Matthieu 6:9 - Mina ma Nzambe 1947

⁹ Echoko beni toyonga kobona yango: Chango a banga adi ikolo. Tika kombo a kò etochibe.

Matthieu 6:9 Iomraidhean Croise

Matthieu 10:29

Bato badi otèkiza ndèlèkè ibale ikota iki ka? Na mondèlèkè nyò mò oyicha bokwe o che ka, mo Chango a beni ochimita ka.

Matthieu 23:9

Beni, totangake moto nyò mò o che woni: Daye a banga, tonga Chango a beni edi ko mò phencha, wango adi ikolo.

Matthieu 26:29

Ko, nga lobe na beni bwe: Kinòwa dyò ngo nywa mpuk’a vigne ka, kokoko ncho bucha, bwango o nga tanywa dyango etemu na beni o bokonchi ba Chango a nga.”

Matthieu 26:42

Jésus akièki makiè mabale, achambelaki, alobaki bwe: ”Daye, mo buku bu oyicha bomichibe o nch’a nga ka, mo edi kokomo bwe, nga nywe bwango, owana tika bodingo ba kò bokielibe.”

Matthieu 5:16

Kobona bololiza mwenda ma beni o bocho ba bato, tika bango bayènè matoma manyòngò ma beni, na batoche Chango a beni ikolo.

Matthieu 5:48

Bodyalaka n’echwa ko Chango a beni ikolo adi n’echwa bona.”

Matthieu 6:14

Tonga mo beni bophè bato ba matoma mabè pardon, nà Chango a beni ikolo taphè beni pardon dyòko.

Matthieu 6:6

Ko, o k’òchambele, kola ndako a kò, odiphe ekuki a kò na chambela Chango a kò o yiche, na Chango a kò ayènè o yiche tawuta kò.

Matthieu 7:11

Kobona beni bato babè, mo beni boyebe bophè bana ba beni beka binyòngò, mo beni boyonge Chango a beni ikolo, wango tiphè beni beka bilèki bonyòngò?

Mina minyòngò myango Saint Luc akòtèki 15:18

Nga dinge bolangwe na nga takiè o ma chango a nga, na nga taloba na wango bwe: Daye, nga bikiela machuma o bocho b’ikolo n’o bocho ba kò.

Mina minyòngò myango Saint Luc akòtèki 15:21

Ko, mwan’a bole alobaki na wango bwe: ”Daye, nga bikiela machuma o bocho b’ikolo n’o bocho ba kò, nga di onyè n’itangiba mwan’a bole a kò dyòkò ka.”

Mina minyòngò myango Saint Luc akòtèki 2:14

”Tika Nzambe atochibe ikolo, Na phi edyale na bato batoche wango o che owoni.”

Jean 20:17

Jésus alobaki na bango bwe: ”Tokulanake na nga, tonga nga chaka okiè o ma Chango o ikolo ka. Ko kiè o ma banyango ba nga ba baphele, ochakola bango bwe. Nga na kiè o ikolo o ma Chango, a nga na o ma Chango a beni, o ma Nzambe a nga, na o ma Nzambe a beni.”

Baromain 1:7

Nga, Paul, nga bèche badingibi na Nzambe bachò bango badi o Rome, bakoncha bango batangibe b’èchwa. Tika grâce edyale na beni na phi a Nzambe Chango a bèni, na Mokonchi Jèsus Christ.

Baromain 8:15

Beni boboyamba eyaye a botamba a bobo ka, ko, beni bobiyamba eyaye yango edikize ndembo a bomwana, bèni bobelele o ch’Eyaye yango bwe: Abba Chango!

Galate 1:1

Paul apôtre, ko odyala o nch’èbati a bato ka, na odya tonga na moto nyò mò ka, ko o nch’èbati a Jésus Christ na Nzambe phencha, Chango, koncha ewumuzaki wango otete a bato bawaki,

Galate 4:6

Edi tonga beni bodi bana echoko Nzambe atindaki Eyaye a Mwan’a bole a wango o cha mitema ma beni yango, tonga n’ilobiza beni bwe: Abba! Daye!

1 Timothée 6:16

bomwè butenela bodi ko na mwango phencha, mwango modyale o ch’a phololo, yango bato badi oyicha bochukane mpoli na yango ka, koncha wango moto nyò mò o phanyak’a bato ach’oyènè ka, oyicha nyò boyènè ka, tika mwango modyale na nguli na botochibe biteneli Amen.

1 Pierre 1:17

Mo beni bochambele ko Chango bona, koncha wango edi odyala na kachelanga na moto ka, n’achambe moto ikika botòtè ko matoma ma wango madi bona, kobona bodyalaka o ch’a bobo o bobiko bwango beni bodi b’èyenda,

Bimwa 4:11

”Kò, Nzambe a banga, Mokonchi, k’òdi monyèki n’iyamba bokumu na botochibe na chwa, tonga k’òdi motuli a beka bichò, beka bichò bi bitubaki na bitulibaki edi tonga na bodingo ba kò.”

Bimwa 5:12

na bango balobaki nikichi bwe: ”Mwan’a gbata wango ebomibaki, wango adi monyèki n’iyamba chwa, bomandi, na bokièngu, na nguli, na bokumu na botochibe.”