JOSHUA 6:17 - BUKUIT NE TILIL

¹⁷ Ak kitabanjin Jehovah nganasani, nganaset ak tugul che mi: kobate Rahab chepkugoniondonoto, ne kibagaktoi kosob, inendet ak tugul che mi gonnyi, amu kiuny bik che kigiyogu.

Bukuit Ne Tilil

¹⁷ Nganaseet ak tugul che mi oriitinnyi kitabaanjin Kamuktaindet ne Toroor. King'emei kobatee Rahab chepkugoniot ak tugul che mi koonnyi amu kiuny piik che ki kiyogu.

BUKUIT NE TILIIL Sireet ne Dutero Kanon

¹⁷ Nganaseet ak tugul che mi oriitinnyi kitabaanjin Kamuktaindet ne Toroor. King'emei kobatee Rahab chepkugoniot ak tugul che mi koonnyi amu kiuny piik che ki kiyogu.

JOSHUA 6:17 Iomraidhean Croise

TAUNET 12:3

Ak aberuri ichek che iberurin, ak achube agot ne sasin: ak kiberuri ortinwek tugul che bo ng’ony eng’ inye.

EZRAH 10:8

Ak age tugul ne ma nyo ko kagobata betusiek somogu, ko u ng’olyotab bounik ak boisiek, kerebe tugukyik tugul, ak kitabane tuiyetab bichoto kiga kiluul.

ISAIAH 34:6

Nyiitat korotik rotwetab chok ne bo Jehovah, kigoakwait eng’ akwaindo, eng’ korotikab arekab kechir ak ng’ororek, koboto mwanikab soromok che bo mengichik: amu tinyei Jehovah tiseiywot eng’ Bosra, ak barisiet ne o eng’ emetab Edom.

JEREMIA 46:10

Amu bo betunoto Kiptaiyat, Jehovah ne bo lugosiek, betutab yaaktaetab mugetut, si koyaaktochi inendet mugetut eng’ bunikyik: ak koamis rotwetab chok ak kobiyo, ak koeei korotikwak kobiyo: amu tinyei Kiptaiyat, Jehovah ne bo lugosiek, tiseiywot eng’ emetab murot ne bo katam ole negite ainetab Euprate.

EZEKIEL 39:17

Ee, weritab chi, mwaei Kiptaiyat Jehovah ko u ni kole: Mwachi taritik alak tugul, ak tiony age tugul ne bo timin, ilenji, Oyumge ak obwa; oyumge eng’ komosta age tugul si obwanji eng’sennyu ne aeng’wok, eng’set ne o eng’ tulonokab Israel, si kobiit oam banyek ak oee korotik.

ATEPTAP LAWIK 27:21

ago tililitu mbaranato eng’ Jehovah, ye mandoi eng’ jubilii, ko u mbaret ne kigitaban; bunjin tisiindet.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

MATAYO 25:40

Ak kowolji Laitoriat kolenji, Amwawok, iman, ale, Ko u ye kioyachi agenge eng’ tupchosiechuchuk, agot che mengechen eng’ tugul, ko kioyaiywa.

1 KORINTOEK 16:22

Ngot ko machamei chi age tugul Kiptaiyat, ko ingoek ne chubot. Maran-atha.

1 KORINTOEK 2:7

ago kimwae ng’omnatetab Jehovah eng’ ung’otiet, noto ne kigeuny, ne kiga sib kong’at Jehovah agobo torornatennyo ye kitom kobiit ng’ony:

GALATYEK 3:10

Amu tugul che mi eng’ boisionikab Ng’atutiet, komitei eng’ chubet: amu kigisir kele, Chubot chi age tugul ne matebyei eng’ tuguk tugul che kigisir eng’ bukuitab Ng’atutiet, kele koyai choto.

GALATYEK 3:12

ak ma bo Ng’atutiet kayanet; ago, Inendet ne yaei choto kosobei eng’ choto.

NG'ATUTIK 20:17

ago iwong’u kot ko mang’et; Hitik, Amorik, Kananik, Perisik, Hibik, ak Jebusik; ko u ye kigong’atin Jehovah Kamuktaindeng’ung’:

HEBRANIK 11:31

Eng’ kayanet ko ma me chepkugoniot Rahab koboto ichek che ki ngelelik, amu kiga taach segeik eng’ kalyet.

HEBRANIK 6:10

amu Jehovah, ko ma Jehovah ne ma bo iman, kot koutie boisieng’wong’ ak chamnyet ne kiobarte agobo kainennyi, ye kioboisiechini che tililen, ak kota oboisiechini.

JAKOBO 2:25

Ak ko u noto, tos kima kiityi Rahab chepkugoniot imanda agine eng’ boisionik, amu kitaach che kiga kiyokto, ak koweekta ichek kobun oret age?

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

JOSHUA 2:22

Kiba anyun bichoto, agoi tulwet, ak kotebe oloto betusiek somok, agoi koweek bichoto kiisubi ichek: ak kicheng’at ichek bichoto kiisubi eng’ oret tugul, ago manyor.

JOSHUA 7:1

Ago kiyai lagokab Israel chalwokto eng’ kit ne itabanat: amu kiib Akan weritab Karmi, weritab Sabdi, weritab Sera, ne bo bororietab Juda, tuguk alak eng’ che itabanotin, ak kilalyo neregekab Jehovah agobo lagokab Israel.

1 SAMUEL 15:3

Ui anyun nguno ak ibar Amalek, ak ing’em igesu tuguk tugul che tinyei, amat ibagakte; ago bar muren ak kwony, lakwet ak ne reriei, teta ak kechiriet, tambesiet ak sigiriet.

1 SAMUEL 15:6

Ak kimwachi Saul Kenik, kolenji, Oba oistege, ochortege oistoege Amalegik, si mabarak koboto ichek: amu kiorire lagok tugul che bo Israel, ye kitogosu komong’u eng’ Misri. Koistogei anyun Kenik eng’ Amalegik.