Matthieu 6:2 - Mina ma Nzambe 1947

² Mo k’òphe bato beka b’elumba, towulake ilimba o muna ma kò, ko bato ba manya bakiele o mandako ma Nzambe bona n’o manè, mòchi bwe bato batoche bango, nga lobe na beni nènè: Bango babiyamba iwut’a bango.

Matthieu 6:2 Iomraidhean Croise

Matthieu 15:7

Beni bato ba manya. Nènè, Esaie alobaki mawò ma nènè, a wango alobaki bwe:

Matthieu 16:3

Na mompengo beni bolobe bwe: Lebo tedyala na bophupha, tonga ikolo idi yuko n’itelaki. Beni boyiche botange o ncha che ikolo, ko, mandèmbo ma bobiko beni oyeba botange ka.

Matthieu 22:18

Ko Jésus ayènèki bobè ba bango, alobaki na bango bwe: ”Beni bokiele bolengi tonga n’iphèphiza motema ma nga, mbekende?

Matthieu 23:5

Bango bakiele matoma ma bango machò, tonga n’iyèniba na bato phencha, bango bakatize phylactères a bango, bango bakatize bicholo ba bango o bilamba ba bango.

Matthieu 23:6

O bango baya bodye bekidya na moninga badinge echoko enè, na badinge bakiti ba ta bocho o ch’a mandako m’ibondima.

Matthieu 24:51

na wango tacheche wango, na wango taphè wango echoko a wango otete a bato ba manya. Ondo tedyala mbembe na bachulinyi ba mino.”

Matthieu 5:18

Nga lobe na beni nènè: kokoko ncho ikolo na che tichila imelo iki, iyo ikièmbo iki a miyeko tichumbani, kokoko ncho mawò machò makòtibaki tatubana.

Matthieu 6:16

Iwò akbwi dyòkò. O beni bochabole bekidya, toyimbake monginda ko bato ba manya bona, bango bayenche bocho ba bango o michò ma bato, tonga mochi bato balobe bwe, bango bachabolaki bekidya. Nga lobe na beni nènè: Bango babiyamba iwut’a bango.

Matthieu 6:3

Ko, o k’òphe bato beka b’elumba, tika ebòkò ewèchè a kò edyale oyeba matoma, mango k’òkiele o ebòkò èlomi a kò ka.

Matthieu 6:5

Okomo k’òchambele, todyalake ko bato ba manya bona, tonga bango badinge botèmè chu o mandako m’ibondima n’o chonge a manè, mòchi bwe, bato bayènè bango, nga lobe na beni nènè: Bango babiyamba iwut’a bango.

Matthieu 7:5

Ko moto a bwanya, phota bomiche moyikako ma kò nò dyò, owana kò toyènè monchèlo, mwango modi o dichò a mwanyango nonyòngò.

Marc 12:39

na badinge bakiti ba tabocho o mandako m’ichambela, na bakiti be tabocho o binongo byango bato balambize mabonda.

Marc 7:6

Ko wango ayambolaki bango bwe: Esaie achakolaki mawò ma nènè tonga na beni bingiele, ko bakòtèki bona: ”Bato ba batoche nga na mina ma bango, ko mitema ma bango midi na mi na nga ko twa;

Mina minyòngò myango Saint Luc akòtèki 11:41

Bophè bato beka b’elumba byango bidi o ch’a beni, na kobona beka bichò tidyala cheche na beni.

Mina minyòngò myango Saint Luc akòtèki 11:43

Beni bapharisien, mokindo tophila beni, tonga beni bodinge bakiti ba tabocho o mandako m’ibondima, na beni bodinge bato badyokize beni o madyando.

Mina minyòngò myango Saint Luc akòtèki 12:33

Botèkizaka beka byango bidi na beni, na bophèke bato beka b’èlumba, bokielaka bibamba byango tidyala, okotatana ka, eyek’a motuya, yango tichili ikolo, enongo yango moyibi tipholi na banyama tichumbizi beka,

Mina minyòngò myango Saint Luc akòtèki 12:56

Beni bato ba manya, beni boyiche botange o nch’a ch’ikolo, beni bomèke bobiko bu ka, mbekende?

Mina minyòngò myango Saint Luc akòtèki 13:15

Ko, Jésus ayambolaki mwango bwe: ”Beni bato ba manya, moto ikika a beni adi owutola ngombo a wango nyò tolopho a wango o chanduku idyèza banyama o bucha ba chono, n’akambe bango echoko inyweza bango mè ka?

Mina minyòngò myango Saint Luc akòtèki 20:46

”Bokiekaka n’ikièngu tonga na bato ba bokièngu ba mikanda, bango badinge botambole na balobu bachanda, badinge bato badyokize bango o madyando, na badinge bakiti ba tabocho o mandako m’ibondima, na bakiti ba tabocho o binongo byango bato balambize mabonda.

Mina minyòngò myango Saint Luc akòtèki 6:24

Beni, bamandi, mokindo tophila beni, tonga beni bobiyamba ibwangicha.

Mina minyòngò myango Saint Luc akòtèki 6:42

K’òyiche bolobe na mwanyango a kò bwe: ”Tika nga miche monchèlo mwango modi o dicho a kò,” ko kò koncha oyènè moyikako mwango modi o dicho a kò ka? Kò moto a bwanya, phota bomiche moyikako mwango modi o dicho a kò nò dyò, owana kò tòyicha bomiche monchèlo mwango modi o dicho a mwanyango a kò nonyòngò.

Jean 13:29

Tonga Judas ebèki koncha wango ebènyanye ebamba a mbongo, na kobona baninga bachimunyaki bwe, iyò Jésus alobaki na wango tonga n’ichomba beka tonga na yenga monè, iyò nyò bwe, aphè na bayoko.

Jean 5:41

Nga di oyamba botochibe ba bato ka.

Jean 5:44

Beni bango botochane na bodi oyenga botochibe ba koncha wango edi Nzambe ka, beni tòyicha bochingane bwe?

Jean 7:18

Koncha wango echakole tonga na nchoto a wikoncha, yena edi koncha wango eyenge botochibe ba wikoncha. Ko, koncha wango eyenge botochibe ba koncha wango etindaki wango, yena edi moto a nènè, na botoma bobe nyò bò bodi o cha wango twa.

Matoma ma Bapôtres 10:2

wango abèki moto monyòngò n’èchingane a Nzambe, na b’ikanda a wango ichò elenge ko yango, aphèki bato matabichi makama, n’achambelaki Nzambe kokoko.

Matoma ma Bapôtres 10:31

na wango alobaki bwe: Iyong’a kò biwoka, Nzambe abatelaki matabichi ma kò m’èlumba.

Matoma ma Bapôtres 10:4

O wango ayènèki wango, wango atilaki, alobaki bwe: Bwe nde, Mokonchi? Wango ayambolaki bwe: Mabondima ma kò, na matabichi ma kò, m’èlumba mabiphola o bocho ba Nzambe, na wango abatele mango.

Matoma ma Bapôtres 11:29

Komoyena bayekoli bachòchòki bwe, bango tayekonginya beka ko moto ikika ayichaki bona, tonga n’itinda enongo ikieliza banyango ba baphele (b’ebati a Nzambe), bango babèki o Judèe.

Matoma ma Bapôtres 24:17

Kobona o baphela bakama balekanaki, nga butwaki tonga n’iphè matabichi m’èlumba ma bato ba nga na tonga n’ibèkè offrande.

Matoma ma Bapôtres 9:36

O Joppé ebèki moyekoli a mwatò, kombo a wango: Tabitha, edi motwatwa Dorcas. Mwatò wango alekaki ekielele matoma manyòngò, n’aphèki matabichi m’èlumba makama.

Baromain 12:8

koncha wango ebiphèba mateyo, ateyaka baninga kot’èteyele. Koncha wango ephè matabichi, aphèkè mango na motema monyòngò, koncha wango ebitikiba mokomandi akielaka botoma bwango kot’èkielele, koncha wango ekiele botoma b’èlumba akielaka bwango na moni.

1 Corinthien 13:3

Mo nga phanche beka ba nga bichò tonga n’idwa bekidya ba bayoko, mo nga yilelaki nchoto a nga tonga n’idika, ko, mo nga bodyala n’èlumba ka, ibe matoma mango madi bwabona.

Galate 2:10

Banga botindibaki kobona tonga n’iyèbatele bayoko, nà nga kielaki kobona tètè kot’èkielele.

Ephésien 4:28

Koncha wango ebèki eyibe tayibake dyòkò, akole o mochalo, akiele matoma manyòngò na mabòkò ma wango, tonga n’idwa beka b’iphè koncha wango edi na phocha.

1 Thessalonicien 2:6

banga boboyenga botochibe ba bato ka, nyò na beni, nyò na bana baninga, nchene banga boyichaki bodyale ko edyalele yango bapôtre ba Christ bona.

1 Timothée 6:18

Otindaka bango bakiele ekielele enyòngò, badyalaka bamandi o ch’a matoma manyòngò, badyalaka bakabi, bachanganaka na baninga o ch’a kièlèlè,

Philémon 1:7

Tonga nga biyamba moni mokama n’ibwangicha elumba yango kò, mwanyango a bole a nga ebati a Nzambe k’òbwangizaki mitema ma bato b’èchwa.

Hébreu 13:16

Tobungake ekabele ikaba beka ba beni na baninga, tonga basacrifice elenge yena baphè Nzambe moni.

1 Pierre 4:11

Mo moto alobe iwò, tika wango alobe ko mawò ma Nzambe bona, mo moto akiele machalo, tika wango akiele mwango ko Nzambe aphè wango nguli bona, echoko Nzambe tadyala motochibaki o beka bichò o ch’a Jésus Christ yango, koncha wango tedyala na botochibe na nguli o biteneli o biteneli, Amen.