnôm éto!

NLITAN 15:4

Za a ye bo te ko woñ, a wumu jôé dôé, a Nti? Amu wo étam ô ne mfufup. Meyoñe mese ma ye zu, a kumbu si asu dôé, amu mintyiʼane mejô miôé mi maneya yené.

NLITAN 20:4

A me nga yene bito bi njôan. Nguleya tyiʼi mejô é nga veban e be bôt be nga zu tabe bie yôp. Me nga yene fe minsisime ya ba be nga wôéban amu nkañetan Yésus a ajô Zambe, a e ba be nga bo te kañe tit, nge éveʼela jé, a bo te nyoñe ndem e mvome mesu nge wo. Be nga wômô, a jôô baa be Krist tañe mimbu toyini.