LUKAS 19:42 - Bible en langue Bulu

⁴² Nge ô mbe ô yemek, wo fe, e môse wu, e mam me mbe ve wo mvoʼé ! Ve éyoñe ji me ne nsolan e mise môé.

Kalate Zambe Nnomo a Mfefe Mfefé Nkôñelan

⁴² Nge ô mbe ô yemek, wo fe, e môse wu, e mam me mbe ve wo *mvo'é! Ve éyoñe ji me ne nsolan e mise môé.

LUKAS 19:42 Iomraidhean Croise

EZAYI 44:18

Be ne teke wôk, be ne teke yeme yemelan, amu bikabak bi ne be mis abui na be bo te yen, minleme miap mi ne fe nalé na be bo te fas!

EZAYI 48:18

Ngoʼé ngʼô too ye tabe mebendé mam ntyee, mvoʼé jôé é nga ye bo ane beta ôsôé, a zôsôô wôé ane mendime ya mañ;

EZAYI 55:6

Jeñane Nti éyoñ a né, loʼone nye éyoñ a ngenane bebé.

YEREMIA 13:17

Nge mia bo te vôʼôlô jame di, ma ye yi asoé, amu mia dañe buni miabebien; ma ye sôôé milik, a mise mam ma ye kuli milik, amu mbame Nti wo ye keebane minkôm.

EZEKIEL 33:11

Jôʼô be na: Ane me vee! Nalé, Nti nyô a ne Zambe a jô, jam ma kômbô e nji bo na mbo abé a wu, ve na a tyendé ntabane wé a na a nyiñ. Bulaʼan, bulaʼan mi kôlô mbia mezene menan. Amu jé mia yiane wu a ayoñ Israél?

LUKAS 19:41

Valé tison é ntoo nye bebé, Yésus, éyoñ a yeneya je, a nga yi je a jô na:

LUKAS 19:43

Melu ma ye zu be wo e mme mete besiñe bôé ba ye bômane wo a minkaʼalé, ba ye futi wo e njiñelete wob été a bametane wo mimfaʼa mise;

LUKAS 19:44

ba ye koʼo wo a bone bôé ézezañe jôé, a ba ye bo te liʼi wo akok e bete di avoʼo yôp, amu ô nji ke yem éyoñe be nga zu jome wo.

Mm 10:36

A nga lôme Foé jé e be mvôʼô Israél, Mbamba Foé ya mvoʼé , amu Yésus Krist, nyô a ne Nti ya bôte bese.

Mm 13:46

Ane Paul baa Barnabas be nga bo ayoʼo ya kpwaane be na: E be mia nye ajô Zambe e nga yiane taté kateban, ve amu mia bene de, a yene miabebien ane ba be nji yiane nyoñe ngab ényiñe ya melu mese, nde bia ke e be meyoñe bikuu.

DEUTERONOME 32:29

Nge be too bi ôbe fek, be nga ye yem e vôme mam mese ma ma kee be.

DEUTERONOME 5:29

Ve ngoʼé nge be nga bili avale nleme te, éyoñ ése, asu ya ko me woñ a baʼale mebendé mam, nalé ba ye yene mvaé éyoñ ése, bebien a bone bap!

HÉBRE 3:13

Ve lebaʼan môs ane môs , wua a nyô mbok, nté ôse e ne jôbane na: dene ya mimfufube mintilan a fombô bia, nde môt éziñe ya be mia a ye bo te bo ayete nlem a meduʼan me abé .

HÉBRE 3:15

éyoñ e ne njôane na: den nge mia wôʼô tyiñe jé, te boone minleme mienan ayet, aval ane melu me mbenane njôan.

HÉBRE 3:7

Amu ajô te, aval ane mfufup Nsisim a jô: den nge mia wôʼô tyiñe jé,