MIKÉ 1:7 - Bible en langue Bulu

⁷ Bengunemelane bé bese ba ye buʼubane bifus, a memvaka a nga nyoñ ma ye diʼibane nduan, biveʼelaʼa bezambe bié, ma ye bo bie bifus, amu a nga kuse biôm bite bise a tañ ja so ébamba jé, a bia ye fe volô asu ya yaʼane bebo ébamba befe.

Kalate Zambe Nnomo a Mfefe Mfefé Nkôñelan

⁷ Bengunemelane bé bese ba ye bu'ubane bifus, a memvaka a nga nyoñ ma ye di'ibane nduan, bive'ela'a bezambe bié, ma ye bo bie bifus, amu a nga kuse biôm bite bise a tañ ja so ébamba jé, a bia ye fe volô asu ya ya'ane bebo ébamba befe.

MIKÉ 1:7 Iomraidhean Croise

2 Minkte 31:1

Eyoñe mam mete me nga man, bôte bese ya Israél be nga too be nga so e bitisone ya Yuda a buʼu mekône mʼazezambe a baʼé fe mekône mʼAkéra, a sôʼôlô bito bise ya bikôndôʼô yôbe si; nalé fe metaʼa metunaʼa ya Yuda ase a Bényamin, Efrayim a Manasé. Eyoñe te bone bʼIsraél bese be nga bulan e bitisone biap.

EZAYI 2:18

Azezambe ese da ye jañ.

EZAYI 23:17

Eyoñe mimbu mewôme zamgbwa mi lôteya, Nti a ye jome Tir, éyoñe te fe Tir a ye beta taté na a bi moné ya mboon ébamba ba be bijôé bise ya si nyô.

EZAYI 27:9

nalé ate nye ékobe Yakob é vasebaneya, a jam da toñe njaman yʼabé dé nde di: a bo mekoʼo ya metaʼa metunaʼa éfunan ane mekoʼo mʼétek; me maneya kôñelane mbuluk, mekône me zambe ya Kanaan a éveʼela zamba jôp bia ye bo te beta tebe.

EZEKIEL 6:6

Vôm ase mi too, bitisone bienan bia ye bo bilik a bito bienan ya bikôndôʼô yôbe ki melunga a kui na metaʼa metunaʼa menan ma yiane mekua me bo bilik. Bengunemelane benan ba ye bôéban a lôt, bengunemelane benan asu nkañane jôbe ki ba ye baʼaban a biôme mi nga bo a mo menan bia ye bo momo.

Oz 2:12

Eyoñe ji ma zu kulan ôsone vié e mise bibone bié, a teke môt a ye wôlé nye e wo wom.

Oz 2:14

Ma ndamane ndiʼi woone wé, a e figié wé, mbie a mbe a jôʼô na: tame yene maʼane bibone biam bi veya ma. Ma ye bo ndiʼi woone te a befigié bete afan, a bia ye bo bidi betite ya fé.

Oz 2:5

Nalé momo wôna ma ye telé nye soé ne ngeññ ane môs a nga so nyia abum. Ma ye bo nye éfunan ane nkôte si, éfunan ane si é nʼayet a bo nye na a wôʼô évé.

Oz 8:5

Nti a beneya mone nyaʼa wôé a Samari! Ayaa dam da yôñe be nyô. Ba ye kate bo mfuban a kui éyoñ évé?

Oz 8:6

Amu mone nyaʼate a so Israél môte a mé biôm nye a nga mé nye, ve a nji bo zambe; ajô te nde mone nyaʼa ya Samari a ye bôébane bifus.

Yo 3:3

Ma ye liti bitua bi mam e yôp a si: metyi, nduan a ôtita minkut.

LEVITIK 26:30

Ma ye tyame bito bienan ya bikôndôʼô yôb a tyame bengunemelane benane ya zambe jôp, a vise mimbime mienan e mimbim bengunemelane benane yôp, a nleme wom wo ye vini mia abé .

DEUTERONOME 23:18

Teke mbo ébamba a ye yené e bengone yʼIsraél été nge bendômane yʼIsraél été.

DEUTERONOME 9:21

Ane me nga nyoñe mone nyak, ébuma ya abé denan te, a diʼi nye nduan, me nga bo nye bifus, me nga koʼo nye anyenyam, me nga bo nye mbuluk ñwô me nga kut ôtôñ wo sise nkôle si.

NLITAN 18:3

Amu a nga nyuu meyoñe mese woone ayoʼo ya ébamba. Bejô bôte ya si nyô, be nga bo ébamba fufulu a nye. A bebo makit ya si nyô be nga bik a ngule ya nyanga jé.

NLITAN 18:9

Ajô te bejô bôte ya si nyô be nga nyoñe ngap a ébamba jé, a nyanga jé ba ye yôn a tat, éyoñe ba ye yen ôtita ya ndiʼane wé.

SAMUEL ÔSU 5:4

Tyé kpwaa, be nga kune kôlô si a koé Dagon a kuya, asu é butu si ôsu éwolo Nti; e nlô Dagon a mekule me mo mé me kooéya me bôô anyiine mbé yôp, jôm é liʼiya nye ve nkuk.