LUKAS 10:2 - Bible en langue Bulu

² A mbe a jôʼô be na: nkôane bidi ô ne abui, ve bebo bisaé be ne tyôtyoé. Yeʼelaʼane ñhe masa nkôane bidi na a lôme bebo bisaé e nkôane bidi wé.

Kalate Zambe Nnomo a Mfefe Mfefé Nkôñelan

² A mbe a jô'ô be na: nkôane bidi ô ne abui, ve bebo bisaé be ne tyôtyoé. Ye'ela'ane ñhe masa nkôane bidi na a lôme bebo bisaé e nkôane bidi wé.

LUKAS 10:2 Iomraidhean Croise

1 Bb. 18:22

Ane Elie a nga jô bôte na: Me liʼiya nkulu mejô Nti vʼétam, ve bekulu mejô be baal be ne mintete minyin a mewôm metan.

YEREMIA 3:15

Ma ye ve bebaʼale mintômba, a ba nleme wom wo yene mvaé, a ba ye ve mia bidi a atyeñ, a mbamba mfasan.

ZAKARI 11:17

Bidim a mbia mbaʼale mintômba a liʼi mintômba! Kpwaté mekôn ô jibaʼane nye wo a e dise ya mbo nnôm! E wo wé ô tame mane kôt ôse, a dise dé ya mbo nnôm e tame foʼo dim.

ZAKARI 11:5

Ba ba kuse mie, ba tyiʼi mie tyiñ , teke buni na mi bili mekua, a ba ba kuane mie, ba yôtane na: mvaʼane Nti akéva, amu bi ntoo kum! Bebaʼale babe bebien teke ko mie éngôngo.

NLAÑANE BÔT 11:17

Ma ye sise valé a kobô wo; ma ye nyoñe ngab éziñe ya nsisim me nga ve wo a sôé wô e be be; éyoñe te ba ye bo nguleya volô beʼe wo mbeʼe ya bôte ba, a wo ye bo te beta bo ésaé te étam.

NLAÑANE BÔT 11:29

Ve Môze a nga yalane na: Ye wo bo ma éviele? Ke ma dañe yene mvaé nge ayoñe bôte Nti ese e bili foʼo ve bekulu mejô, a ngoʼé nge Nti a ne sôé nsisim e be be!

METIAS 20:1

Ejôé ya yôp ja funane foʼo ve ane mie ndaa éziñ, nye a nga kui atan mametyé na a nyoñe bebo bisaé asu afube mindiʼi mi woon dé.

MARKUS 13:34

Aval ane môt a ke e dulu, a liʼi nda jé a mane ve bebo bisaé éjôé jé, môt ase ésaé jé, a ve fe mbaʼale mbé ya jal atiñ na a mombô.

MARKUS 16:15

Ane a nga jô be na: Kelane mefôla me si mese, mi ke mia yôtan ékôkômaʼa ése Mbamba Foé.

MARKUS 16:20

Beyéʼé kik, akôlô ya valé, be nga ke ba kañete Mbamba Foé vôm ase, Nti a kelee be nsamba e ésaé été, a yemeteʼe nkañetane wob ya ajô Zambe ngu amu bitua bi mam bi mbe bi bobaʼan.

LUKAS 9:1

A nga loone beyéʼé awôm a bebaé a ve be ngul a éjôé e be mimbia minsisim mise, nalé fe ngule ya yete akon.

Mm 11:19

E ba be nga tub ékpweʼele éyoñ Etienne a nga wu be nga kui Fénésie, Sipre a Antiôche, ve te kate bôte befe ajô Zambe, vengevenge ve Beyude.

Mm 13:2

Môs éziñ be nga bo ésulane ya kañe Nti a bômbô zaé asu meyeʼelan. Mfufube Nsisim a nga kobô be na: Jôkaʼane me Barnabas baa Saül be bo ésaé me tyiʼiya na be bo.

Mm 13:4

Eyoñe Mfufube Nsisim a maneya lôme be, ane Barnabas baa Saül be nga siliki a kui Sélesi. Nkôlane ya valé, be nga fubu miel été a ke mfaʼa ya Sipre.

Mm 20:28

Baʼalane miabebien, a ngumba mbam, ñwô ôte Mfufube Nsisim a nga telé mia bebaʼale. Boʼone bebaʼale mintômba ya Keké, nje éte a nga nyoñ a metyi mé.

Mm 22:21

Ve Nti a nga jô me na: Kele mfaʼa ma jô wo. Amu mfaʼa wo dañ ôyap, e be meyoñe bikuu, ñwô ma lôme wo.

Mm 8:4

Wôna bôt be nga tup a mialane minlame minlam. Be nga ke li a li, a kate Mbamba Foé ya ajô Zambe.

1 Ko 12:28

A, e ba Zambe a nga telé e keké été be ne: ôsusua minlôman, nsamba baa, bekulu mejô, e wu lale beyeʼele wôna mveane ya bo bitua bi mam, wôna wu ya saé bôt, wu ya volô bôt, wu ya jôô, mveane ya kobô minkobô .

1 Ko 15:10

Ve jôme me né, me ne je amu mvame Zambe a e mvame jé é nji bo zesé mfaʼa wom. Amu me nga bo ésaé a lôte bese: saa ma, ve mvame Zambe é nee be ma.

2 Ko 6:1

Amu bia be nye bia bo ésaé, bia lebe mia na mi bo te nyoñe mvame Zambe ane jôm é ne zezé.

FILIP 2:21

Bese be lôô foʼo ve mfi wobe bebien, saa ñhe wu Yésus Krist.

FILIP 2:25

Akôsa bo nalé, me nga yen e too mfi na me lôme mia Epafrôdite, mojañe wom, ébe mbo ésaé a nyô bia nye bia wosan, nyô mi nga lôme na a zu saane ma e minkômbane miam été

FILIP 2:30

amu a nga ye wu amu ésaé Krist. A nga ye dimili ényiñe jé, éjiane ya jôme miabebien mi mbe te ngule ya bo mfaʼa ya saane ma.

KÔLÔS 1:29

E jam ma sôñ ésaé jam, a mewosane mam, a ngule jé ja bo ésaé e be ma, e nde ñhe le.

KÔLÔS 4:12

Epafra, a ne fe wua ya be mia, a batane mia; mbo ésaé Yésus Krist ate, a nji jôʼé wosan ajô denan a zene ya meyeʼelan na, mi tebe ne sim, nya mvoʼé asu ya ve nkômbane Zambe mewôk.

1 Tes 2:9

Mia simesan, a bobejañ, minjuʼu miangan a ñwôʼan ateʼe nyôle wongan, a mboon ésaé, môse baa alu na bi bo te kaʼa môt éziñ ya e be mia mbeʼe, nye bi nga kate mia Mbamba Foé Zambe.

1 Tes 5:12

A bobejañ, bia sili mia na mi semé e ba ba wu njuʼu ésaé e zañe jenan, ba bômbô évevé ajô denan e be Nti a komekane mia.

2 Tes 3:1

A bobejañ, yeʼelaʼan ajô dangan, nalé ate ajô Nti e ne ngule ya jiʼa mialan a wum aval ane e né e be mia,

1 Tim 4:10

Amu nge bia wu njuk a wosan, e ne amu bi veya ndi nleme jangan e be vevea Zambe, e nye a ne nyii bôte bese, a dañedañ nyô bebuni .

2 Tim 4:5

Ve wo, jôʼô womien e mfaʼa mame mese. Jibiʼi mintaé, boʼo ésaé nkatefoé, jaléʼé ésaé jôé.

FILEMOÑ 1:1

Paul, mone mimbôk, amu ajô Yésus Krist, bia Timôté bi too, mojañ, ma tili Filémon, ébe mbo ésaé ma dañe nyeʼe, Afia, kale jangan,

HÉBRE 3:6

Ve Krist nye a ne mon, a too fe nda jé. Bia bi ne nda jé nge bia baʼale mbunan a ndi nlem bia vaʼa bie akekui asuʼulan. Nyiane ya awoʼone Zambe amu mbunan.

NLITAN 2:1

Tiliʼi éngele ya keké é ne Eféz na: Avale di nde nyô a bili ateté zamgbwa e wo wé ya mbo nnôm, e Nyô a wulu ézezañe bibii bifufup bi or zamgbwa a jô: