LUKAS 3:11 - Bible en langue Bulu

¹¹ Nye be na: E môt a bili melôʼô mebaé a kabaʼane me a nyô a nji bi, a nyô a bili jôme ya di a boʼo avale da.

Kalate Zambe Nnomo a Mfefe Mfefé Nkôñelan

¹¹ Nye be na: E môt a bili melô'ô mebaé a kaba'ane me a nyô a nji bi, a nyô a bili jôme ya di a bo'o avale da.

LUKAS 3:11 Iomraidhean Croise

EZEKIEL 18:7

a ne te diane môt éziñ, a bulane môt a bili nye mvôla ébane jé, a ne te wup, a ve môt a wôʼô zaé bidi bié, a jalé môt a ne soé ngômesan,

DANIEL 4:27

Nde njô bôt a kobô a jô na: Mi lôô Babilôn, beta tison me nga lôñ ane étabaʼa njô bôt. Tison éte ja liti abim avé ngule jam é nʼanen, abim avé éjôé jam é bili duma!

METIAS 25:40

Njô bôt a ye yalane be na: Bebela ma kate mia na: éyoñ ése mi nga bo wua ya ayôme bôt da dañe tyôtyoé di jam mbe be ne bobejañ, ma ñhe le mi nga bo de.

LUKAS 11:41

E mvolan ô vaʼabaʼan ataté e nlem été, a biôm bise bia ye bo mfuban asu denan.

LUKAS 18:22

Yésus, éyoñ a maneya vôʼôlô nye, a nga jô nye na: Jame da e ngenane da jembane wo: Kuʼan e biôme bise ô bili, kabe bie bingôngole bi bôt, a wo ye bi mefok e yôp. Wôna zaʼak a tôñe ma.

LUKAS 19:8

Ve Zaké a nga subu ôsu a jô Nti na: Tane yen, a Nti, ma ve bingôngole bi bôt éfase jia ya akume dam, a nge me nga nyoñe jôme be môt nalé a too te yian, ma bulane nye je biôme binyin.

YOANES 13:29

Ajô te, mbôl Yudas nye a nga bili nkop, bôte bevok be nga siʼako na Yésus a jô nye na, kele kuse biôme ya abôk, nge na vaʼa bingôngol bi bôt jôm éziñ.

Mm 10:2

Emien a nda jé ése, be nga nyeʼe Zambe, a ko nye woñ. A nga bo Beyude abui ésôs, a loone jôé Zambe biyoñ bise.

Mm 10:31

Atemeteme, na môt a beʼe étôtoʼo ngômesan a ntele ma ôsu a jô me na, meyeʼelane môé me nyoñebaneya a Korneille, a akabe dôé, Zambe a simesane de.

Mm 10:4

Korneille a nga beme nye mis asu, njalan a woñ, a nga yalan a jô na: E ne aya a Nti? Engele a nga jô nye na: Meyeʼelane môé a abui ésôse dôé, Zambe a simesaneya bie asu dé.

EFEZE 4:28

Nyô a nga bo a wubuk, a boʼo te beta wup. Ve a nyoñe njuʼu ya bo ésaé zôsôô a mo mé, ane a ye bi jôme ya kaban a bôte be ne tee jôm.

1 Tim 6:17

Jôʼô minkukume ya si nyôna na, be bo te bo mebun, a telé ndi minleme jap e be akum e ne teke jôme ya tabe je ndi ve e be Zambe nyô a ve bia biôme bise abui abui na, bi wôʼô mevak.

1 Tim 6:18

Be boʼo mvaé, a bo minkukume mfaʼa ya mbamba mimboon. Be boʼo ésôs a kabane mvaé a bôte bevok.

HÉBRE 6:10

Zambe a nji bo ékotekot. A se ngule ya vuane mboone wônan a nyeʼan mi nga liti asu jôé dé, a bo mimfufub ésaé e melu mvus, a jaʼan a zu kui éyoñe ji.

YAKOB 1:27

Nya mbunane a ne mfuban a tee ayeñ, asu Zambe Esaa, nye nyô: njomane bobenyui a minkus e minjuʼu miab été, a nsaʼalane si nyô asu ya bo te bili mvin.

YAKOB 2:14

A bobejañ, da volô jé na môt a jô na, a bili mbunan ve mimboone momo? Ye mbunan ô ne nyii aval éyoñe te?

1 Jn 3:17

Nge môt éziñ a bili akume ya si nyô a lôô monyañe wé e mebua été, a bo te mvamane nye, nyeʼane Zambe ô too e be nye aya?

1 Jn 4:20

Nge môt éziñ a jô na: Ma nyeʼe Zambe! Ve a viniʼi monyañ wé, a ne nlaa minsos. Amu, e môt a ne te nyeʼe monyañ a lôô a mis, a se ngule ya nyeʼe Zambe a nji yen.