ESDRAS 4:2 - Bible en langue Bulu

² be nga zu e be Zôrôbabél a bivete ya ndabôt a jô be na: Bia be mia bia ye lôñ amu bia fe, avalʼane mia, bia loon e Zambe wônan, bia tyiʼi fe nye biôm ataté éyoñe Esar-Adon njô bôte ya Asiri, nyô a nga zuu bia va.

Kalate Zambe Nnomo a Mfefe Mfefé Nkôñelan

² be nga zu e be Zôrôbabél a bivete ya ndabôt a jô be na: Bia be mia bia ye lôñ amu bia fe, aval'ane mia, bia loon e Zambe wônan, bia tyi'i fe nye biôm ataté éyoñe Esar-Adon njô bôte ya Asiri, nyô a nga zuu bia va.

ESDRAS 4:2 Iomraidhean Croise

2 Bb. 19:37

A nga bo na, meboñ me kute nye si e nda Nisrôk e zambe wé, bone bé Adramélék a Sarétsér, be nga wôé nye a nkpwaté mekôn a tup e si ya Arara. Ane mone wé Esaradoñ a nga jôô éjiane jé.

2 Bb. 17:24

Ane njô bôte ya Asiri a nga soo bôte ya Babilôn, ba ya Kuta, Ava, Amat a ba ya Sefarvayim. A nga tooé be e bitisone ya Samari, éjiane bone be Israél. Ane be nga nyoñe Samari, a tabe e bitisone bié.

2 Tim 3:8

Aval ane Yanés a Yambrés be nga tebe Môze e ngame yat, avale te fe bôte bete ba tebe benya mejôô e ngame yat; be ne bôt be bili nsisim ézezam a mbunan ô ne atek.

GALATI 2:4

Nalé a mbe amu mbia be bobenyañ be nga nyiin asoé a jeñe zene ya ndaman éto fili jangan ja so bia e be Krist a toé bia belo.

Oz 14:3

Bulaʼane be Nti mi jôʼô nye na: wo jamé minkoban! Nyoñ, ékañaʼa bia kañe wo mvoʼé !

EZAYI 37:37

Eyoñe te Senakérib, njô bôte yʼAsiri a nga kôlô a ke a bulane ke tabe Ninive.

ESDRAS 3:12

Vʼabui ya betuni, bone be Lévi a minlô ya menda me bôt mi ntoo abui mimbu, amu be nga yene ndaa ôsu, be nga yi abui éyoñ be nga bôé mimbôkaʼa ya nda éte mise map me lôô. Ve bôte bevoʼo abui be nga bete metyiñe yôbe ngu a yôtan ñyôtane ya mevak,

ESDRAS 3:2

Ane Yasua mone Yôtsadak a bobenyañe bé betuni, nalé fe Zôrôbabél mone Séaltiél a bobenyañe bé, be nga kôlô si a lôñe ataʼa metunaʼa Zambe yʼIsraél asu mimvean mi ne ngum avalʼane é ne ntilan e kalate metiñe Môze, môta Zambe.

ESDRAS 2:2

Be nga bulan ba be Zôrôbabél, Yasua, Néhémie, Séraya, Rilaya, Mardôsé, Bilkan, Mispar, Bignayi Reyum a Baana. Befam bese ya Israél be mbe ana:

ESDRAS 1:5

Nde menda me bôte ya Yuda a Bényamin, betuni a bone be Lévi, ba bese Zambe a nga fôʼô minlem, be nga kôlô si na be ke lôñe nda Nti nje é ne Yérusalém.

2 Bb. 17:41

Meyoñ mete me nga ko Nti woñ ve be nga kañe fe bengunemelane bap. Bone bap a bendaé bap ba bo ane bʼésaa bap be nga bo a zu kui môse wu.

KALATE METATAʼA 10:11

E nne Asur a nga so si éte; a nga lôñe Ninive, tisone Rehôbôt, Kala

NEHEMIE 9:32

Eyoñe jina, a Zambe wongan, Zambe a ne anen, ngul a éko woñ, wo wo baʼale élat a mvam , te yene njuʼu wo kui be bia ane mone jam: biabebien, bejô bôte bangan bebo bisaé bangan, betuni bangan, bekulu mejô bangan, a bôte bôé bese, ataté éyoñe bejô bôte yʼAsiri, a kui môse wu.

EZAYI 37:38

A nga bo na a too ke yeʼelan e nda Nisrôk, e zambe wé, nde bone bé Adramélék a Sarétsér be nga wôé nye a nkpwaté mekôn a tup e si ba loon Ararat. Ane mone wé Esar-Adon a nga jôô éjiane jé.