LUKAS 6:13 - Bible en langue Bulu

¹³ Eyoñe tyé é nga lendé, a nga loone beyéʼé béé a top awôm a bebaé yʼété, e mbe a nga yôlé na minlôman:

Kalate Zambe Nnomo a Mfefe Mfefé Nkôñelan

¹³ Eyoñe tyé é nga lendé, a nga loone beyé'é béé a top awôm a bebaé y'été, e mbe a nga yôlé na minlôman:

LUKAS 6:13 Iomraidhean Croise

METIAS 10:2

Biyôlé minlôman awôm a mibaé mbie bi: wu ôsu, Simon, nye ba loone na Pierre, a André, monyañe wé; Yakob, e mone Zébédé a Yôanes, monyañ;

METIAS 19:28

Yésus a nga jô be na: Ma jô mia bebela na: Mia mi maneya tôñe ma, éyoñe mam ma ye bobane mimfefé, éyoñe mona môt a ye tabe éto njôane jé, mia fe mia ye tabe bito bi njôan awôm a bibaé a tyiʼi meyoñ ya Israél awôm a mebaé mejô.

METIAS 9:36

Ayene a nga yene jama bôt, nde a nga ko nye éngôngo, amu a mbe nteʼan a njuʼane nlem ane mintômba mi nji bi mbaʼale.

MARKUS 6:30

Ane minlôman mi nga ke tôkane vôme Yésus a nga too, be nga kañete nye abime mam ese be nga bo, a yeʼele.

MARKUS 6:7

E nde ñhe a nga loone beyéʼé bé awôm a bebaé, a taté lôme be beba-bebaé be ke; a ve fe be ngul ya jôô mimbia minsisim.

LUKAS 11:49

Ajô te feʼe Zambe é nga jô na: Ma ye lôme be bekulu mejô a minlôman; ba ye wôé be a kpweʼele be.

LUKAS 22:30

Nalé ate mia ye di a nyu e tawôlô wom éjôé jam été, a na mi tabe bito bi njôan, a tyiʼi meyoñ awôm a mebaé yʼIsraél mejô.

LUKAS 6:14

Simon, a nga loone na Pierre, André monyañe wé, Yakob, Yôanes, Filip, Bartélémi,

YOANES 4:33

Beyéʼé be nga ke ba sili zañe jab na: Ye môt éziñ a ne nye mveane jôme ya di?

Mm 1:13

Eyoñ be bulaneya, be nga ke étune nda ya yôp, vôm ate, mfulane minlem, be nga bo meyeʼelan. Be mbe na: Pierre, Yôanes, Yakob a André, Filip a Tômas, Bartélémi a Metias, Yakob mone Alfé, Simon a mbe jôé afe na Zélôte a Yude mone Yakob.

EFEZE 2:20

Mi nga nyiine melôñ, mme mete mbôkaʼa ya été ô ne minlôman, a bekulu mejô, a Yésus Krist émien a too akoʼo ya jua.

EFEZE 4:11

A Emien a nga bo bevoʼo minlôman, e ba bevoʼo bekulu mejô, bevoʼo bekatefoé, wôna ba bevok Bepastô a beyeʼele,

HÉBRE 3:1

Ajô te, a mimfufup mi bobejañ, mia mi bili ngap nloone ya yôp, simesaʼane nlôman a beta ntuni ya mmemane mbunane wongan, Yésus.

2 Pi 3:2

Ma kômbô na mi simesane mejô mimfufube bekulu mejô mi nga jô melu mvus, mebendé me Nti a Nyii bôt mme minlômane mienan mi nga kalane mia.

NLITAN 12:1

Beta ndem a nga yené e yôp été avale di: minga a beʼe jôp, ngon e mebo mé e si, a e nlô, ékat a ateté awôm a abaé.

NLITAN 18:20

Vaʼak, a yôp amu nkuane wé! Mia mimfufup, minlôman a bekulu mejô fe vaʼan, amu Zambe a kobôya ajô denan éyoñ a maneya tyiʼi ajô Babilôn.

NLITAN 21:14

Mimfine ya tison mi nga bili brik nlôñan minnoñ awôm a mibaé. A e minnoñ mite yôp ntilane môé minlôman mi Mone Ntômba awôm a mibaé.