1 Minkte 13:6 - Bible en langue Bulu

⁶ Ane David a Israél ase be nga bet e Baala, e Kiryat-Yearim ya Yuda asu ya nyoñ éwolo Zambe, Nti a too éwolo Zambe, Nti a too Bekerubime Yôp, be loʼone jôé dé valé.

Kalate Zambe Nnomo a Mfefe Mfefé Nkôñelan

⁶ Ane David a Israél ase be nga bet e Baala, e Kiryat-Yearim ya Yuda asu ya nyoñ éwolo Zambe, Nti a too éwolo Zambe, Nti a too Bekerubime Yôp, be lo'one jôé dé valé.

1 Minkte 13:6 Iomraidhean Croise

1 Bb. 8:16

ataté môse me nga vaa Israél ayoñe dam Ejipte, me nji tabe tison éziñ ézezañe meyoñ mese yʼIsraél na, be lôñe nda été e vôme jôé dam da ye tabe, ve me nga tobe David na a bo ntebʼôsu ya ayoñe dam Israél.

2 Bb. 19:15

Ezékias a nga yeʼelan e mise me Nti, a jô na: A Nti, Zambe Israél, Nyô a too e Bekerubime yôp! Wo étam ô ne Zambe, asu bijôé bise ya si nyô, wo ô nga té yôb a si,

NKÔLAN 20:24

Wo ye lôñe ma ataʼa metunaʼa a tyia e vôm wo ye ve ma mimvean mi ne ngumba, nalé fe mimvean ya ve Zambe akéva a late nye ngbwa: Beta mbam a mone mbame biyeme wôé; e vôm wo simesane jôé dam, ma ye zu e be wo a botane wo.

NKÔLAN 23:21

Tabeʼe ntyel asu dé, wôʼô nye; te bo nye na a wôʼô ôlun, amu a ye bo te jamé abé denan: Amu jôé dam e ne be nye.

NKÔLAN 25:22

Ma ye tôbane wo abame yôp, e zañe Bekerubim bebaé be tele éwolo metiñe yôp; ma ye kobô wo, nalé ma ye ve wo mebendé mam mese asu bôte ya Israél.

EZAYI 37:16

a Nti ya minsamba mewosan, Zambe yʼIsraél a too Bekerubime yôp, wo étam ô ne Zambe asu bijôé bise ya si.

NLAÑANE BÔT 6:27

Avale di nde ba ye tote jôé dam asu ya botane bone bʼIsraél, a Mamien ma ye ve be ébotane jam.

NLAÑANE BÔT 7:89

Eyoñ ése Môze a nga nyiin e nda éndelé bendôbaʼane na a laane Nti, a nga wôʼô tyiñe jé; tyiñ éte é mbe é soʼo e zañe Bekerubim bebaé a ébutaʼa éwolo é nga bili biôme yʼélate yôp. Avale te nde Zambe a mbe a kobôʼô a nye.

YASUA 15:60

Kiryat-Bal, nye a ne Kiryat-Yearim a Raba: bitison bibaé a minlame miap.

YASUA 15:9

A nné ate a nga kôlô abôbône nkôle te, a kui fe anjeñe mendim me Néftôa, a lôte fe valé a ke mfaʼa bitison ya nkôle Efroñ, nné ate a nga kui fe Bala ane jôé afe na Kiryat-Yéarim;

YASUA 9:17

Nalé bone bʼIsraél be nga ke a kui bitisone biap môse lale. Bitison bite bi ne na: Gabaoñ, Kéfira, Bérôt, Kiryat-Yéarim.

SAMUEL ÔSU 4:4

Nde be nga lôme nkane bezimbi e Silô, ane be nga soo éwolo yʼElate Nti ya minsamba mewosan a too e zañe Bekerubime yôp. Bobefam bʼEli bebaé, Ofni a Finéas, be mbe valé, ba bʼéwolo Elate Zambe.

SAMUEL ÔSU 6:21

Be nga lôme minlôman e be bôte ya Kiryat-Yearim be jô be na: Befilisteñ be sooya a éwolo Nti; Sisan a bo na é bete be mia.