JOSHUA 1:6 - BUKUIT NE TILIL

⁶ Kimitu ak inyiganitu: amu igochini bichu konam emet ne kiayosiechi kwanisiekwak ale agochini.

Bukuit Ne Tilil

⁶ Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

BUKUIT NE TILIIL Sireet ne Dutero Kanon

⁶ Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

JOSHUA 1:6 Iomraidhean Croise

TAUNET 12:7

Ak kimong’ji Jehovah Abram, ak kolenji, Agochini iyoteng’ung’ emoni: ak kiteekyi kaptisisiet Jehovah, ne kimong’ji inendet.

TAUNET 26:3

egu toondet eng’ emoni, ami koboten, ak aberurin; amu agonin inye, koboto lagoguk, emotinwechuto tugul, ak agimit kayosiet, ne kiayosiechi kwandang’ung’ Abraham;

2 SAMUEL 10:12

Nyiganitu, ingeegu murenik agobo bikyok, ak nganasokab Kamuktaindennyo: ak ingoyai Jehovah ko u ye keerei kole mie.

1 LAITORINIK 2:2

Kawe oret ne bendi bik tugul che bo ng’ony: kimitu anyun, ak iegu muren.

1 ATEPTAP PEETUUSYEK 22:13

Ibor anyun, ngot irib iyai ng’atutik ak kiruogutik che kiiyomis Jehovah Musa agobo Israel: kimitu, nyiganitu; ameiywei, anan itoptoben.

1 ATEPTAP PEETUUSYEK 28:10

Ripge anyun; amu kigolewenin Jehovah iteech got ne bo ole tilil: kimitu anyun, ak iyai.

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 15:7

Ago ogimegitu, among’ kochorirenso eunekwok: amu onyoru melekto eng’ boisionikwok.

2 ATEPTAP PEETUUSYEK 20:11

keer anyun-o, ole kagogeerundawech, kobwa komaandech eng’ boroteng’ung’, ne kiigonech kobunjech.

2 ATEPTAP PEETUUSYEK 20:7

Tos ma ion inye, ee Kamuktaindennyo, bik che kimenyei emoni eng’ taitab biguk Israel, ak igochi kobunji iyotetab Abraham chorueng’ung’ koigeny?

TIENWOGIKAL 27:14

Ingen Jehovah: Kimitu, ingonyiganit muguleldang’ung’; Ee, ingen Jehovah.

DANIEL 10:19

Ak kile, Ee inye, chito ne i chamat mising’ ameiywei: ingotebenen kalyet, kimitu, ee kimitu. Ak kingong’alalwa, agimitu anyun, ak kiale, Ingong’alal kiptaiyandennyu; amu kaigimita.

HAGGAI 2:4

Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

SEKARIA 8:9

Mwaei Jehovah ne bo lugosiek ko u ni kole: Ingogimegitu eunekwok, okwek che ogase ng’alechu eng’ betusiechu eng’ maotik, che kimi eng’ betut ne kigiluumei lumeiywotab gotab Jehovah ne bo lugosiek, noto ko hekalut, si keteech.

KAITOSYEK 26:53

Kipchechin emet chuto koek borotet ko u koitetab kainaik.

KAITOSYEK 33:53

ak onam emet kobunjok, ak omeny: amu kiagonok emonoto kobunjok.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

EPESOEK 6:10

Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

NG'ATUTIK 1:21

Ogeero, kagonde Jehovah Kamuktaindeng’ung’ emet taing’ung’: togoste anyun, nam kobunjin, ko u ye kimwaun Jehovah Kamuktaindetab kwanisieguk; ameiywei, anan iarogen.

NG'ATUTIK 1:8

Ogeero, kande emet taing’wong’: omong’ji anyun kobunjok emet ne kiiyosiechi Jehovah kwanisiekwok, Abraham, Isak, ak Jakobo, kole igochin ak iyotenywa ne biitu let.

NG'ATUTIK 11:8

Orib anyun ng’atutiet komugul ne kaang’atak rani, si ogimegitu, si oit emet ne obendi oname kobunjok;

NG'ATUTIK 31:23

Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.

2 TIMOTEO 2:1

Kimitu anyun, lakwennyu, eng’ mieindo ne mitei eng’ Kristo Jesu.

JOSHUA 1:18

Chi age tugul ne kabistoe ng’atutieng’ung’, ama epchi it ng’aleguk eng’ tugul che ing’ate inendet, kebarei: ago kimitu inye, ak inyiganitu mising’.

JOSHUA 1:7

Ago kimitu ak inyiganitu mising’, si irib iyai ko u ng’atutik tugul, che king’atin otwogindennyu Musa: amemaste iwe eutab tai anan ko katam, si kobiit kiberurin mising’ eng’ oldo tugul ole iwendi.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

JOSHUA 10:25

Ak kilenji Josua ichek, Amoiywei, anan otoptoben; ogimegitu ak onyiganitu: amu yachin ko u noto Jehovah bunikwok tugul che obarege.

JOSHUA 13:6

bik tugul che menyei emetab tulonok koboch Lebanon kot koit Misrepotmaim, agot Sidonik tugul; aone ichek koba eng’ taitab lagokab Israel: ago igochi Israel koek borotenywa, ko u ye kiang’atin.

JOSHUA 18:3

Ak kilenji Josua lagokab Israel, Ogaige kot kotianit si onam emet, ne kigonok Jehovah Kamuktaindetab kwanisiekwok?

JOSHUA 21:43

Kiigochi anyun Jehovah Israel emet tugul ne kiiyosiechi kwanisiekwak kole tun igochin; ak kinam kobunji, ak komeny;

JOSHUA 5:6

Amu kibendat lagokab Israel eng’ kenyisiek artam eng’ ong’atet, agoi kobek bororiet tugul, che ki murenikab luget che kimong’une Misri, amu ma kas it kutitab Jehovah: che kiga koyosiechi Jehovah kole machamjin ichek kogeer emet ne kiga koyosiechi Jehovah kwanisiekwak kole konech, emet ne nyiitat chego ak kumik.

1 SAMUEL 4:9

Ogimegitu, ak oegu murenik, ee okwek Pilistik, si moegu otwogikab Hebranik ko u ye ki otwogikwok ichek: oegu murenik anyun, ak oyai luget.