JOSHUA 3:1 - BUKUIT NE TILIL

¹ Kong’eet anyun Josua karon mising’, ak kiba eng’ Sitim, agoi koit Jordan, inendet ak lagokab Israel tugul; ak kiruiyo yoto kotom kolanda.

Bukuit Ne Tilil

¹ Kong'eet anyun Joshua karon miising', ak koba eng' Shitim agoi koit Jordan, `ineendet ak piigap Israel tugul. Kiruiyo yooto kotom kolanda.

BUKUIT NE TILIIL Sireet ne Dutero Kanon

¹ Kong'eet anyun Joshua karon miising', ak koba eng' Shitim agoi koit Jordan, `ineendet ak piigap Israel tugul. Kiruiyo yooto kotom kolanda.

JOSHUA 3:1 Iomraidhean Croise

TAUNET 21:14

Ak king’eet anyun Abraham karon mising’ ak kiib amitwogik ak sotet ne bo beek, kogochi Hagar ak lakwet, ak kiindechi tigikyennyi, ak kilenji, Ui, anyun: ak kiwa anyun, koombenot eng’ ong’atetab Beer-Seba.

TAUNET 22:3

Ak king’eet Abraham karon mising’ komusta, ak kiito kit ne kitebe eng’ sigiriennyi si kobiit kolany, ak kiimut murenik aeng’ eng’ che kitinyei, koba koboto inendet, ak Isak werinnyi; ak kibet kwenik che bo kagochinet ne kibeelei, yeityo koba ole kiga koarorji Kamuktaindet.

TIENWOGIKAL 119:60

Kiachokyi, kimagage, Asub ng’atutiguk.

JEREMIA 25:3

Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas.

JEREMIA 26:5

ogas ng’alekab otwogikyuk maotik, che ayokwok, ang’eete karon mising’ ak ayokwok, ago kima ogas;

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

MIKAH 6:5

Ee bikyuk, obwat ne kisom Balak laitoriatab Moab, ak kit ne kiwolji Balaam weritab Beor inendet; obwat koboch Sitim agoi Gilgal, si kobiit onai boisionikab iman che bo Jehovah.

KAITOSYEK 25:1

Ak kimeny Israel Sitim, ak kitoi koipgei ak tibikab Moabik;

MARIKO 1:35

Ak karon mising’ kota koimen, kong’eet ak komanda sang’, kwo surkwen, kwo kosa eng’ oloto.

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

JOSHUA 6:12

Ak king’eet Josua karon mising’, ak koib tisiik moingetab Jehovah.

JOSHUA 6:15

Ak eng’ betut ne bo tisab, kong’eetyo karon inne, ko kairir emet, ak komuut nganaset ko u noto konyil tisab: betut noto kityo ne kiyiem nganaset konyil tisab.

JOSHUA 7:16

Kong’eet anyun Josua karon inne, ak komut Israel korik kobee bororiosiekwak; ak kiginam bororietab Juda:

JOSHUA 8:10

Ak king’eet Josua karon mising’ ak koyum bik, ak kotogosta, inendet ak boisiekab Israel, kondoe bik koba Ai.

KIRUOGIK 20:19

King’eetyo anyun lagokab Israel karon, ak koteech ye tokyingei Gibea.

1 SAMUEL 17:20

Ak king’eet Daudi karon mising’, ak kobagakyi kechirek ribindet, ak kiib tuguchoto ak kwo, ko u ye kiga ng’at Jesii; ak kiit ole mi karisiek, ye kiwaachei luget agobo boriet, komachei komanda koba koyai luget.