1 Minkte 11:2 - Bible en langue Bulu

² Ayap é ngenane te lôt, toʼo na éyoñe Saül a nga vee, wo ô mbe ô keleʼe Israél a soo fe nye. Nti, e Zambe wôé, a nga jô wo na: Wo ye ve ayoñ Israél dam bidi, a wo wo ye liti ayoñ Israél dame zen .

Kalate Zambe Nnomo a Mfefe Mfefé Nkôñelan

² Ayap é ngenane te lôt, to'o na éyoñe Saül a nga vee, wo ô mbe ô kele'e Israél a soo fe nye. Nti, e Zambe wôé, a nga jô wo na: Wo ye ve ayoñ Israél dam bidi, a wo wo ye liti ayoñ Israél dame *zen.

1 Minkte 11:2 Iomraidhean Croise

SAMUEL BAA EJÔÉ DAVID 5:2

Ayap é ngenan te lôt éyoñe Saül a mbe njô bôte wongan, wo ô nga wulu Israél meke a meso. Nti a nga jô wo na: Wo ye ve mbame bôte wom Israél bidi, a wo ye bo nliti zene yʼIsraél.

SAMUEL BAA EJÔÉ DAVID 7:7

Vôm ase bia be bone bʼIsraél bese bi keya, ye me toteya éfia e be ayoñe da ya meyoñ yʼIsraél di me nga bendé na é ve bôte bam yʼIsraél bidi, ye me jôya na: Amu jé mi nji lôñe ma nda besédre?

1 Bb. 14:7

Kelek a jô Yérôbôam na: Avale di nde Nti, e Zambee Israél a jô na: Me nga bete wo ézezañe bôt, a telé wo évete ya bôte bam Israél,

1 Bb. 3:9

Wo yiane ve mbo ésaé wôé nlem wo yeme yemelane mam asu ya jôô bôt, asu ya kandé mvaé ba abé; za a ne nguleya jôô ayoñe bôte dôé, ayoñe bôt e ne avalʼanene di?

EZAYI 40:11

A ve mbame biyeme wé bidi, ane mbaʼale mintômba, a ye kôane bone mintômba a wo wé, a beʼe be abume dé si; a ye yaʼale beyale mintômba ba nyia bon .

EZAYI 55:4

O lôô me nga telé nye ane ngaa ya meyoñ , ane nliti zen , a jôʼô meyoñ .

YEREMIA 3:15

Ma ye ve bebaʼale mintômba, a ba nleme wom wo yene mvaé, a ba ye ve mia bidi a atyeñ, a mbamba mfasan.

MIKÉ 5:2

Ajô te Nti a ye liʼi bôte bé, nté a yange na minga a yiane biaé a biaé monafam, éyoñe te mebukaʼa bobenyañ ma ye beta zu be bone bʼIsraél.

MIKÉ 5:4

Nye a soo mvoʼé ! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye bebaʼale mintômba zamgbwa, a bivete yʼayoñ muam e ngame yat.

NLAÑANE BÔT 27:17

nyô a kui ôsu viap, a nyô a nyiin ôsu viap, nyô a bo na be kui a bo fe na be nyiin, nalé ékôane bôte Nti ja ye bo te bo avalʼane mintômba mi nji bi mbaʼale.

METIAS 2:6

Amu wo a Bétléhém, si ya Yudé ô nji dañe dañe tyôtyoé ézezañe minlô minlame ya Yuda, Amu na Njôô a ye so be wo, A ye baʼale mbame wom Israél.

YOANES 10:4

Eyoñ a maneya kulu mintômba mié mise e nseñ, a téé ñhe dulu a ke tebe ôsu, mintômba mi nga tôñe nye, amu mia yeme nye tyiñ .

SAMUEL ÔSU 16:1

Ane Nti a nga jô Samuel na: Wo ye yône Saül nté mbé ? Ma me beneya nye na a bo te beta jôô Israél. Jaléʼé nlaʼa mbone wôé a ke! Ma lôme wo e be Izayi, e Bétléhém, amu me yeneya njô bôte wom e bobefame bé été.

SAMUEL ÔSU 16:13

Ane Samuel a nga nyoñe nlaʼa mbon a woʼo nye wô ézezañe bobenyañ. Nde Nsisime Nti ô nga bi David ataté môs ôte a ke ôsu. Ane Samuel a nga kôlô a ke e Rama.

SAMUEL ÔSU 18:13

Ajô te Saül a nga vaa David bebé e vôm a nga too, a telé nye évete ya toyina bôt. David a mbe a kelek a soʼok, a too nlô ya bôt.