LUKAS 6:23 - Bible en langue Bulu

²³ Vaʼane môs ôte a fônan a mevak, amu maʼane menan ma ye bo anen e yôp; amu nalé ate beésa bap be nga bo bekulu mejô.

Kalate Zambe Nnomo a Mfefe Mfefé Nkôñelan

²³ Va'ane *môs ôte a fônan a mevak, amu ma'ane menan ma ye bo anen e yôp; amu nalé ate beésa bap be nga bo bekulu mejô.

LUKAS 6:23 Iomraidhean Croise

SAMUEL BAA EJÔÉ DAVID 6:16

Eyoñe éwolo Nti é nga nyiin e tisone David été, Mikal, ngone Saül, a mbe a fombôʼô vundi; a nga yene njô bôt a fôʼôsaʼan a a jemek ôsu be Nti. Nde a nga biasé nye e nleme wé été.

1 Bb. 18:4

Eyoñe Yézabél a nga mane wôé bekulu mejô be Nti, Obadiahu a nga nyoñe ntete yʼété, a solé be e mimbase mekoʼo mibaé été, mbas ôse bekulu mejô mewôm metan, a vaʼa be bidi a mendim.

1 Bb. 19:10

Nye na: Me maneya ve ngule jam ése asu Nti, Zambe ya minsamba mewosan; amu bone bʼIsraél be maneya ben élate jôé, be maneya tyam metaʼa metunaʼa môé, be maneya wôé bekulu mejô bôé a meyo me nkpwaté mekôn, me liʼiya ve ma étam, ba jeñe fe na be nyoñ ényiñe jam.

1 Bb. 19:14

Nye na: Me maneya ve ngule jam ése asu Nti, Zambe ya minsamba mewosan; amu bone bʼIsraél be maneya ben élate jôé, be maneya tyam metaʼa metunaʼa môé, be maneya wôé bekulu mejô bôé a meyo me nkpwaté mekôn, me liʼiya vʼétam étam, ba jeñe fe na be nyoñ ényiñe jam.

1 Bb. 19:2

Nde Yézabél a nga lôme nlôman bʼElie be kate nye na: Bezambe be boʼo ma jame di, be beté fe dili, nge a akiti, aval awolo di, me boo te bo ényiñe jôé e jam ô nga bo ényiñe wua ase ya be be.

1 Bb. 21:20

Ane Akab a nga jô Elie na: Ye ô zuya koone ma a nsiñe wom? Elie a nga yalane nye na: Me zuya koone wo, amu ô kuaneya womien asu ya bo jam e nʼabé e mise me Nti.

1 Bb. 22:27

Wo ye jô na: Avale di nde njô bôt a jô na: Futaʼan e môte nyô mimbôk teke ve nye ôfufus adi nge mendim, akekui me soya mvoʼé .

1 Bb. 22:8

Njô bôte ya Israél a nga yalane Yôzafat na: A liʼiya ve môte wua nye bi ne nguleya sili nkômbane Nti; ve ma vini nye amu a nji kulu jam éziñ é ne mvaé mfaʼa wom, vʼabé étam; Miké e mona Imla. Yôzafat a nga jô na: Njô bôt a boʼo te kobô nalé!

2 Bb. 6:31

Njô bôt a mbe a jôʼô na: Zambe a boʼo ma e jame di a beta fe beté e jame dili nge Elizé e mona Safat a beta liʼi be nye den!

2 Minkte 36:16

Ve be nga woé minlôman mi Zambe, be nga biasé mejô mé a kobô bekulu mejô bé ébiasé, akekui na ayaa Zambe e bet ayoñe dé nyô a te ke biañ ya jeʼé de.

NEHEMIE 9:26

Akôsa bo nalé, be nga bo melo a ben éjôé jôé. Be nga lume metiñe môé mvus; be nga wôé bekulu mejô bôé be nga bendé be na be beta kôñelane be wo a bo te beta bo mam ma soñe wo.

EZAYI 35:6

Eyoñe te mbôbôk wo ye tyele si ane nnôme nkok, a anyu mvumvuk da ye yôtan a mevak. Amu mendim ma ye vame nkôte si a atôñe mendim ki e si é nʼayet.

YEREMIA 2:30

Me nga bôme bone benan e zesé; be nji ke kômbô nyoñe nyeʼelan; nkpwaté mekône wônan ô nga wôé bekulu mejô benan, avalʼane ngbwengbwem ja jian.

METIAS 5:12

Vaʼan a fôn amu na maʼan me ne mia abui yôp. Avale te fe nde be nga tibili bekulu mejô be nga zu mia ôsu.

LUKAS 1:41

E nga bobane na éyoñe Elizabet a nga wôʼô mebatane me Marie, mon a nga san abume dé a Elizabet a nga jaé a Mfufube Nsisim.

LUKAS 1:44

Amu éyoñe mebatane môé ma te wôʼé melo mam, e nde mon a te sane ma abum.

LUKAS 6:35

Ve nyekaʼane besiñe benan, boʼone mvaé a vaʼane bikôla tee ndinlem ya bulane nyoñ. Maʼane menan ma ye bo anen a mia ye bo bone be Nyô A Dañ Oyabe yôp, amu a ne mbaa nlem e be ba be ne bikalak a ba be ne kpwala.

Mm 14:10

Ane a nga jô nye a ngule na: Kôlôʼô si ô tebe a mebo môé. Ane môt ate a nga valé si a wulu.

Mm 3:8

Eté été, nye ve yôô, a tebe tetele, a nga wulu. A nga nyiine nda Zambe baa be be, a ke a tyele, a kañe Zambe.

Mm 5:41

Ane minlôman mi nga kôlô ézezañe Sanédreñ, njalan a mevak, amu be nga jibi ékpweʼele amu jôé Yésus.

BERÔMEÑ 5:3

A fe na, jaʼan e mintaé miangan été, bi bili ndi nlem a mbunane na, mintaé mia kôʼôlane njiban,

2 Ko 12:10

Ajô te ma vak ateʼe été, e meta été, e mengataʼa été, e bitibelaʼa été e a woñ été amu Krist! Amu éyoñe me ne atek e nje me ne ngu.

KÔLÔS 1:24

Ma yen avaʼa dam éyoñe ji e minjuʼu ma jibi été ajô denan. A e jôme ja jemban ôlune Krist, ma jalé je e minsône miam été, amu e nyôle jé nje é ne keké.

2 Tim 2:12

nge bia wu mintaé a nye, bia ye jôô a nye. Nge bia dimi nye nye a ye dimi bia.

HÉBRE 11:26

A nga yene nsilibane si Krist ane akum da dañ a lôte bitôtoʼo bi mame ya Ejipte. Amu e mise mé me nga beme ve maʼan a ye nyoñ.

HÉBRE 11:6

Amu nyô a subu Zambe bebé a yiane buni na, a ne, a na, a yaʼane ba ba jeñe nye.

YAKOB 1:2

A bobejañ, nyoñane meveʼele mese ma kui e be mia a mbamba nlem ,

1 Pi 4:13

Vʼéyoñe mia nyoñe ngap e mintaé mi Krist, vaʼan, ndemben éyoñ étôtoʼo jé ja ye kulan, mia fe mia ye vak a fôn.

NLITAN 2:17

E môt a beʼe melo, a wôʼô mam Nsisim a jô bekeké. E nyô a dañ, ma ye ve nye maan a ne nsolan, ma ye ve nye éfumulu akok a, nkpwelan akoʼo yôp, mfefé jôé, nde teke môt a yem, vengevenge ve nyô émien a nyoñe de.

NLITAN 2:26

Nyô a dañ, e nyô a baʼale mimboone miam akekui asuʼulan, ma ye ve nye ngule ya jôô meyoñ ,

NLITAN 2:7

E nyô a beʼe melo, a wôʼô mam Nsisim a jô bekeké. E nyô a dañ, ma ye ve nye a di élé ya ényiñ, nje é ne Paradis Zambe été.

NLITAN 21:7

E nyô a ye dañ, a ye nyoñe biôme bite ane ngab élik. A ma ye bo e Zambe wé, a nye a ye bo e mone wom.

NLITAN 3:12

Nyô a dañ, ma ye bo nye akône ya nda Zambe wom, a ye bo te beta kôlô été. A ma ye tili e jôé Zambe wom e be nye, nalé fe jôé tisone Zambe wom, mfefé Yérusalém, nye a sis a soʼo yôbe be Zambe wom, a mfefé jôé wom.

NLITAN 3:5

Nalé ate e nyô a dañ, a ye jaé e mengômesan ma fum. Ma ye bo te tyame jôé dé e kalate ényiñ, a ma ye yalan ajô dé asu ésaa wom a asu beéngele bé.