JOSHUA 8:20 - BUKUIT NE TILIL

²⁰ Ak kingogusgong’ bikab Ai, kogeer, ak ogeero, kitogostoi iyetab nganaset kowendi barak, ak kimata kosich kimnatet komwechi komosi anan ko komosi: koweek anyun bichu kamwee kobendi ong’atet, koweekyigei bichu kaonu.

Bukuit Ne Tilil

²⁰ Ye kingo kuskong' piigap Ai, kogeer eng' kwong'eet kotogostoi iyeto kowendi parak eng' nganaseet. Ki mata kosich kimnateet komwechi komosi anan ko komosi, amu ki week pichu kamwee kobendi surkwen koweekyigei kobookyi pichu kaonu.

BUKUIT NE TILIIL Sireet ne Dutero Kanon

²⁰ Ye kingo kuskong' piigap Ai, kogeer eng' kwong'eet kotogostoi iyeto kowendi parak eng' nganaseet. Ki mata kosich kimnateet komwechi komosi anan ko komosi, amu ki week pichu kamwee kobendi surkwen koweekyigei kobookyi pichu kaonu.

JOSHUA 8:20 Iomraidhean Croise

TAUNET 19:28

ak kitobendo kogeerot olin bo Sodom ak Gomora, agot emet tugul ne bo atebwet, ak kigeer iyeto ne bo emet kotogostoi ko u iyeto ne bo mat ne o mising’.

Kitabuutap JOB 11:20

Ago keroksei konyekab kiptengeginik, Ak betyin oret ne mwee, Ak kamang’unenywa ko meet.

TIENWOGIKAL 76:5

Kogeluul che nyigonen, kogoruiyo konuukso; Ak mami eng’ bik che kimen ne kinyor eunekwak.

ISAIAH 34:10

Magimisi kemoi anan bet; togostoi iyetanyi koigeny: egu karatia koboch ibinda age agoi ibinda age; mabunei chi yoto koigeny ak koigeny.

JOSHUA 8:19

Ak king’eetyo bichu karibistos kochok eng’ ole karibisye, ak kiruai eng’ yoto ye kingoiito Josua eunnyi, koba kochut nganaset ak konam; ak kobeel nganaset kochokyi.

JOSHUA 8:21

Ak kingogeer Josua ak Israel tugul kole kagonam nganaset bichu karibistos, ak kogeer kotogostoi iyetab nganaset, koweek anyun, ak kobar bikab Ai.

NG'ANG'UTYET 18:9

Ak rirtos ak koteeitos agobo inendet laitorinikab ng’ony, che kisokso ak kotebyei koboto inendet eng’ kaseretab tuguk, ye keer iyetab lalennyi,

NG'ANG'UTYET 19:3

Ak kimwa kogeny ne bo aeng’ kole, Haleluya. Ak togostoi iyetanyi koigeny ak koigeny.

KIRUOGIK 20:38

Ak kimi kaborunet ne kiga kichob eng’ kwenutab bikab Israel ak bik che kiribistos kele konaam iyeto ne o kotogosta eng’ nganaset.

KIRUOGIK 20:40

Ago kingotoi kotogosta iyeto ne u toloita eng’ nganaset, kogeer let Benjamin, ak ogeero, kitogostoi mat eng’ nganaset kowendi barak.

KIRUOGIK 20:41

Ak kiweek bikab Israel, ak kikwong’io bikab Benjamin: amu kigeer kole kanyonji yaitiet.