LUKAS 13:34 - Bible en langue Bulu

³⁴ Yérusalém, Yérusalém, wo wôé bekulu mejô a lume ba ba lômbane mekok , abime biyoñ avé me nga kômbô kôane bone bôé, ane nyia kup a kôan e mefabe mé si e metyi a bôʼô yôp, ve mi nji ke kômbô nalé.

Kalate Zambe Nnomo a Mfefe Mfefé Nkôñelan

³⁴ Yérusalém, Yérusalém, wo wôé bekulu mejô a lume ba ba lômbane *mekok, abime biyoñ avé me nga kômbô kôane bone bôé, ane nyia kup a kôan e mefabe mé si e metyi a bô'ô yôp, ve mi nji ke kômbô nalé.

LUKAS 13:34 Iomraidhean Croise

NEHEMIE 9:26

Akôsa bo nalé, be nga bo melo a ben éjôé jôé. Be nga lume metiñe môé mvus; be nga wôé bekulu mejô bôé be nga bendé be na be beta kôñelane be wo a bo te beta bo mam ma soñe wo.

NEHEMIE 9:30

O nga jibi be abui mimbu, a lebe be a nsisime wôé anyu be bekulu mejô bôé: ve be nji kee melo map. Ajô te ô nga kee be e mo meyoñe bikuu.

BESAM 149:2

Israél a vaʼak; amu a ne nté wé ayoñ bôt ya Sioñ, akaʼa avak! Amu a ne njôô wôé.

EZAYI 30:15

Amu avale di nde Nti, Nyô a ne Zambe a Nyô yʼIsraél a nʼétyi a jôya na: nyiane wônan wo ye bo e mbulane ya bulane be Zambe a awoʼon été. Ngule jenane ki évôvoé a ndi nlem été. Ve mi nji kômbô nalé!

EZAYI 50:2

Me nga so, ve me nji koone môt amu jé? Me nga loon, ve môt a nji yalan amu jé? Ye wo wom ô dañeya étun asu ya ve éto fili? A na ye me nji fe bi abime ngu da yian asu ya kôté? Ayaa dam da vele mañ, ma bo beta bʼasôé ne ngeññ, kose jap ve boé amu mendime momo, a ja wu amu évé.

YEREMIA 2:30

Me nga bôme bone benan e zesé; be nji ke kômbô nyoñe nyeʼelan; nkpwaté mekône wônan ô nga wôé bekulu mejô benan, avalʼane ngbwengbwem ja jian.

YEREMIA 26:23

Ane be nga vaa Uriya Ejipte a kee nye be Yôyakim njô bôt, nye ve wôé nye a nkpwaté mekôn a wua mbime wé e mesoñ ya bôte yʼayoñ.

YEREMIA 35:14

Be nga baʼale mebendé me Yônadab, e mone Rékab, nye a nga bendé bone bé na be bo te nyu woon a be boya te nyu nye a kui môse ya den; be nga bo abendé ésaa wob mewôk. Ma me kobôya mia, me kobôya mia ataté mametyé, ve mi nji wôʼô ma.

YEREMIA 35:17

Ajô te Nti ya minsamba mewosan, e Zambe Israél ajô na: Ô lôô ma ye zuu bidim bise me nga kate foé be Yuda a bôte bese be too Yérusalém bi wosane be, amu me nga kobô be, be te wôk, amu me nga loone be, be nji yebe.

YEREMIA 6:16

Avale di Nti a jô na: tebaʼane mezen, fombaʼan, yemelaʼan ajô mezene ya melu mvus; nya zene a ne ñhe vé? Wulaʼan été, a yen awoʼone ya minleme mienan! Ve ba yalane na: bia ye bo te wulu été.

MINYÔN 1:16

Mam mete mme ma bo na me yi, milik ma kui me mis amu nyô a ne volô ma nlem a beta wômôlô ényiñe jam a keya ma ôyap. Bone bam be ntoo éngôngo amu nsiñ a maneya dañ.

MINYÔN 4:13

nalé a boban amu abé bekulu mejô bé, a minkobane betuni bé mbe be nga kuli metyi bezôsôô be bôt ézezañe jé.

Oz 11:2

ve be nga ke ba be nga loone be ôyap. Be nga ve Bebaal bityiʼa a diʼi bengunemelan be ne nkpwelan ôtu.

Oz 11:7

Bôte bam be ne beyeñeyeñ mfaʼa wom, ba loone be e be nyô a ne yôb été, ve wua yʼété teke kôlô si.

Yo 2:23

A mia, bôte be too Siôn, muñan a mevak, amu Nti, e Zambe wônan. E suʼu ésep a lôme mia, a noo mveñ ôyôn a mveñ ésep avalʼane melu mvus.

ZAKARI 1:4

Te mia vu bʼésoo benan mbe bete bekulu mejô be nga kobô be melu mvus na: avale di nde Nti a ne ngul ése a jô na: bulaʼan a bene mbia mezene menan a mbia mimboone benan, ve be nji wôk nge nyoñe me ngap, nalé Nti a jô.

METIAS 22:3

a nga lôme bebo bisaé bé be loone bôt a nga bañete ésulan aluk: ve be nga bene zu.

METIAS 22:6

ba be nga liʼi ve bi bebo bisaé bé a taa be, a wôé be.

LUKAS 15:28

Ane a nga wôʼô ôlun a a nji kômbô nyiine nda . Esaa a nga kui atane na a nyiñeli nye nda été.

LUKAS 19:44

ba ye koʼo wo a bone bôé ézezañe jôé, a ba ye bo te liʼi wo akok e bete di avoʼo yôp, amu ô nji ke yem éyoñe be nga zu jome wo.

LUKAS 23:28

Yésus a nga kôñelane be be a jô na: A bengone ya Yérusalém, te yônane ma, ve yônane miabebien a bone benan.

Mm 7:52

Mbé ya bekulu mejô bʼésoo benan be nji wôé? Be nga wôé, jaʼane ba be nga taté kate foé ya nsoone môt a ne zôsôô , nyô émien mi nga koñ a wôé e melu menan.

Mm 7:59

Eyoñe be nga wôé nye, Etienne a nga yeʼelan, a kobô mejô ma: a Nti Yésus, nyoñe Nsisim wom.

Mm 8:1

Saül a mbe ngame ya bôt be nga kañese awu Etienne. Melu mete ékpweʼele é nga ngetane keké ya Yérusalém, angôndô ékpweʼele. O vaa ve minlôman, bôte bese be nga tup a mialane mefôla ya Yudé a Samari.

DEUTERONOME 32:29

Nge be too bi ôbe fek, be nga ye yem e vôme mam mese ma ma kee be.

DEUTERONOME 5:29

Ve ngoʼé nge be nga bili avale nleme te, éyoñ ése, asu ya ko me woñ a baʼale mebendé mam, nalé ba ye yene mvaé éyoñ ése, bebien a bone bap!

NLITAN 11:8

Mimbime miap mia ye bômbô ézezañe beta nlam ba loon avale nkulane mejô ô né na Sodom a Ejipte, e vôm émien Nti wop a nga tyelébane krôa .

Rt 2:12

Nti émien a yakaʼane wo mboone wôé. Maʼane môé me boʼo ngumba, me soʼo e be Nti, e Zamba Israél. Nye ate ô zuya sobô e mefabe mé si.