LUKAS 9:11 - Bible en langue Bulu

¹¹ Minsamba mi bôt mi nga yene be a tôñe be. Yésus a nga nyoñe be, a a mbe a kobôʼô be ajô éjôé Zambe; a nga saé fe ba bese be nga bili nkômbane ya saéban.

Kalate Zambe Nnomo a Mfefe Mfefé Nkôñelan

¹¹ Minsamba mi bôt mi nga yene be a tôñe be. Yésus a nga nyoñe be, a a mbe a kobô'ô be ajô éjôé Zambe; a nga saé fe ba bese be nga bili nkômbane ya saéban.

LUKAS 9:11 Iomraidhean Croise

EZAYI 61:1

Nsisime Zambe. Nyô a ne Nti, ô ne be ma, amu Nti a nga woʼo ma mbon. A nga lôme ma me kate ba ba sili bebiene si mbamba mefoé; me sôbe meveñe ya ba be ne minleme ntyaʼan, me kate minkôme foé ya éto fili jap a mimbôk nsuane wop;

METIAS 12:15

Eyoñe Yésus a wôʼôya de, ane a nga kôlô valé. Abui bôt e nga tôñe nye; a nga saé be bese.

METIAS 14:14

Eyoñ a kuiya nseñ, a nga yene bizuʼu bi bôt, a nga ko bie éngôngo, a nga saé minkôkone miap.

METIAS 21:31

Mbé ya be bebaé a nga bo nkômban ésaa? Be na: Mon ôsu. Yésus a nga jô be na: Ma jô mia bebela na. Benyoñe toya a binga ba bo ébamba ba ye ke mia ôsu éjôé Zambe.

METIAS 21:43

Ajô te ma jô mia na éjôé ja ye vasebane be mia a ja ye veeban e be ayoñ da ye wume bibuma yʼété.

LUKAS 1:53

A nga jalé bewôʼô zaé akum, a viane ke suu minkukum teke jôme mo.

LUKAS 5:31

Yésus a nga nyoñe nkobô a jô be na: Saa ke ba be ne mvoʼé ba yi dokita , ve minkôkon.

LUKAS 8:1

Wôna Yésus a mbe a kelek e bitison bitison a e minlam minlam, a kobôʼô mejô me Zambe a kateʼe fe bôt mbamba foé yʼéjôé Zambe.

LUKAS 8:10

Nye be na: e nga vebane be mia na mi yem ndimba mam yʼéjôé Zambe; ve e mfaʼa bôte bevok mam mete ma kobane be e minkana, ndembene be bo te yen be kusa fombô, be bo te wôk akôsa bo na ba vôʼôlô.

LUKAS 9:10

E mebulane map, minlôman mi nga kañete Yésus e mam mese be nga bo. A nga nyoñe be a kee be e vôm be ne ve be be éfase tison ba loone Bétsayida.

LUKAS 9:12

Môs ô nga taté na wo ndeñ beyéʼé awôm a bebaé ve zu nye bebé a jô nye na: suʼu ndulu bôt na a ke minlam a mefup ya mefôla ma na a yen étabaʼa, a jeñe bidi, amu bi ne vana nkôte si.

LUKAS 9:2

A nga lôme be be yôtan éjôé Zambe a saé minkôkon.

YOANES 4:34

E nde Yésus a zu jô be na: Bidi biam bi ne na ma yiane bo nkômbane môt a nga lôme ma, a tuʼa kôme bo ésaé jé.

YOANES 6:37

E bôte bese Tate a ve ma ba ye zu e be ma, a môt ase a zu be ma maa ye wua nye atan,

Mm 28:31

yôtaʼane Mbamba Foé ya éjôé Zambe, a yeʼele be ajô Nti Yésus Krist a ndi nlem ése, teke éndeñelaʼa éziñ.

BERÔMEÑ 10:14

Nde be nga ye loone nye aya, nge be nji buni nye? A be nga ye buni nye aya, nge be nji wôʼô ajô dé? A be nga ye wôʼô de aya, teke nkatefoé?

BERÔMEÑ 10:17

Ajô te mbunane wo so nkatane foé, a nkatane foé ô ne nkañetane ya ajô Krist.

BERÔMEÑ 15:3

Mfaʼa Krist a nji jeñe mvaé jé émien, ve aval ane e ne ntilane na: meta ya ba be nga ta wo, me nga viane jimbi ma.

2 Tim 4:2

kobôʼô ajô Zambe, vaʼa ngu, éyoñ ja yian, a ji é ne te yian! Komekaʼan a yaa bôt, lebek, éyoñ ése e njiban été, a e nkômbane ya yeʼele été.

HÉBRE 4:16

Ajô te e nsubaʼan éto njôane ya mvame bebé a ndi minlem, ane bia ye kooban éngôngo a yene mvam , nde bia ye nyoñe mvolan éyoñ ja yian.