JOSHUA 22:25 - BUKUIT NE TILIL

²⁵ Amu kiyai Jehovah Jordan koek kiwotennyo ak okwek, okwek lagokab Reuben ak lagokab Gad; motinye kebeberta eng’ Jehovah; koyai anyun lagokwok lagokyok kobagakta kaiyweet ne iywei Jehovah.

Bukuit Ne Tilil

²⁵ Amu ki yai `Kamuktaindet ne Toroor Jordan koek kiwotennyo ak okweek lagogap Reuben ak lagogap Gad. Motinye kebeberta eng' Kamuktaindet ne Toroor, koyai anyun lagokwok lagokyok kobagaakta kayweet ne iywei Kamuktaindet ne Toroor.

BUKUIT NE TILIIL Sireet ne Dutero Kanon

²⁵ Amu ki yai `Kamuktaindet ne Toroor Jordan koek kiwotennyo ak okweek lagogap Reuben ak lagogap Gad. Motinye kebeberta eng' Kamuktaindet ne Toroor, koyai anyun lagokwok lagokyok kobagaakta kayweet ne iywei Kamuktaindet ne Toroor.

JOSHUA 22:25 Iomraidhean Croise

2 SAMUEL 20:1

Ak kibiit eng’ yoto chi ne bo Belial, ne kainennyi ko ki Sheba, weritab Bikri, Benjaminindet: ak kiguut iriaget, ak kole, Magitinye kebeberta eng’ Daudi, ama kitinye borotet eng’ weritab Jesii: ingwo chi tugul emaisiekyik, ee Israel.

1 LAITORINIK 12:16

Ak kingogeer Israel tugul kole, mata kogasyi laitoriat ichek, kowolji bik laitoriat, kolenji, Nee kebeberta ne ketinye eng’ Daudi? Ama kitinye borotet eng’ weritab Jesii: oba emaisiekwok, ee Israel: rib gong’ung’ anyun Daudi. Koba Israel anyun emaisiekwak.

1 LAITORINIK 14:16

Ak metoi Israel amu tengekwogikab Jeroboam, che kiyai inendet, che kiibeete Israel si koyai tengekto.

1 LAITORINIK 15:30

amu tengekwogikab Jeroboam che kiyai, che kiibeete Israel si koyai tengekto; amu taget ne kitach Jehovah, Kamuktaindetab Israel, si konerech.

NEEMIA 2:20

Kiawolji anyun ichek alenji, Iberurech Kamuktaindetab kipsengwet; noto anyun king’eetosi achek otwogikyik ak keteech: ago okwek, ko motinye kebeberta, amotinye kiy ne oyaache, anan kabwatet, eng’ Jerusalem.

TIENWOGIKAL 16:5

Jehovah ko kebebertab borotennyu ak ne bo kikombennyu: Iname barbariandennyu.

POISYONIGAP CHE KIYOKTOI 8:21

Metinye kebeberta anan motwet eng’ ng’olyondoni: amu ma mie muguleldang’ung’ eng’ taitab Jehovah.

JOSHUA 22:24

anan ngot ko kigiyai kii eng’ ribetab ge, agobo kiy, kele, Manai chi ngot ko tun ng’alaljin lagokwok lagokyok eng’ betusiek che bwanei, kole, Oting’ege nee ak Jehovah Kamuktaindetab Israel?

JOSHUA 22:26

Noto anyun ko kogimwa kele, Ongechoboge keteekyige kaptisisiet, ne ma bo kagochinoik che kibeelei, anan ko tiseiywek:

JOSHUA 22:27

ago si koek baornatet eng’ kwenunnyo, achek ak okwek, ak kwenutab ibinwek che biitu let eng’ achek, si kobiit keyai boisietab Jehovah eng’ tainnyi eng’ kagochinoikyok che kibeelei, ak eng’ tiseiywekyok, ak eng’ kagochinoikyok che bo kalyet; si matun lenji lagokwok lagokyok eng’ betusiek che bwanei, Motinye kebeberta eng’ Jehovah.

1 SAMUEL 26:19

Noto anyun, asomin ale, ingogas kiptaiyandennyu laitoriat ng’alekab otwogindennyi. Ngot ko Jehovah ne kiing’eetin iyaiywa ne ya, ko ingotaach inendet kagochinet: ago ngot ko werikab bik, ko ingoek ichek che chubotin eng’ taitab Jehovah; amu kagoona ichek rani si ma kinamge ak bororietab Jehovah, kolen, Ui iot kanamonik.