JOSHUA 3:16 - BUKUIT NE TILIL

¹⁶ kotononso anyun beek che bunu meto koba barak, kototen eng’ ole loo, eng’ Adam, nganaset ne negite Saretan: ak beek che kichortagei koba araraitab Araba, noto ko Araraita ne bo Munyuk, ko kiigestagei: kolanda anyun bik kolong’ji ole tokyingei Jeriko.

Bukuit Ne Tilil

¹⁶ kotononso anyun peek che punu meto koba parak. Kitoten eng' ole loo eng' Adam, nganaseet ne neegitee Zarethan, ko peek che kichoortagei kobendi araraitap Arabah, nooto po Munyuk, ko ki igestagei. Ki ilanda anyun piik kolong'ji ole tokyingei Jeriko.

BUKUIT NE TILIIL Sireet ne Dutero Kanon

¹⁶ kotononso anyun peek che punu meto koba parak. Kitoten eng' ole loo eng' Adam, nganaseet ne neegitee Zarethan, ko peek che kichoortagei kobendi araraitap Arabah, nooto po Munyuk, ko ki igestagei. Ki ilanda anyun piik kolong'ji ole tokyingei Jeriko.

JOSHUA 3:16 Iomraidhean Croise

TAUNET 14:3

Kiiyomogei chuto tugul eng’ atebwetab Sidim (noto ko Araraita ne bo Munyuk).

1 LAITORINIK 4:12

Baana weritab Ailud, eng’ Taanak ak Megido, ak Bet-sean tugul ne negite Saretan, ne mi atebwetab Jesreel, koboch Bet-sean agoi Abel-meola, agoi koit bitetab Jokmeam:

1 LAITORINIK 7:46

Kiyai laitoriat tuguchoto eng’ atebwetab Jordan, eng’ ole mi menet eng’ kwenutab Sukot ak Saretan.

TIENWOGIKAL 114:3

Kigeer nyanjet inendet, ak kimwei; Kigiweekta Jordan kwo let.

TIENWOGIKAL 114:5

Amin nee, ee nyanjani, kot imwei? Amin nee, inye Jordan, kot iweeige let?

TIENWOGIKAL 29:10

Tebe Jehovah maranet ko u laitoriat; Ee, tebyei Jehovah kolaitorani koigeny.

TIENWOGIKAL 33:7

Iyumi beekab nyanjet koigei tulwo: Ak konore rirosiek chogenik.

TIENWOGIKAL 66:6

Kiwal nyanjet koek emet ne yaamat: Kilandae ainet kobunei kelyek. Kigiboiboitu eng’ inendet eng’ oloto.

TIENWOGIKAL 74:15

Kiigerer kong’ikab beek ak ainosiek: Kiitenyi ainosiek che kirootei agoi.

TIENWOGIKAL 77:19

Kimi oreng’ung’ nyanjet, Ak kimi ortinweguk beek che kimen, Ak kimanaak tiegutiguk.

TIENWOGIKAL 78:13

Kipcheune aeng’ nyanjet, ak kogochi kolandae; Ak kiigochi beek kototenso konamgei.

KOMONG'U 14:21

Ak kichuul Musa eunnyi kotokyi nyanjet; ak kiiyok Jehovah usonet ne bunu kong’asis kous kemout komugul, koweekta nyanjet kwo let, ak kipcheigei beek.

KOMONG'U 14:22

Ak kiba lagokab Israel kobun emet ne yaamat eng’ kwenutab nyanjet: ak kitoten beek eng’ komostab tai ak eng’ komostab katam.

KOMONG'U 14:29

Ago kibun lagokab Israel emet ko kagoyaam eng’ kwenutab nyanjet; ak kitoten beek eng’ komosi ak komosi.

KOMONG'U 15:8

Ak kiiyumgei beek amu kimnatetab kabuset ne bo seruneguk, Kitononso beek kototen; Kinamgei beek kouuegitu eng’ nyanjet kwen.

ISAIAH 50:2

Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

EZEKIEL 47:8

Kilenja anyun, Bendi beechu kotokyingei emet ne mi kong’asis, ak kochortagei koba Araba, ak koba kotokyigei nyanjet; bendi nyanjet beechoto kiging’at komong’; ak kianyiny beekab nyanjet.

NAHUM 1:4

Kere kong’ nyanjet, ak koyaami, ak kotenyi ainosiek tugul: nyaluli Basan, ak Karmel, ak kores taptetab Lebanon.

HABAKUK 3:8

Tos kinerekyi Jehovah ainosiek? Tos kinyo nereknateng’ung’ agobo ainosiek, Anan agobo nyanjet, Kot ilany mbartanyisieguk, Ak ilany karisieguk che bo luget che bo yetunet?

KAITOSYEK 34:3

bochitu anyun komostang’wong’ ne bo murot ne bo tai kong’eete ong’atetab Sin korob tabandab Edom, ak kobochit kiwoteng’wong’ ne bo murot ne bo tai kong’eete tabandab Araraita ne bo Munyuk ne tokyingei kong’asis:

NG'ATUTIK 1:1

Chu Ng’alek che kimwachi Musa Israelik tugul eng’ Jordan bitonin eng’ ong’atet, eng’ Araba ne tokyingei Sup, kwenutab Paran, ak Topel, ak Laban, ak Haserot, ak Di-sahab.

NG'ATUTIK 3:17

ak Araba agine, ak Jordan koboto kiwotennyi, koboch Kineret agoi araraita ne mitei Araba, ak Araraitab Munyuk, ne mitei kelutab Pisga ole tokyingei kong’asis.

JOSHUA 12:3

ak Araba agoi nyanjetab Kinerot, ne tokyingei kong’asis, kot koit nyanjetab Araba, ne noto Araraita ne bo Munyuk, ne tokyingei kong’asis, oret ne wendi Bet-jesimot; ak eng’ murot ne bo tai, eng’ chepkeigeusiekab Pisga kel:

JOSHUA 15:2

Kibochit kiwotenywa ne bo murot ne bo tai tabandab Araraita ne bo Munyuk, koboch nyanjet ne kiluktogei ne kitokyingei murot ne bo tai:

JOSHUA 16:7

ak kichortagei eng’ Janoa kwo Atarot, agoi Nara, kot koit Jeriko, ak komanda eng’ Jordan.

JOSHUA 3:13

Ak ye tononie kelyekab tisiik che ibei moingetab Jehovah, Kiptaiatab ng’ony komugul, beekab Jordan, kopcheigei anyun beekab Jordan, ak kotononso beek che bunu meto kototen.

JOSHUA 4:22

Oborji anyun lagokwok konai, olenji, Kilong’une Israel Jordanini ko kagoyaam.

JOSHUA 5:1

Ak ye kingogas laitorinik tugul che bo Amorik, che kimi komostab cherongo eng’ Jordan, ak laitorinik tugul che bo Kananik, che ki negite nyanjet, kole kiyai Jehovah beekab Jordan koyaamnyo eng’ taitab lagokab Israel, agoi kelong’u, kobek mugulelwekwak, amata kong’et nyiganatet eng’ ichek, amu lagokab Israel.

KIRUOGIK 7:22

Ak kiguut igondisiechoto bogol somok, ak kogochi Jehovah kobar chi age tugul chito ne kaonei, ak kobargei ak luget tugul: ak kimwei luget kot koit Bet-sita kotokyigei Serera, kot koit kiwotetab Abel-meola, ole negite Tabat.