JOSHUA 22:9 - BUKUIT NE TILIL

⁹ Ak kiweek lagokab Reuben ak lagokab Gad ak kebebertab bororietab Manase, koba eng’ ole mi lagokab Israel komanda eng’ Silo, ne mi emetab Kanan, koba emetab Gilead, emet ne nenywa, ne kiga konam kobunji, ko u ng’atutietab Jehovah eng’ eutab Musa.

Bukuit Ne Tilil

⁹ Ki week anyun lagogap Reuben, lagogap Gad ak kebebertap pororyetap Manasseh, koba eng' ole mi piigap Israel komanda eng' Shiloh, ne mi emetap Kanaan koba emetap Gilead, emet ne nenywa, ne kiga konam kobunji ko uu ng'atuutyetap Kamuktaindet ne Toroor eng' eutap Musa.

BUKUIT NE TILIIL Sireet ne Dutero Kanon

⁹ Ki week anyun lagogap Reuben, lagogap Gad ak kebebertap pororyetap Manasseh, koba eng' ole mi piigap Israel komanda eng' Shiloh, ne mi emetap Kanaan koba emetap Gilead, emet ne nenywa, ne kiga konam kobunji ko uu ng'atuutyetap Kamuktaindet ne Toroor eng' eutap Musa.

JOSHUA 22:9 Iomraidhean Croise

2 SAMUEL 2:9

kiinde inendet koek laitoriat koboi Gilead, ak koboi Ashurik, ak Jesreel, ak Epraim, ak Benjamin, ak koboi Israel tugul.

1 ATEPTAP PEETUUSYEK 5:9

ak kimeny kotokyigei kong’asis agoi ye kimandoe kebendi ong’atet koboch ainetab Euprate: amu kitesogis tukwak eng’ emetab Gilead.

TIENWOGIKAL 60:7

Nenyu Gilead, ak nenyu Manase; Epraim agine ko kimnatetab metinnyu: Juda ko siarinnyu ne bo laitornatet.

KAITOSYEK 32:1

Kitinyei akwotisiek che chang’ mising’ lagokab Reuben ak lagokab Gad: ak ye kingogeer emetab Jaser, ak emetab Gilead, kole, ogeero, emet ne bo akwotisiek;

KAITOSYEK 32:20

Ak kilenji Musa ichek, Ngoyai ko u nito, olaach karik obe luget eng’ taitab Jehovah,

KAITOSYEK 32:22

Ak kiterter emet eng’ taitab Jehovah: oweege anyun, ak oegu che matinyei tengek eng’ taitab Jehovah anan eng’ Israel; ak kobunjok emoni eng’ taitab Jehovah.

KAITOSYEK 32:26

Tebe nganasokab Gilead lagokyok, ak osotikyok; ak tukyok, ak che kiyagi tugul:

KAITOSYEK 32:29

Ak kilenji Musa, Ngolandae tugul Jordan koboto lagokab Gad ak lagokab Reuben, chi tugul ne kagolaach karikab luget, si kwo boriet eng’ taitab Jehovah, ak kiterter emet eng’ taing’wong’; ogochi anyun ichek emetab Gilead kobunji:

NG'ATUTIK 3:18

Ak kiang’atak betunoto alenjok, Kigogonok Jehovah Kamuktaindeng’wong’ emoni kobunjok: olande ko kaolaach karik, ondoe tupchosiekwok lagokab Israel, okwek tugul che bo luget.

NG'ATUTIK 3:20

agoi kogochi Jehovah tupchosiekwok kamuung’et, ko u okwek, ak konyaban ichek emet ne igochin Jehovah Kamuktaindeng’wong’ eng’ Jordan bitonin: yeityo oweege anyun chi tugul ole mitei tugukyik che kiagonok.

NG'ATUTIK 34:1

Kitogosta Musa eng’ warengetab Moab, kwo tulwetab Nebo, agoi baragutab Pisga, ne tokyingei Jeriko. Kiiborji Jehovah inendet emet komugul ne bo Gilead, agoi Dan;

JOSHUA 13:11

ak Gilead, ak kiwotetab Gesurik ak Maakatik, ak tulwet tugul ne bo Hermon, ak Basan tugul agoi Saleka;

JOSHUA 13:25

Ak kiwotenywa ko ki Jaser, ak nganasok tugul che bo Gilead, ak kebebertab emetab lagokab Amon, agoi Aroer ne mi taitab Raba;

JOSHUA 13:31

ak kebebertab Gilead, ak Astarot, ak Edrei, nganasok che eechen che bo bororietab Og eng’ Basan, kibunji chuto lagokab Makir weritab Manase, kebebertab lagokab Makir ko u ortinwekwak.

JOSHUA 22:10

Ak kingoit emet ne negit Jordan, ne mi emetab Kanan, lagokab Reuben ak lagokab Gad ak kebebertab bororietab Manase, koteech eng’ oloto kaptisisiet ye bo Jordan, kaptisisiet ne o ne toogu.

KIRUOGIK 20:1

Kimanda anyun lagokab Israel tugul, ak kiiyumgei tuiyet koigei chichak, koboch Dan agoi Beer-seba, koboto emetab Gilead, koyumjigei Jehovah eng’ Mispa.

KIRUOGIK 5:17

Kimeny Gilead Jordan bitonin: Ak Dan, ko kilya si kotebi eng’ melisiek? Kiteb Aser kosisyigei eng’ ngegutab nyanjet, Kimeny ole negite luukwekab beekyik.