MIKÉ 3:7 - Bible en langue Bulu

⁷ Beyene mam ba ye bili ôsame, e bôt ba biʼi mame fe ba ye ve a ôson, bese ba ye buti mimvean amu zambe a ye bo te yalane be.

Kalate Zambe Nnomo a Mfefe Mfefé Nkôñelan

⁷ Beyene mam ba ye bili ôsame, e bôt ba bi'i mame fe ba ye ve a ôson, bese ba ye buti mimvean amu *zambe a ye bo te yalane be.

MIKÉ 3:7 Iomraidhean Croise

NKÔLAN 9:11

Bebo mesimba be nji bo ngul ya beta tebe asu Môze amu mote mete: Amu mefôl me mot me mbe e nyôle bebo mesimba avale fe ane me mbe e be bôte bese ya Ejipte.

EZAYI 44:25

A bo mendem me ne minsos momo; a bo mimvimviʼi na mi soʼo mekut. A bo mimfefeʼe na mi bulane mvus a kôñelane ñyemane wob jôme ya te fek.

YEREMIA 18:18

Be jôya na: zaʼan, mbôndaʼane feʼe ya wosane Yérémi! Amu metiñ ma ye bo te wu amu betuni momo, nge ékôane bebôndé mefek amu beyeme mam momo, nge nkulane mejô amu bekulu mejô momo. Zaʼan, mbibaʼane nye a ôyem, te bia vôʼôlô minkobô mié mise!

EZEKIEL 24:17

Suʼu abuʼu évô te yône asu mimbim, jaé ntôme wé, jaé bikôndé biôé mebo, te buti biyaé a te di éza bidi.

EZEKIEL 24:22

Eyoñe te ñhe mia ye bo avale me boya. Mia ye bo te buti anyu, mia ye bo te di éza bidi,

LEVITIK 13:45

Nzezam wo kone fôl wo ye jaé mengômesan me too nyaban, nlô fe ô too nsoé; a ye fe solé éfas asu jé ya si a yôtane na: Te mfuban ! Te mfuban !

Am 8:11

Ô lôô melu ma zu, nalé Nti a jô, ma ye kuli mfumbale si, saa nyô bidi, nge mendim, ve nyô ñwôʼane mejô me Zambe.

MIKÉ 3:4

Ajô te éyoñ ba ye yeʼelane Nti na a volô be, Nti a ye bo te yalane be, a ye vaa be mise nyô amu abé be nga bo.

MIKÉ 7:16

Meyoñ me bôt ma ye yene de a bo feʼe ne vema, akôsa bo ngule jap ése; ma ye buti wo anyu, melo map ma ye bo ndok.

ZAKARI 13:4

Eyoñe te bekulu mejô ba ye wôʼôsone ya kulu mejô a kañete miñyenane miap, ba ye bo te beta bo ayoʼo ya duʼu bôt a njaan alôʼô bekulu mejô e ne mboon a mimvot.

SAMUEL ÔSU 14:37

Ane Saül a nga sili nkômbane Zambe a jôʼô na: Ye me siliki e mvuse Befilisteñ? Ye wo ye ve be e mo mʼIsraél? Vʼa nji ve nye éyalan môs ôte.

SAMUEL ÔSU 28:15

Samuel a nga jô Saül na: Amu jé wo te ndeñele ma a bo na me bet? Saül na: Me ne e beta ôlun été: Befilisteñ ba wosane ma, a Zambe a keya ma ôyap; a nji yalane ma a bekulu mejô, nge biyeyem, a ma te loone wo na ô kate ma jam ma yiane bo.

SAMUEL ÔSU 28:6

Ane Saül a nga sili nkômbane Nti; ve Nti a nji yalane nye, toʼo a biyeyem, toʼo a Urim, toʼo a bekulu mejô.

SAMUEL ÔSU 9:9

Melu mvus, môt a ke sili nkômbane Zambe a mbe a jôʼô na zaʼa bi kean e be ñyene mam! Amu môt ba loone dene na nkulu mejô, be nga loone nye melu mvuse na ñyene mam.