Matthieu 7:13 - Mina ma Nzambe 1947

¹³ Bokolaka ekuki a kongele, tonga manè ma kungungu edi manè m’ichumbana, ko bato bakama batambole o mango.

Matthieu 7:13 Iomraidhean Croise

Matthieu 23:13

Beni bato ba bokièngu ba mikanda na bapharisien, beni bodi na manya, ikambi tita na beni, tonga beni bodiphe bato bokonchi b’ikolo. Tonga na beni makoncha okola o ch’a bwango ka, na bato bango badi o manè ma bwango beni ophinchola bango ka.

Matthieu 25:41

Mwango toloba dyòkò na bango badi ebòkò èwèchè a mwango: ”Bolangwa o ma nga beni bato ba matoma mabe, bokiè o meya m’itenela, echoko elòngibaki tonga na molèmba na bangelo ba wango.

Matthieu 25:46

Bato ba takiè o ichèbo biteneli, ko, bato banyòngò takiè o bomwè butenela.”

Matthieu 3:2

alobaki bwe: ”Boyenche mitema ma beni, tonga bokonchi b’ikolo boya mpoli.

Matthieu 3:8

Eleki enyòngò bobota mpuka inyòngò, dyango idi na bato bayenchaki mitema.

Matthieu 7:14

N’ekuki a kongele na manè ma kongele mapholize bato o bomwè, edwe mango ko bato baki phencha.

Mina minyòngò myango Saint Luc akòtèki 14:33

Kobona moto ikika o phanyak’a beni adi okakwa na beka ba wango bichò ka, wango oyicha bodyale moyekoli a nga ka.

Mina minyòngò myango Saint Luc akòtèki 9:33

Okomo baphele bakakwaki na wango, Pierre alobaki na Jésus bwe: ”Mokuba, edi enyòngò bèni bodyale owoni, tika bèni botonge mandako machato, yena a kò, yena a Moïse na yena a Elie”, na wango aboyeba mawò mango wango koncha alobaki ka.

Jean 10:9

Nga edi muna ma ndako; koncha wango ekole o nga wango tachungiba, na wango tatuba o dindo na takola o cha mwe, na tadwa bekidya.

Jean 14:6

Jésus ayambolaki wango bwe: ”Nga edi manè, na nènè na bomwè, Mo nga twa, edi moto nyò mò iyicha bophole o ma Chango twa.

Matoma ma Bapôtres 3:19

Boyambaka eyubi tonga na machuma ma beni, na boyenchaka mitema ma beni, tika machuma ma beni maphanchibe.

Baromain 9:22

Ko, mo Nzambe adingaki bodikize ibèli a wango na chwa a wango, na wango anèkizaki mambeya m’ibèli na ndèphe ekama, mango mayemibaki tonga n’idyobo, owana kò tòloba bwe nde?

2 Corinthien 4:4

Tonga nzambe a che abiyindiza mitema ma bakoncha bango badi ochingana ka, na kobona bango badi oyènè phololo yango etube tonga na mina minyòngò ma botochibe ba Christ, koncha wango adi elenge a Nzambe, ka.

2 Corinthien 6:17

Nzambe alobe bwe: ”Bokakwa na bango, na bolangwa o ma bango, na tokulanake n’èyeka a mbindo, owana nga tayamba beni,

Galate 5:24

Bakoncha bango badi bè Jésus Christ babikòtè baphongo na beka byango nchoto iyenge awèchinye.

Philippien 3:19

bochukele ba bango bodi bodyoboki, mwe modi nzambe a bango, botochibe ba bango bodi o ch’a choni a bango, na bango bachingane ko beka ba che phencha.

1 Jean 5:19

Bèni boyebe bwe, bèni bodi elòngò a Nzambe na ch’echò edi o mabòkò ma molemba.

Bimwa 12:9

Dragon monè mokoto ma mochèmè etangibe bwe, Molemba, na Satana, bawuchaki wango o che, koncha wango elenguze bato bachò, bawuchaki wango o che elongo yò na bangelo ba wango.

Bimwa 13:8

Na bakoncha bango babèki makombo o mokanda ma Mwan’a gbata wango ebomibaki o bophotiche ba che twa, bango tachambela ko wango.

Bimwa 20:15

Na koncha wango ebokòtiba kombo a cha buku ba bomwè ka, tabwaka wango o ch’ibela a meya mitenela.

Bimwa 20:3

N’awuchaki wango o ch’ibela a meya mitenila, n’adiphaki dyango, n’atikaki ndembo o ekuki a ibela, yango ebèki ikolo na wango, mòchi wango adyale dyò bolenguza bato ka, kokoko ncho o baphela motuku talekana; na chima wango taphinchwiba dyòkò elembe eki.