DANIEL 7:11 - Bible en langue Bulu

¹¹ Me nga ke ôsu a fombô amu nkobô mebun a zôʼé mone nlak a mbe a boʼok. Me fombôʼô, nde ba wôé tite nyini; be nga jiane mbime wé a ñwuan be nga wua je e nduan été.

Kalate Zambe Nnomo a Mfefe Mfefé Nkôñelan

¹¹ Me nga ke ôsu a fombô amu nkobô mebun a zô'é mone nlak a mbe a bo'ok. Me fombô'ô, nde ba wôé tite nyini; be nga jiane mbime wé a ñwuan be nga wua je e nduan été.

DANIEL 7:11 Iomraidhean Croise

NLITAN 19:20

Tit é nga bili baa nkulu mejô a ne minsos, nye a nga duʼu bôt be nga nyoñe ndem tit, a kañ éveʼela jé, éyoñ a nga bo mesimba ôsu vié. Bese bebaa be nga wuaban vevee atoʼo nduan da yôñ a sufre.

NLITAN 20:10

A Satan, ñwone wop, a nga wuaban ébé nduan a sufre, e fefele tit a nkulu mejô minsos. A ba ye wôʼô mintaé mi édeñelaʼa môs baa alu nnôm éto a nnôm éto.

2 Tes 2:8

Eyoñe te ñhe nsoone mbo abé wo ye yené nye Nti Yésus Krist a ye tyam a évuñulu ya anyu dé a jiane nye a éfufube ya nsoone wé.

DANIEL 7:8

Me ngenane me fombôʼô minlaʼa mite, mfefé nlak ô kuik e mi mivoʼo zañ, ve ô dañe tyôtyoé, nde wo kpwé minlaʼa milale yʼété. Mfefé nlaʼa wu ô nga bili mis ane môt, a anyu e mbe e kobôʼô nkobô mebun.

NLITAN 18:8

Amu ajô te bibubua bi ne ntiñetan mfaʼa wé, bia ye zu e be nye môse wua, e ne na: Awu, mbia ôlun zaé, a a ye diʼibane nduan. Amu Nti, Zambe nyô a tyiʼiya nye ajô a ne ngu.

DANIEL 8:25

Amu atyeñe dé, a ye kui na a duʼu bôte bevok. E mebune mé été, a ye jian abui bôt da buni na e too mvoʼé te jôme ya ko woñ, a a ye wosane njô bôte ya bejô bôt. Eyoñe te ñhe ba ye buʼu nye, môt éziñ te futi mo mé été.

NLITAN 20:12

A me nga yene miñwuan, beta a bone miñwuan, be tele asu éto njôan, a bekalate be nga kuiban. Kalate mfe a nga kuiban, kalate ényiñ, a miñwuan mi nga tyiʼibane mejô aval ane mimboone mi mame miap mi né, avale e mbe ntilane bekalate.

NLITAN 20:4

A me nga yene bito bi njôan. Nguleya tyiʼi mejô é nga veban e be bôt be nga zu tabe bie yôp. Me nga yene fe minsisime ya ba be nga wôéban amu nkañetan Yésus a ajô Zambe, a e ba be nga bo te kañe tit, nge éveʼela jé, a bo te nyoñe ndem e mvome mesu nge wo. Be nga wômô, a jôô baa be Krist tañe mimbu toyini.

YUDE 1:16

E mbe bebiene le! E ba ba kobô e menyiñ, a bikalak éyoñ ése. Ba dutuban a mbia minkômban. Menyu map ma kobô bivuvuʼu bi mam a belane bôt, ve amu mfi wop bebien.

2 Pi 2:18

Ba kobô bivuvuʼu minkobô mi too tee éfia ja wôʼé. Ba belane minkômbane miap mia dañ ôson asu ya bi e ba be ndôme tundan e nsamba bôt wo nyiñ ékotekot e melam mab été.

DANIEL 11:45

A ye lame menda bindelé me njô bôte mé e zañe mañ a nkôle ya si ya mesi ma dañ abeñ ô nʼétyi. A vôm ate nye awu da ye dilane nye, môt éziñ teke zu volô nye.

DANIEL 7:12

Wôna be nga vaa betite bevoʼo éjôé jap, ve be nga ndamé ényiñe jap nté éziñ.