LUKAS 21:34 - Bible en langue Bulu

³⁴ Tabaʼane miabebien ntyel, amu woñe na minleme mienan mi za bo adit amu e nnembane mboone mam a nsoʼone bilam, a e mam ma tyelé nleme yôp ényiñ, a na môs ôte ô zaa kuu mia yôp éyoñ mi ne te buni,

Kalate Zambe Nnomo a Mfefe Mfefé Nkôñelan

³⁴ Taba'ane miabebien ntyel, amu woñe na minleme mienan mi za bo adit amu e nnembane mboone mam a nso'one bilam, a e mam ma tyelé nleme yôp ényiñ, a na *môs ôte ô zaa kuu mia yôp éyoñ mi ne te buni,

LUKAS 21:34 Iomraidhean Croise

KALATE METATAʼA 19:32

Zaʼak, a e mboʼok na ésaa wongan a nyu woon a mbômbaʼane nye, nalé bia ye ve ésaa wongan mvoñe bôt.

KALATE METATAʼA 19:35

Be nga nyuu ésaa wobe woon alu te, a ébatan é nga kôlô si a ke bômbô fefele jé; a nji yeme nye toʼo éyoñ a nga bômbô si, toʼo éyoñ a nga kôlô si.

KALATE METATAʼA 27:14

A nga ke be nyoñ a zu kee be nyia wé, nye ke ve yame bidi aval ésaa wé a nga nyenyeʼe.

MINKANA 21:4

Mfomban bives, nsisime mebun jaʼan éfufube bebo abé , mam mete mese me nʼabé.

MINKANA 23:20

Te bo ézezañe ya ba ba nyu bilam, ézezañe ya ba ba di tit a dañe nné,

EKLEZIASTE 9:12

Môt a nji yem awolo dé a dañe bekos ba bili avote bidim, nge dañe anon da bili melam. Avale te bidim bia kui be bone be bôt atemetem.

EZAYI 28:7

Ve be fe ba yeñelan e bilam été. A binyunyui bi ne ngul bia yalé be feñ; ntuni a nkulu mejô ba yeñelan e binyunyui bi ne ngul abui; bilam bi mineya be be jañeya a binyunyui bi ne ngu; ba ndembe be kuluʼu mejô ba yeñelan be vaʼa ntyiʼan ajô.

Oz 4:11

Ebamba a nsoʼone bilam bia dimili môte fek.

LEVITIK 10:9

Wo ye bo te nyu woon nge ényunyui é ne ngul abui, wo a bone bôé, éyoñe mia nyiine nda éndelé bendôbaʼan, éyoñe te mia ye bo te wu. Da ye bo mvinda ya biyoñ bise e miaé mienan mise.

METIAS 13:22

Mvoñ é nga béban e biyo été, é ne môt a wôʼô mejô me Zambe ve nyeʼane mam ya si nyô a akum yʼété bia mane tibi me yôp, môt ase a liʼi teke bibuma.

MARKUS 13:9

E nde ñhe mi baʼaleʼe miabebien. Amu na ba ye kee mia e meba mejô, a meba me Zambe, ba ye bôme mia a minkasa, ba ye kee mia e mise me beta bengovina a bejô bôt, amu ajô dam, nalé a ye boʼolô ngum jam e mise map.

MARKUS 4:19

minjuʼu ya si ndôn a meduʼane ya akume si a minkômbane ya mame mevoʼo mese, bi jaé be nlem ne lut, a mane yametane mejô mete, me ntoo ñhe teke fe awumi ébuma.

LUKAS 10:41

Nti a nga yalane nye na: A Maata, Maata, e nlem ô tyele wo yôp a abui mam da ndeñele wo.

LUKAS 12:40

Mia fe tabaʼane nkôman, amu Mona môt a ye so awolo mi nji simesan.

LUKAS 17:3

Tabaʼane miabebiene ntyel. Nge monyoñ a te bo abé , komekaʼane nye, a nge a tyendé, jaméʼé nye.

LUKAS 21:35

aval ane avot, amu wo ye zu e be bôt be too si nyô ése.

LUKAS 21:8

Yésus a nga yalane na: Tabaʼane ntyele ya woneban. Amu abui bôt da ye zu a jôé dam a jô na: ma le, a éyoñ é ntoo bebé. Te tôñane be.

LUKAS 8:14

E mvoñ é nga ku e minsiniʼi été, é ne ba be ne na éyoñ be maneya wôʼô mejô me Zambe, be kelé, mam ma tyelé bôte minleme yôp, akum a mimvôman yʼényiñ bia mane dibetane be, be ntoo teke fe ve bibuma bi ne bitôtôlô.

1 Ko 5:11

Momo, me nga tili mia na: Mi bo te fulane mam a nyôa beʼe jôé monyañ, ve a too ébamba, nyeʼe bidi, nkañe bezambe befe, ndamane bôte môé e zesé, nsoʼo bilam nge ñwuwup, a na te di di a avale môte te.

1 Ko 6:10

nge miñwuwup, nge bewôlé bôte biôm, nge besoʼo bilam, nge bendamane bôte môé e zesé, nge benyoñ abet, ba ye nyoñe ngab éjôé Zambe.

GALATI 5:20

nkañane bezambe befe, bemviʼi, ziñ, ntañete, mbia aban , ayaa, mesengan, metyamaʼane, mbia mengam,

DEUTERONOME 29:19

Nti aa ye ke jamé nye, vʼayaa a abane Nti bia ye yôñ be môt ate; biyoʼé bise bi ne ntilan e kalate nyô bia ye tabe be nye, a Nti a ye tyame jôé dé e jôbe si.

FILIP 4:6

Te tyelane minleme yôp a jam éziñ. Ve katane Zambe e mam mia sili biyoñe bise e meyeʼelan, a minjaʼan, mfulaʼan a mvean akéva.

HÉBRE 12:15

Mombaʼan, môt éziñ a za sube mvame Zambe. Nkañ éziñ ô ne ayô ô boʼo te faa e zañe jenan, amu zôʼé ja ndamane nsamba bôt.

2 Pi 3:10

Ve môse Nti wo ye so ane ñwuwup. Yôp da ye jañe môs ôte a beta éduñ a ne ékowoñ, ateté ya yôp da ye tyamban a nduan, si a biôme bise bi ne été ja ye bo momo.

2 Pi 3:14

Ajô te, a bidima bemvôé biam, nté bia yange môs ôte, vaʼane ngule jenan ése na mi bo mfuban a teke jame ya komekane mia e mise me Zambe, a na mia be nye mi tabe mvoʼé .

NLITAN 3:3

A jô te simesaʼane jam ô nga nyoñ a wôk. Baʼaleʼe de a kôñelane nlem! Nge wo bo te mombô, ma ye zu ane ñwuwup, wo teke yem awolo ma ye zu e be wo atemetem.

SAMUEL ÔSU 25:36

Eyoñ Abigayil a nga kui be Nabal, a nga koon a boʼo dina e nda jé ane dina njô bôt; a mbe mevak a sulé ane mvôfôm. Abigayil a nji kañete nye jôm, akekui éfufube ya mametyé.