LUKAS 6:42 - Bible en langue Bulu

⁴² Nge na ô ne nguleya jô monyoñ aya na: A mojañ, jôkéʼé me vaa wo évua é ne wo dis, e wo ô ne teke yen mbôñ ô ne wo dis? A môte bebaduʼu tatéʼé vaa e mbôñ ô ne dise dôé, mvus éte wo ye yen a vaa évua é ne e dise monyoñ.

Kalate Zambe Nnomo a Mfefe Mfefé Nkôñelan

⁴² Nge na ô ne nguleya jô monyoñ aya na: A mojañ, jôké'é me vaa wo évua é ne wo dis, e wo ô ne teke yen mbôñ ô ne wo dis? A *môte bebadu'u taté'é vaa e mbôñ ô ne dise dôé, mvus éte wo ye yen a vaa évua é ne e dise monyoñ.

LUKAS 6:42 Iomraidhean Croise

MINKANA 18:17

Nyô ase a tebʼôsu ya kobô ajô dé, a yené ane nyô a bili mekabe vʼéyoñe nyô a ne nye ngame yat a soya, a ye sili nye bʼamu ya nkate wé.

METIAS 26:75

Ane Pierre a nga simesane nkobô Yésus a nga kobô na: Te na nnôme kup a loñ, wo ye kate ma biyoñe bilaa; nde a nga kui atan a dañe yi.

METIAS 7:3

Amu jé wo fombô mone jôm a ne e dise monyoñ? Ve beta jôm a ne e dise dôé, wo te yene nye?

METIAS 7:4

Nge na amu jé wo ke jô monyoñe na: Yangeʼe! Me vaa e mone jôme ya e dise dôé? Ve da ô lôô: beta jôm a ne wo dis!

LUKAS 13:15

A bôte bebaduʼu, ye môt ase ya be mia, e môse sabat , a nji tii e nyaʼa jé nge éjakase jé na a ke nyuu je mendim?

LUKAS 22:32

Ve me nga yeʼele ajô dôé na mbunane wôé ô bo te tek, a wo éyoñ ô bulaneya be ma, yemeteʼe bobenyoñ.

LUKAS 6:41

Amu jé wo yene évua é ne e dise monyoñ, ve teke yene mbôñ ô ne e dise dôé womien?

LUKAS 6:43

Teke mbamba élé a wume mbia ébuma, nge mbia élé ki a wume mbamba ébuma.

Mm 13:10

Wo môt ô ne njalan a mefeʼe me mvô, mone Satan, nyô a wosane zôsôô ase a so be Zambe, ntéavé wo ye jôʼé vite mezene me Nti me ne zôsôô ?

Mm 2:38

Ane Pierre a nga jô be na: Kôñelaʼane minlem; môt ase ya be mia a duban a jôé Yésus Krist, ajô njamane mam abé mé, wôna, mia ye nyoñe mveane Mfufube Nsisim.

Mm 8:21

O nji bi ngap, nge jôm éziñe ya mame ma bobane ma, amu nleme wôé, ô nji bo zôsôô e mise me Zambe.

BERÔMEÑ 2:1

Ajô te ô nji bi éfia ya kabe je, wo, avale môt ese ô né, a wo wo ve môte mfe mekua, wo kpweʼele womien. Amu womien wo bo avale mame te.

2 Ko 5:18

Mame mese ma so e be Zambe, nye a nga beta late bia be nye e be Krist a ve bia ésaé nlatane ngbwa.

2 Tim 2:21

Nyô a bo émien mfuban , a ye bo vieʼe mebelane ma yiane duma, étyi a mfi e be masa, wu wo yiane mbamba mboon ase.

2 Pi 1:9

E ne été na, nyô a nji bi me a ne e ndindime wo bôp: a vuane na a nga tuneban e mfaʼa mam abé mé ya melu Kôa.