FILIP 3:1 - Bible en langue Bulu

¹ E jame ma suʼulane jô a bobejañ, e ne na: Vaʼane be Nti. Me nji jañele jôm éziñ éyoñe ma tili mia avale mame da, a mfaʼa wônan, nalé a yemete mia.

Kalate Zambe Nnomo a Mfefe Mfefé Nkôñelan

¹ E jame ma su'ulane jô a bobejañ, e ne na: Va'ane be Nti. Me nji jañele jôm éziñ éyoñe ma tili mia avale mame da, a mfa'a wônan, nalé a yemete mia.

FILIP 3:1 Iomraidhean Croise

1 Minkte 15:28

Ane Israél ase a nga ke nyoñe éwolo yʼélate Nti a ayenga, tyiñe nlak, metoñ a mindiñ, memvet a biwoé.

1 Minkte 16:10

Wumelaʼane miabebien amu jôé dé e ne étyi! E nleme ya ba ba jeñe Nti Ô tame ñhe vak!

1 Minkte 29:22

Be nga di a nyu môs ôte, e mise me Nti, abui mevak été, be nga telé Solômon e mone David njô bôt éyoñe baa, be nga woʼo nye mbon e mise me Nti ane njôô, a Sadok ane ntuni .

NEHEMIE 8:10

Esdras a nga jô be na: Kelan a di betit be ne avoñ, a nyu biôm bi nʼévôvoé, a lôme mengap e be ba be nji bi jôm: amu môse wu ô ne ntelan asu Nti wongan; te wôʼan ôlun amu avaʼa Nti nde é ne ngule jenan.

Yb 22:26

Eyoñe te wo ye bo Nyô A ne Ngul Ese mevaʼa môé. Wo ye bete asu dôé yôp be Zambe.

BESAM 149:2

Israél a vaʼak; amu a ne nté wé ayoñ bôt ya Sioñ, akaʼa avak! Amu a ne njôô wôé.

BESAM 5:11

Boʼo be ane bôt ba yiane mekua, a Zambe! mam ba bôndé me kele be na be ku! Bene be amu bizuʼu mewôé me bôte map, amu ba bene njôane wôé.

EZAYI 41:16

Wo ye seʼese mie, a évuñulu ja ye kee mie, a ôlende a ye mialane mie. Ve wo, wo ye vaʼa be Nti. Wo ye fôn e be Nyô yʼIsraél a nʼétyi été.

EZAYI 61:10

Ma ye dañe vaʼa be Nti, nleme wom wo yene mvaé a mefôn e be Zambe wom, amu a jaléya ma mengômesan me nyian; a butiya ma a ézingi zôsôô , aval ane nluʼu minga a kômesan émien ékate nlô, avale fe ane mbom wo jaé bidima mekoʼo bié.

EZAYI 65:14

Mi lôô bebo bisaé bam ba ye dañ amu mevaʼa ya nlem wop, ve mia mia ye yôn amu mintaé ya nleme wônan; a mia ye yi, nsisim ô too mia ntyaʼan.

Yo 2:23

A mia, bôte be too Siôn, muñan a mevak, amu Nti, e Zambe wônan. E suʼu ésep a lôme mia, a noo mveñ ôyôn a mveñ ésep avalʼane melu mvus.

SOFONI 3:14

Beteʼe tyiñ a yôtane ndañan a ngone Sioñ! Vaʼak a fôn a nleme wôé ôse a ngone Yérusalém!

SOFONI 3:17

Nti, e Zambe wôé, a ne e zañe jôé mbene wo nyii; a ye bo wo e beta avaʼa wé; a ye tabe évô e nyeʼane wé été asu dôé. a ye bi mefône ya ndañan asu dôé.

ZAKARI 10:7

Bôte yʼEfrayim ba ye yené ngu ane bezimbi, mevak vʼane nge be nga nyu woon. Bone bap ba ye vak éyoñe ba yene jame te, minleme miap mia ye jaé a mevak amu Nti.

METIAS 5:12

Vaʼan a fôn amu na maʼan me ne mia abui yôp. Avale te fe nde be nga tibili bekulu mejô be nga zu mia ôsu.

LUKAS 1:47

a nsisime wom ô ne njalan a mefôn amu Zambe Nyii wom,

BERÔMEÑ 5:11

A fe na, bi nto mebune be Zambe amu Nti wongan Yésus Krist, amu jôé dé, bi nga bo élat bia be Zambe.

2 Ko 13:11

A bobejañ, ma suʼulane jô mia na: Tabaʼan e mevak été, boʼon ésaé asu nkean ôsu wônan, vaʼane ngule nyô mia mia, tukaʼa boone tyiñe jia, nyiñan e mvoʼé été, a Zambe a ne nyeʼan a mvoʼé a ye tabe be mia.

EFEZE 6:10

Ma suʼulane jô na: Boʼone ngul e be Nti, a e ngule jé ja dañe ngul ése.

DEUTERONOME 12:18

Ve wo ye di mie ôsu Nti, e Zambe wôé, e vôme Nti, e Zambe wôé, a ye top, womien, ndômane jôé a ngo jôé, mbo ésaé wôé a ne fam a nyô a ne minga, e mone Lévite mia nye mi too; a wo ye vak ôsu Nti, e Zambe wôé, amu akum wo ye bi.

DEUTERONOME 16:11

a mia ye ke e vôme Nti a ye tobe na a tabe; e valé, e nda Nti, mia ye bo njalan a mevak, miabebien, a bone benan, bebo bisaé benan be ne befam a ba be ne binga, nalé fe Belévit, beyeñ, bobenyui a minkus mi too be mia.

FILIP 3:3

Amu bia bi ne mintyiʼibane metye, e bia bia kañ a Nsisime Zambe, e bia bia futi duma dangan e be Krist Yésus, a bi nji tabe biabebiene mebun.

FILIP 4:4

Vaʼane be Nti biyoñe bise; ma beta de baʼalane na, vaʼané.

FILIP 4:8

E jam ma suʼulane jô, a bobejañ, e ne na, e jam ese e ne bebela, di ese e ne éjijin, zôsôô , mfuban , di da yiane nyeʼan, da sili duma, di ba loone mbamba fulu, da yiane meseʼesaʼa, mam mete mese, bekaʼane me ane mam mia yiane bo.

1 Tes 4:1

Nde, a bobejañ, e mame bia sili a lebe mia e be Nti Yésus e mme ma: mi nga yéʼé e be bia ane mia yiane wulu na Zambe a yene mia mvaé, a nalé ate nye mia wulu. Kelan ôsu a bulu bo nalé.

1 Tes 5:16

Tabaʼane e mevaʼa été biyoñe bise.

YAKOB 1:2

A bobejañ, nyoñane meveʼele mese ma kui e be mia a mbamba nlem ,

1 Pi 3:8

Ma suʼulane jô mia na fulaʼane minlem a wulu a feʼe jia. Mi nyeʼesan ane bobenyañ, a bi minleme ya éngôngo a anyep.

1 Pi 4:13

Vʼéyoñe mia nyoñe ngap e mintaé mi Krist, vaʼan, ndemben éyoñ étôtoʼo jé ja ye kulan, mia fe mia ye vak a fôn.

2 Pi 3:1

A bidima bemvôé biam, e kalate baa ñhe ma tili mia nyô. E bebaane été, aval ane ma baʼalane mia mam, ma kômbô vumelan asimesan e ne mvoʼé e minsisime mienan été.

SAMUEL ÔSU 2:1

Anna a nga yeʼelan a jô na: Nleme wom wo vak e be Nti, Nkaʼale ô ne ma mvus amu Nti, Me ne kobô besiñe bam éngandé, Amu nyiane wôé wo ve ma avak,