DANIEL 3:4 - Bible en langue Bulu

⁴ Môt a wulu tebe yʼékôan a nga yôtane tyiñe ngule na: Mia bôt mevale mese, a minkobô mise, vôʼôlaʼan abendé di na:

Kalate Zambe Nnomo a Mfefe Mfefé Nkôñelan

⁴ Môt a wulu tebe y'ékôan a nga yôtane tyiñe ngule na: Mia bôt mevale mese, a *minkobô mise, vô'ôla'an abendé di na:

DANIEL 3:4 Iomraidhean Croise

ESTHE 8:9

Môs ôte ôbien, ngone lale ba loone Sivan é too melu mewôm mebaé a mela, be nga bañete betili bekalate be njô bôt. Be nga tili bekalate avale Mardôsé a nga liti be a lôme be e be Beyude e be bijiane bi njô bôt, e be bengovina a biwôlô bebo bisaé ya mebôta me si mewôm mebaé a zamgbwa ya si Asuérus a nga jôô, ataté Inde a kui Etiôpi. Be mbe ntilan e minkobô a mevale mintilan mi bôt be too e mebôta me si mevale meva, a e nkobô a avale ntilan Beyude be bili.

EZAYI 40:9

Ve wo Sioñ, nkate mbamba mefoé, betek e beta nkôl a dañ ôyabe yôp; wo Yérusalém, nkate mbamba mefoé, beteʼe tyiñe jôé yôp a ngul ése, beteʼe tyiñe jôé yôp a te ko woñ. Jôʼô bitisone ya Yuda na: e Zambe wônan nye nyô!

EZAYI 58:1

Yôtaʼane ngu, te siʼibi beteʼe tyiñe jôé avalʼane toñ kate bôte bam mintyamane metiñe miap, a kate nda bôte Yakob bikobe biap.

DANIEL 3:10

A njô bôt, womien ô nga ve abendé na: Môt ase a ye wôʼô tyiñe toñ, mfañ, mvet, ntyam ateba, ndeñge, éloñ, biôme ba bôm mevale mese, a yiane kumbu si a kañ éveʼela or,

DANIEL 3:3

Ajô te beta biwôlô bebo bisaé bete bese be nga sulan a tabe ôsu éveʼela asu abôʼô ya telé je ngume ntelan.

DANIEL 3:7

Ajô te awolo bôte bese be nga wôʼô tyiñe toñ, mfañ, mvet ntyam ateba, ndeñge, biôm ba bôm mevale mese, be nga kumbu si a kañ éveʼela or Nébukatnétzar njô bôt a nga telé.

DANIEL 4:1

Ma, Nébukatnétzar, me nga too nda njô bôte jame mvoʼé a mevaʼa mese.

DANIEL 4:14

Be éngele mbe ba kalane ntyiʼane wu, nalé ate bevevee bese ba ye yeme na Zambe a dañ ôyabe yôp nye a ne njôô ya bijôé bi bôt: A ve njôan e be môt ase a kômbô, môt a dañe nsilibane si, a ne bete nye a bo njôô.

DANIEL 6:25

Njô bôt nye na, be bi bôt be nga koñe Daniel; nde be nga wua be ébé bengbwengbwem ba be binga bap a bone bap. Ane bengbwengbwem be nga bi be, a bôé be bives, te na be kui ébé si.

Oz 5:11

Ba tibili Efrayim, ba buʼu nye e ntyiʼane mejô été, amu a nga bo melo ya tôñe momo.

MIKÉ 6:16

Wo baʼale memvinda me Omri, a mimboon mise nda Akab é nga bo. Mia wulu e mefeʼe mab été, ajô te ma ye bo wo ne sangaññ. Mia bôt mi too Yérusalém, mia ye bo éwovioé, a ôson wo ye bi bôte bam bese, wo ye fe bi Yérusalém.

NLITAN 5:9

Be nga bo be yiʼa mfefé jia na: Wo wo yiane nyoñe kalate ate a tyame besitam ya été, amu ô nga wôéban, a ô nga kôté asu Zambe, ba ya meyoñe mese, minkobô mise, bôte bese a mesi mese, a metyi môé.