LUKAS 1:51 - Bible en langue Bulu

⁵¹ A nga litiban a e ngul ése ya wo wé; a nga tyamelan e bôt be bili ôsimesane mebun e nlem .

Kalate Zambe Nnomo a Mfefe Mfefé Nkôñelan

⁵¹ A nga litiban a e ngul ése ya wo wé; a nga tyamelan e bôt be bili ôsimesane mebun e *nlem.

LUKAS 1:51 Iomraidhean Croise

KALATE METATAʼA 11:8

Ane Nti a nga mialane be ôyab a valé e si ése; a be nga jôʼé nlôñane tison.

KALATE METATAʼA 6:5

Nti a nga yene na mbia mboone môt a nga dañ anen e si nyô; a na môs ôse e nleme wé wo bôndé ve mbia bʼasimesan.

KALATE METATAʼA 8:21

Nti a nga wôʼô mbamba ényum, a Nti a nga jô e nleme wé été na: Ma ye bo te beta yoʼé si amu môta binam, amu nleme môt ô ne nkômesan mfaʼa abé aso mongô; a ma ye bo te beta jiane jôm ése é vee, avale me nga bo.

NKÔLAN 18:11

Ma yeme éyoñe ji na a ne anen a dañe bezambe bese: a nga liti nalé éyoñ bôte ya Ejipte be nga tibili bôte ya Israél.

EZAYI 40:10

Nti, e Zambe wom, nye nyô a zu a ngul ése, e wo wé ñwô wo bo nye na a dañ; tame yen ane a bili maʼane mé e bʼémien, a ma mevok me ne nyʼôsu.

EZAYI 51:9

Veʼe ôyo, veʼe ôyo! Tame jaé ngu a wo Nti! Veʼe ôyo ane melu kôa, melu ya miaé mi bôte betô! Ye sa wo ô nga bibi Ejipte, a lume ébibi te akoñ?

EZAYI 52:10

Nti a liti soé ya étyi jé e mise meyoñ me bôte mese; a mekuʼu mese ya si nyô ma ye yene nyiane Zambe wongan.

EZAYI 63:12

Mfaʼa mbo nnôme Môze, a nga fôʼô wo wé wo ngemban, a nga kandé mendim ôsu viap, asu ya wumulu émien nnôm éto.

YEREMIA 49:15

Amu me boya wo tyôtyoé meyoñ été, jôme ba biasé e bôt été.

BERÔMEÑ 1:21

Amu zene nyôna na, be yeme Zambe, ve te ve nye akéva da yiane nye. Ve be nga viane jañ e mbia be asimesane bap été, a minleme miap ya te fek mi nga ku dibi été.

2 Ko 10:5

a ngul ése ja liti ziñ, nje éte ja tebe ñyemane ya yeme Zambe e ngame yat. Bia bi ôsimesan ôse mbôk asu ya zuu wô na ô ve Krist mewôk,

DEUTERONOME 4:34

Ye Zambe a tameya veʼele zu nyoñ ayoñ éziñ e zañe ya ayoñ afe asu dé a meveʼele , a mendem a bitua bi mam, a bita, a akule wo e nʼéwôlô, a wo ô ne nsaman, a mboone mam me nʼangôndô, avalʼane mam mese Nti, e Zambe wônan, a nga bo mia Ejipte, mise menan me lôô?

1 Pi 5:5

Avale te mia bisoé bi bôt, suʼane miabebiene si e be bemvendé be bôt. A mia bese fufulu, boʼon éjoté nyô e zañe jenan. Amu Zambe a tele bôt be ne mebun e ngame yat. Ve a mvamane ba be ne njeʼebane minlem.

NLITAN 18:8

Amu ajô te bibubua bi ne ntiñetan mfaʼa wé, bia ye zu e be nye môse wua, e ne na: Awu, mbia ôlun zaé, a a ye diʼibane nduan. Amu Nti, Zambe nyô a tyiʼiya nye ajô a ne ngu.