LUKAS 24:44 - Bible en langue Bulu

⁴⁴ Wôna a nga jô be na: E jame me mbe me jôʼô mia e nde le éyoñe te bia be mia bi ngenan na: Mam mese me ne ntilan ajô dame metiñe me Môze, e be bekulu mejô a besam me nga yiane tôéban.

Kalate Zambe Nnomo a Mfefe Mfefé Nkôñelan

⁴⁴ Wôna a nga jô be na: E jame me mbe me jô'ô mia e nde le éyoñe te bia be mia bi ngenan na: Mam mese me ne ntilan ajô dame metiñe me Môze, e be bekulu mejô a besam me nga yiane tôéban.

LUKAS 24:44 Iomraidhean Croise

KALATE METATAʼA 14:18

Melkisédék, njô bôte ya Salem, a nga bo na be zuu belet a woon; a mbe ntuni e Zambe a dañ Oyabe Yôp.

KALATE METATAʼA 22:18

Meyoñ mese ya si nyô ma ye jô na me bili ébotan amu mvoñe bôte jôé; amu wo te ve tyiñe jame mewôk.

KALATE METATAʼA 3:15

Ma ye futi ziñ e zañe jôé a minga, e zañe mvoñe jôé a e mvoñe jé: Enjéé ja ye fite wo nlô a wo wo ye lôbe nye étimekili.

KALATE METATAʼA 49:10

Ntum éjôé wo ye bo te kôlô Yuda. Nge ndeme môta metiñ e kôlô mebo mé zañ. Akekui Mesi a soya a meyoñ me bôte ke me veya nye mewôk.

EZAYI 28:16

Ve da avale di nde Nti a ne Zambe a jô na: me bôôéya akoʼo da jibi meveʼele mese e Siôn, édima akoʼo ya jua, mbôan asu ya bo mbôkaʼa. Nyô ase a yeʼebe été yôp a ye bo te same,

EZAYI 52:13

Mbo ésaé wom nye nyô, mame mé ma ye ke ôsu; a ye bet, a ye ke ôyabe yôp, a ye bebe étua ôyabe yôp.

EZAYI 7:14

Ajô te Nti émien a ye ve mia ndem: mi lôô ngone minga é ntoo abum, Ja ye biaé monafam, a ja ye yôlé nye na: Emmanuel.

EZAYI 9:6

A ye telé a yemete njôan ô ne ndam a e mvoʼé é ne teke nné, asu éto njôane David a asu éjôé jé. A ye yemete a telé bie, e zôsôô a nya ntyiʼane mejôô yôp, ataté éyoñe ji a kui nnôm éto, ntindane Nti ya nnôm éto ñwô wo ye bo jame te.

YEREMIA 23:5

Tame yen, melu ma zu, nalé Nti a jô, mme ma ye bo zôsôa éfaʼalé a faa asu David; a ye jôô mbamba njôan, a ye belane metiñ a zôsôa ntyiʼane mejô e si a ye jôô été.

YEREMIA 33:14

Tame yen, melu ma zu, nalé Nti a jô, ma ye tôé nkobô ébotane wom me nga kobô nda bôt Israél a nda bôte Yuda.

EZEKIEL 17:22

Avale Nti nyô a ne Zambe a jô na: Ma ma ye nyoñe ntyaé e soʼo sédre a nʼôyabe yôp a telé wô vôm a yian; ma ye té e soʼo ya mintyaé mié ésôsoñ ntyaé a mamien ma ye beme wô e nkôl ô nʼôyabe yôp a anen.

EZEKIEL 34:23

Ma ye telé be mbaʼale mintômba wua, nye a ye ve mie bidi mbo ésaé wome David, a ye ve mie bidi a ye bo mbaʼale wop.

DANIEL 2:44

Melu ya bejô bôte bete, Zambe ya yôp a ye telé éjôé ja ye bo teke tyamban, a éjôé te ja ye bo teke éjôé yʼayoñ afe si, ja ye fit a bo bijôé bite momo; a ébien ja ye tabe nnôm éto:

DANIEL 7:13

Me nga ke ôsu a fombô miñyenan mi nga kui be ma a alu: vevea jôm a funaʼane môt a nga so minkute yôp été. Nde a nga zu vôme nnôme môt ô mbe, amu be nga zuu nye ôsu vié.

Oz 3:5

Eyoñe mam mete me maneya, bone bʼIsraél ba ye beta jeñe Nti, e Zambe wop, a David njô bôte wop. Ba ye kôñelane be Nti a akume dé melu ma zu.

Am 9:11

Môs ôte, ma ye bete ébeme David ja ndeñetan, a mane kôme mevôm mese me ne ntuan été; mevôm mese me nga mane tyamban, ma ye bete me si, a beta lôñ ébeme te, ane é mbe melu mvus.

ZAKARI 12:10

Eyoñe te ma ye sôé nsisime ya mbamba nkômban a meyeʼelan e be nda David a bôt be too Yérusalém. Ba ye fombô ma, nyô be nga jii akoñ. Ba ye yône nye ane ba yôn ntôle monafam.

ZAKARI 13:7

A nkpwaté mekôn wosaʼane mbaʼale mintômba me nga bo élat a nye. Wôék mbaʼale mintômba, éyoñe te mintômba mia ye mialane vôm ase, a ma ye jimbi bone ya mbam.

ZAKARI 14:4

Eyoñe te, a ye tebe e nkôle beôlivié, bebé Yérusalém, éfase tisone ya jôp da tôô. nkôle beôlivié wo ye salé zañ ngab ébaé, a beta mbiʼili a ye bo a soʼo mfaʼa jôp da tôô a kele mfaʼa da dim. Efase nkôle jia ja ye kʼôyap mfaʼa yʼakôé, éfase baa ki mfaʼa ya nké.

ZAKARI 6:12

A wo ye jô nye na: avale di nde Nti a ne ngul ése a jô na: Tame yene môt a ne jôé na: Atataʼa, amu jôm ése ja ye taté mebo mé si, a a ye lôñe Nda Zambe Nti.

ZAKARI 9:9

Vaʼak a Yérusalém! Loñ ôyenga a tisone Siôn! O lôô njô bôt a zu be wo, a too zôsôô a ndañan, nsilibane si a bete éjakase yôp, e mon éjakase yôp, e mon ngal éjakas.

NLAÑANE BÔT 21:8

Ve Nti a nga jô Môze na: Boʼok éveʼela nyo ja lôan a tyelé je ôlé; môt ase nyo é lôbeya, nge a fombô je, a ye nyiñ.

NLAÑANE BÔT 35:25

ékôane bôt ja ye nyii ñwôé bôt e mo me nkune metyi. Ekôane bôt ja ye bulane nye e tisone ya sobô a nga tubʼété. A ye tabe été akekui awu ya ntuni ôsu be nga woʼo mfufube mbon.

METIAS 1:22

Jame te ese e nga boban ane Nti a nga kobô anyu Nkulu Mejô na:

METIAS 16:21

Ataté éyoñe te, Yésus a nga taté na a kobô beyéʼé béé ne ngeññ na: Ma yiane kee Yérusalém na me tôbane njuʼu abui e be bemvendé, bivete betuni a beyeʼele metiñ. Ma ye wôéban, ve môse lale, ma ye wômô.

METIAS 26:54

Nne mintilan mi ne nguleya tôéban aya te na avale di da boban?

METIAS 26:56

Jame dina ese é kuiya asu ya na mintilane bekulu mejô mi tôéban. Ane beyéʼé bese be nga liʼi nye a tup.

MARKUS 9:31

Ane ñhe a nga ke a yeʼele beyéʼé bé, a jôʼô be na: Ba ye koñe Mone Môt, na bôt be bi nye. Ba ye wôé nye. Ve da, éyoñ a wuya, e mvuse môs mila a ye wômô.

LUKAS 21:22

Amu melu mete ma ye bo ma me akunaʼa, asu ntôébane ya mam mese me ne ntilan.

LUKAS 22:37

Amu ma jô mia de na: E jam e ne ntilan da yiane tôébane be ma na: A nga lañeban e bebo mbia be mam été. A e jam da fombô ma e nga ke asuʼu dé.

LUKAS 24:46

A a nga jô be na: E nne e ne ntilane nalé na Krist a nga yiane tôbane mintaé, a a nga yiane wômô miñwuan e môse lale

LUKAS 9:22

A nga beté bifia bife na Mona Môt a nga yiane tôbane njuʼu abui, bemvendé be nga yiane bene nye, nalé fe minlô betuni a beyeme bekalate, a nga yiane wôéban a wômô e môse lale.

LUKAS 9:44

e mfaʼa wônan, tukaʼa keane melo e mejô ma: e Mona môt a ye keeban e mo me bôt.

YOANES 3:14

Aval ane Môze a nga tyelé nyo mvot akône nlinga yôb e fé été, avale te fe Mone Môt a yiane tyeléban e yôp

YOANES 5:39

Mia ke mia fas Mintilan, amu mia bebiene mia yene na, ényiñe ya melu mese, mi ne nyoñ je été; a Mintilane mite mibien, mia boʼolô ajô dam.

YOANES 5:46

Amu na, nge mi to foʼo buni Môze, nge mia buni fe ma; amu a nga tili e mame ma tinane ma.

Mm 13:33

Zambe a kômeya tôé je be bia, bone bap, e vôm a nga wômôlô Yésus, aval ane e ne ntilane same baa na: Ô ne mone wom, môse wu, me biaéya wo.

Mm 13:40

Tabaʼane ntyele na ajô bekulu mejô be nga jô e bi mia na:

Mm 2:27

Amu wo ye bo te liʼi ényiñe jam e vôme ya miñwuan, a éñwôé ô nga top, a ye bo te boé soñ.

Mm 3:18

Zambe, nye a nga kobô ajô di anyu be bekulu mejô bese na, nyô a ne ñwoʼone mbon a ye wôʼô mintaé, nde a ndôme mane tôé di.

Mm 7:37

Môze ate nye, a nga jô mvôʼô Israél na: Zambe a ye ve mia nkulu mejô, a soʼo e zañe bobenyoñ, aval ane ma.

HÉBRE 10:1

Metiñe beyude me nji bo njalan a nya éveʼela ya benya biômô. Me ne ve nsisiñe ya mbamba be mam ma zu e melu ôsu. Me voʼo bo ba ba subu Zambe bebé nya mvoʼé . Me ne bo de aya a metunaʼa me ne éyoñ ése ve avale da, a ma vebane mbu ane mbu?

HÉBRE 3:5

Amu Môze a mbe étabe ndi ya ngume nda wé, aval ane mbo ésaé mfaʼa ya baʼale mame mese ma ye jôban e melu ôsu.

HÉBRE 7:1

Mélkisédék ate, njôô bôt ya Salem, Ntuni Zambe a dañ e yôp, a nga tôban Abraham éyoñ a nga so wosane bejôô bôt a botane nye.

HÉBRE 9:8

Mfufube Nsisim a nga kômbô liti na, zene ya vôm a dañ étyi é ngenane te tame litiban, nté nda éndelé ôsu é ngenan.

1 Pi 1:11

Be nga jeñe na be yem éyoñ a e mezene minlitan mi Nsisime Krist ô mbe be be mi nga yiane tôéban; amu Nsisim ôte ô nga taté yemete ajô mintaé mi mbe mbaʼalan asu Krist, a e duma e nga yiane tôñe mie.

NLITAN 19:10

Ane me nga kumbu e mebo mé si na me kañe nye. Ve a nga jô me na tabeʼe ntyele ya bo jame te. Me ne ébe mbo ésaé mfaʼa wôé a mfaʼa bobenyoñ ba baʼale nkañete Yésus. Zambe nye wo yiane kañ, amu nkañete Yésus ô ne nsisime nkulane mejô.