LUKAS 11:15 - Bible en langue Bulu

¹⁵ Ve bevoʼo be nga jô na: A vaa mimbia minsisim a ngule njôô mimbia minsisim.

Kalate Zambe Nnomo a Mfefe Mfefé Nkôñelan

¹⁵ Ve bevo'o be nga jô na: A vaa mimbia minsisim a ngule njôô mimbia minsisim.

LUKAS 11:15 Iomraidhean Croise

METIAS 10:25

Mfaʼa ñyeʼé da sili na a bo ane nyeʼele wé a mfaʼa mbo ésaé a bo ane masa wé. Mbôle be nga loone mie ndaa na Bélzébul, kô fé ba ye jô de mfaʼa bôte ya nda jé!

METIAS 12:22

Nde be nga zuu nye môt a bili mbia nsisim , ndindim te kobô; a nga saé nye a kui na mvumvuk ô kobô a a yen.

METIAS 4:24

Duma dé e nga yiane Siri ase; be nga zuu nye minkôkone mise mi bili akone mevale meva nge na be nga bili éndeñelaʼa amu mintaé mevale meva: bebeʼe mimbia minsisim, ba menyôl me ne ñyemelan, ba be ne mimbôbôk, a a nga saé be.

METIAS 9:34

Befarizieñ be ke be nga viane jô na: Ke a vaa mimbia minsisim a ngule évete mimbia minsisim.

YOANES 10:20

Abui avok e nga ke da jô na: A bili mbia nsisim , e nde fe a nga soʼakut, amu jé mia vôʼôlô nye?

YOANES 7:20

E nde bôt be nga yalane na: Mbia nsisim a bili wo, za a jeñe na a wôé wo?

YOANES 8:48

Ane Beyude be nga nyoñe nkobô a jô na: Ke bia kobô bebela ane bia jô na ô ne mone Samari, a na ô bili mbia nsisim ?

YOANES 8:52

Ane Beyude be nga jô nye na: Eyoñe jina ñhe bi yemeya foʼo na ô bili mbia nsisim . Abraham a wuya, bekulu mejô fe, ve wô wo jô na, nge môt a baʼale mejô mam, teke na a ye veʼele tyeʼé jam éziñe ya awu akekui nnôm éto.