LUKAS 14:13 - Bible en langue Bulu

¹³ Vʼéyoñe wo bo beta ésulane bidi, bañeteʼe minzôzoé, e bôt be ne bibuʼa biziñ ntyiʼan, miñyeyem, mindindim.

Kalate Zambe Nnomo a Mfefe Mfefé Nkôñelan

¹³ V'éyoñe wo bo beta ésulane bidi, bañete'e minzôzoé, e bôt be ne bibu'a biziñ ntyi'an, miñyeyem, mindindim.

LUKAS 14:13 Iomraidhean Croise

SAMUEL BAA EJÔÉ DAVID 6:19

Wôna a nga kabe bôte bese a ndula bôte ase yʼIsraél, befam a binga, môt ase éwôlé belet, ñyañane tit a éwôlé mboon a bibuma bi ndiʼi woon. A bôte bese be nga bulan, môt ase e nda jé.

2 Minkte 30:24

amu njô bôt Ezékias, njô bôte ya Yuda, a nga kandé biyem asu ésulan: beyôm benyak toyini, mintômba, bikela toyini zamgbwa, a bivet bi nga kandé asu ésulan: beyôm benyak toyini, mintômba a bikela toyini awôm. Abui betuni be nga tune bebien.

NEHEMIE 8:10

Esdras a nga jô be na: Kelan a di betit be ne avoñ, a nyu biôm bi nʼévôvoé, a lôme mengap e be ba be nji bi jôm: amu môse wu ô ne ntelan asu Nti wongan; te wôʼan ôlun amu avaʼa Nti nde é ne ngule jenan.

NEHEMIE 8:12

Ane bôte bese be nga ke be nga tuʼa wôʼô mejô be nga kate be.

Yb 29:13

ébotane ya nyô a nga zu wu, e mbe é keleʼe be ma; me mbe me jaléʼé mevak e nleme nkus.

MINKANA 14:31

nyô a fite nzôzoé a biasé nté wé; ve nyô a mvaman éngôngole môt a semene je.

MINKANA 22:9

Môt a nʼésôs a ye bi ébotan, amu a ve éngôngole môt bidi bié.

EZAYI 58:10

nge wo ve nyô a wôʼô zaé jôme womien wo kômbô, nge wo bo mbubua na ô jaé bidi, éfufube jôé ja ye faé e dibi été, a dibi dôé da ye bo ane zañe môs .

EZAYI 58:7

Kabaʼane bidi biôé a nyô a wôʼô zaé, bingôngole bi bôt bi ne te vôme ya tabe zaʼa bie e nda jôé; nge wo yene môt a wuluʼu soé, vaʼa nye jôme ya jaé, a wo ye bo te lume môte ya minsône miôé mvus.

METIAS 15:30

Bizuʼu minsamba mi bôt bi nga zu nye bebé bi bili mimbôbôk, mindindim, miñyeyem, mindôndok a befe abui; nde be nga ku nye mebo a a nga saé be;

METIAS 22:10

Ane bebo bisaé be nga ke mezen a kôane ba bese be nga koone be: mbia a mbamba be bôt; abôʼô aluk ve jaé ne lut a bôt.

LUKAS 11:41

E mvolan ô vaʼabaʼan ataté e nlem été, a biôm bise bia ye bo mfuban asu denan.

LUKAS 14:12

A nga jô fe môt a nga bañete nye na: éyoñe wo ve bôte bidi ya zañe môs nge mamengôʼé, te bañete bemvôé bôé, nge bobenyoñ, nge bebiaé bôé, nge bôte mia be be mi too be ne minkukum, be zaa bañete wo éyoñe jap a nalé a viane bo e maʼane môé.

LUKAS 14:14

A wo ye vak amu be nji bi jôme ya yaʼane wo; amu wo ye bi maʼan éyoñe bezôsôô be bôt ba ye wômô.

LUKAS 14:21

E mebulan, mbo ésaé a nga kate Masa wé mam mete. Ajô te mmie ndaa, ôlun été, a nga jô e mbo ésaé wé na: Kelek avô e minseñ a minjoñe ya tison, ô zuu ma va: minzôzoé, e bôt be ne bibuʼa ntyiʼan, mindindim a miñyeyem.

Mm 9:39

Teke yange, Pierre a nga ke baa be be. Eyoñ a nga kui, be kele nye étune nda ya yôp. Minkuse mise mi nga yône nye mis, mi litiʼi nye biyé, a belenekôt a nga bo a jaléʼé be éyoñ a nga vee.

DEUTERONOME 14:29

Eyoñe te mone Lévite a ye zu, amu a nji bi ngap ngʼélik mia, nye, ntabe , monenyui a nkus mia be be mi too; ba ye di a jaé, nalé Nti, e Zambe wôé, a ye botane wo e jam ése wo ye bo a mo môé.

DEUTERONOME 16:11

a mia ye ke e vôme Nti a ye tobe na a tabe; e valé, e nda Nti, mia ye bo njalan a mevak, miabebien, a bone benan, bebo bisaé benan be ne befam a ba be ne binga, nalé fe Belévit, beyeñ, bobenyui a minkus mi too be mia.

DEUTERONOME 16:14

Abôʼô te da ye bo abôʼô mevak, asu denan a bone benan, bebo bisaé benan be ne befam, a ba be ne binga, nalé fe Belévit, mintabe, bobenyui a minkus mi too be mia.

1 Tim 3:2

Ve yeme na, évék a yiane bo tee bijô, nnôm a bili minga wua, te dañe di, fek a yeme nyiñ a bôt, anyep, ngule ya yeʼele.

1 Tim 5:10

Ba yiane fe yeme nye amu mbamba mimboone mié: a nga yale bon a too fe anyep, a nga sôbe mebo mimfufup, a volô bewôʼô ôlun minlem, a ve fe émien mfaʼa ya bo bôt e mam mese me ne mvaé.

Tt 1:8

A yiane yeme nyoñe bôt, mvôé mbamba be mam, évôvoé, zôsôô , étyi, njôô émien,

FILEMOÑ 1:7

Beta avak a mvolane nlem bi kuiya be ma. Amu nyeʼane wôé, a mojañ, ô veya minlem mimfufube ngu.

HÉBRE 13:2

Te vuane mbamba nyoñane bôt. Amu a wô, bôt bevoʼo be nga nyoñ beéngele menda map, be te yeme nalé.