DANIEL 8:3 - Bible en langue Bulu

³ Eyoñ me nga bete mis, me nga yene nnôme ntômba a tele mfôm ôsôé valé, a beʼe minlaʼa mibaé. Minlaʼa mite mibaé mi mbe ôyabe yôp, ve nlaʼa wua ô dañe wu ôvoʼo ôyabe yôp, a wu ô nga dañ ôyabe yôp ñwô ô nga suʼulane kui.

Kalate Zambe Nnomo a Mfefe Mfefé Nkôñelan

³ Eyoñ me nga bete mis, me nga yene nnôme ntômba a tele mfôm ôsôé valé, a be'e minla'a mibaé. Minla'a mite mibaé mi mbe ôyabe yôp, ve nla'a wua ô dañe wu ôvo'o ôyabe yôp, a wu ô nga dañ ôyabe yôp ñwô ô nga su'ulane kui.

DANIEL 8:3 Iomraidhean Croise

DANIEL 8:20

Nnôme ntômba wo te yen a beʼe minlaʼa mibaé a ne ndeme ya bijôé ya Méde a Perse.

DANIEL 10:5

Me fombôʼô ana, nde ma yene môt éziñ a beʼe bifumulu mengômesan, kandé or é tii nye angeteñ.

ZAKARI 6:1

Me nga beta bete mis a yene ñyenane wu na: bevagoñ benyin be soʼok e zañe minkôle mibaé; minkôl mi mbe minkôle mi mvot.

ZAKARI 5:9

Nde ma bete mis a yene ñyenan: binga bebaé be zaʼak. Evuñulu é mbe é vuñuk e mefabe mab été, mefap me funaʼan ane ma me bingobingo, nde ba bete njiñelete ésua e zañe si a yôp.

ZAKARI 5:5

Engele bia nye bi mbe bi kobôʼô a nga subu a jô me na: beteʼe ñhe mis a yene jôme ja kui le.

ZAKARI 5:1

Ane me nga beta bete mis a yene ñyenane wu: mvulekane kalate ô yeleʼe.

ZAKARI 2:1

Me nga bete mis a yene minlaʼa minyin.

DANIEL 7:5

Tite baa é mbe é funaʼane Urs; é nga tebe éfase jia, mvaé éla é too nye anyu, e zañe mesôñ; be nga jô je na, é tebe a ke di abui minsôn.

DANIEL 6:28

Aval a kôté nde fe a nyii, a bo mesimba a bitua bi mam e yôp été a e si nyô. Bebela na, Nye a te nyii Daniel e biaé bengbwengbwem.

DANIEL 2:39

Mvuse jôé éjôé éfe ja ye tebe te dañe ngu anʼéjôé; wôna mvuse valé éjôé lale ja ye tebe nje ja ye bo mvot a dañe si ése.

YEREMIA 51:11

Jebane mekoñ mʼélaé, jalaʼan mimfeʼe miap! Nti a fôʼôya nsisime bejô bôte ya Beméde, amu a bili nkômban ya tyame Babilôn. Amu akunaʼa Nti le, akunaʼa ya nda Zambe jé.

EZAYI 44:28

Ma loone Sirus na: mbaʼale mintômba wom! A ye jalé minkômbane miam mise. A ye jô ajô Yérusaleme na: be betaʼa lôñe nye! A ajô nda Zambe na: be betaʼa bo mbôkaʼa yʼété.

EZAYI 21:2

angônda jam a litibaneya be ma. Njoñôlô a joñôlô, ntyame ki a tyam: Betek, a Elam! Bômaʼan a bita a Beméde! Ma mane mebune mé mese, nalé Nti a jô.

EZAYI 13:17

Me nyô, ma tindi beméde be wosane be, mbe be ne te simesan ajô argent, nalé fe or te jô be jam

ESTHE 1:3

Mbu lale ya njôane wé, ñwô a nga bo beta dina asu bivete bié, bebo bisaé bé bese, nkane bita Perse a wu ya Médi, bingok a bengovina ya mekuʼu me si;

ESDRAS 4:5

be nga kuse bôt a moné na be tuʼulan Israél ésaé. Nalé a nga boban nté ôse Sirus njô bôte ya Perse a nga vee, a kui fe éyoñe Darius njô bôte ya Perse a nga jôô.

ESDRAS 1:2

Avale di nde Sirus njô bôte ya Perse a jô na: Nti, Zambe a ne yôp, a veya ma bijôé bise ya si a a veya ma ésaé ya lôñe nye nda e Yérusalém a ne e Yuda.

1 Minkte 21:16

Nde David a nga bete mis a yene éngele Nti a tele e zañe si a yôp, nsoé nkpwaté mekône wé ô too nye wo, ô too Yérusalém e ngame yat. Nde David a bemvendé, minkuta e nyô, be nga ku mesu me butu si.

YASUA 5:13

A nga bo na Yasua a too Yérikô, nde a nga bete mis a fombô, ateme na môt a ntele nye ôsu, a bili nsoé nkpwaté mekône wo. Ane Yasua a nga subu nye bebé a sili nye na: Ye ô ne môte ya ngame jangan, ye nyô ya ngame besiñ bangan?

NLAÑANE BÔT 24:2

Ane a nga bete mis a yen Israél a maneya vule minkan avale meyoñe mé me né. Nde Nsisime Zambe ô nga too be nye.

NLITAN 5:6

Ane me nga yene Mone Ntômba a tele ézezañ éto njôan a betit benyiin, e zañe bemvendé, a funaʼane nyô a ne ñwôéban. A nga bili minlaʼa zamgbwa a mise zamgbwa me ne minsisim mi Zambe zamgbwa nlôman e si ése.

NLITAN 13:11

A me nga yene tite fe é kui e si. E nga bili minlaʼa mibaé ane Mone Ntômba, ve é kobôʼô ane dragoñ.

DANIEL 8:2

Me mbe me fombôʼô, éyoñe ñyenane te, a yen vʼane nge me ne e Suz, nlô tisone yʼéfas éjôé yʼElam. Nyenane te été, me mbe mfôm ôsôé ba loone Ulayi.